ഐ.​എ​സ്.​സി അ​പെ​ക്‌​സ് യു.​എ.​ഇ ബാ​ഡ്മി​ന്റ​ണ്‍ ടൂ​ര്‍ണ​മെ​ന്റ്

അ​ബൂ​ദബി: ജൂ​നി​യ​ര്‍ബാഡ്മിന്റൺ താരങ്ങളു​ടെ ത്രി​ല്ലി​ങ് ഫൈ​ന​ല്‍ പോ​രാ​ട്ട​ങ്ങ​ളോ​ടെ 47മാ​ത് ഐ.​എ​സ്.​സി അ​പെ​ക്‌​സ് യു.​എ.​ഇ ബാ​ഡ്മി​ന്റ​ണ്‍ ജൂ​നി​യ​ര്‍ എ​ലൈ​റ്റ് ടൂ​ര്‍ 2025ന് ​സ​മാ​പ​നം. റി​യാ​ന്‍ മ​ല്‍ഹാ​ന്‍ (ദു​ബൈ) ഇ​ര​ട്ട കി​രീ​ടം നേ​ടി. ബോ​യ്സ് സിം​ഗി​ള്‍സ്(​അ​ണ്ട​ര്‍ 19, അ​ണ്ട​ര്‍ 17) ഫൈ​ന​ലു​ക​ളി​ല്‍ ആ​ദം ജെ​സ്‍ലി​നെ​യാ​ണ് (ദു​ബൈ) പ​രാ​ജ​യ​പ്പെ​ടു​ത്തി​യ​ത്.

ബോ​യ്സ് സിം​ഗി​ള്‍സ് അ​ണ്ട​ര്‍ 19 ഫൈ​ന​ലി​ല്‍ റി​യാ​ന്‍ മ​ല്‍ഹാ​ന്‍ വാ​ശി​യേ​റി​യ മൂ​ന്നു​സെ​റ്റു​ക​ളി​ല്‍ ആ​ദം ജെ​സ്‍ലി​നെ പ​രാ​ജ​യ​പ്പെ​ടു​ത്തി. ഫൈ​ന​ല്‍ ദി​വ​സം നേ​ര​ത്തേ ന​ട​ന്ന ബോ​യ്സ് സിം​ഗി​ള്‍സ് അ​ണ്ട​ര്‍ 17 ഫൈ​ന​ലി​ല്‍ റി​യാ​ന്‍ മ​ല്‍ഹാ​ന്‍ ആ​ദം ജെ​സ്‍ലി​നെ​തി​രെ തു​ട​ര്‍ച്ച​യാ​യ ര​ണ്ട് സെ​റ്റു​ക​ളി​ല്‍ വി​ജ​യി​ച്ചു.

അ​തേ​സ​മ​യം, ഗേ​ള്‍സ് സിം​ഗി​ള്‍സ് അ​ണ്ട​ര്‍ 19, അ​ണ്ട​ര്‍ 17 വി​ഭാ​ഗ​ങ്ങ​ളി​ല്‍ പ്രാ​പ്തി കു​മാ​ര്‍ ദു​ബൈ വി​ജ​യി​യാ​യി. ദു​ബൈ​ക്കാ​രാ​യ ടോ​പ് സീ​ഡ​ഡ് സ​ഈം മു​ന​വ​ര്‍, നി​സാ​ര്‍ തും​ഗ സ​ഖ്യം ബോ​യ്സ് ഡ​ബ്ള്‍സി​ല്‍ (അ​ണ്ട​ര്‍ 19) ചാ​മ്പ്യ​ന്മാ​രാ​യി. ഗേ​ള്‍സ് ഡ​ബ്ള്‍സി​ല്‍ (അ​ണ്ട​ര്‍ 19) മൈ​ഷ ഒ​മ​ര്‍ഖാ​ന്‍, അ​മി​യ സ​ച്‌​ദേ​വ സ​ഖ്യം ക​പ്പ​ടി​ച്ചു. ഫൈ​ന​ല്‍ ദി​വ​സ​ത്തി​ലെ മ​റ്റൊ​രു ശ്ര​ദ്ധേ​യ മ​ത്സ​ര​ത്തി​ല്‍, അ​ബൂ​ദ​ബി​യി​ലെ സ​മി​ത സ​നാ​വു​ല്ല, സാ​ന്‍വി ജ​യ​കൃ​ഷ്ണ​നെ പ​രാ​ജ​യ​പ്പെ​ടു​ത്തി അ​ണ്ട​ര്‍ 13 വി​ഭാ​ഗ​ത്തി​ല്‍ ഗേ​ള്‍സ് ചാ​മ്പ്യ​നാ​യി.

475 എ​ന്‍ട്രി​ക​ളോ​ടെ 19 ഇ​ന​ങ്ങ​ളി​ല്‍ 319 ജൂ​നി​യ​ര്‍ ക​ളി​ക്കാ​ര്‍ ടൂ​ര്‍ണ​മെ​ന്റി​ല്‍ മ​ത്സ​രി​ച്ചു. യു.​എ.​ഇ​യു​ടെ വ​ള​ര്‍ന്നു വ​രു​ന്ന ബാ​ഡ്മി​ന്റ​ണ്‍ താ​ര​ങ്ങ​ള്‍ക്ക് വേ​ദി ഒ​രു​ക്കാ​ന്‍ ക​ഴി​ഞ്ഞ​തി​ല്‍ അ​ഭി​മാ​നി​ക്കു​ന്ന​താ​യി ഐ.​എ​സ്.​സി സ്പോ​ര്‍ട്സ് സെ​ക്ര​ട്ട​റി​യും ടൂ​ര്‍ണ​മെ​ന്റ് മാ​നേ​ജ​രു​മാ​യ രാ​കേ​ഷ്​ രാ​മ​കൃ​ഷ്ണ​ന്‍ പ​റ​ഞ്ഞു.

ജൂ​നി​യ​ര്‍ ഇ​വ​ന്റി​ന്റെ സ​മ്മാ​ന​വി​ത​ര​ണം സീ​നി​യ​ര്‍ ഇ​വ​ന്റി​ന്റെ സ​മ്മാ​ന​വി​ത​ര​ത്തോ​ടൊ​പ്പം ഫെ​ബ്രു​വ​രി 23ന് ​ന​ട​ക്കും. സീ​നി​യ​ര്‍ മ​ത്സ​ര​ങ്ങ​ള്‍ 23ന് ​എ​ലൈ​റ്റ് ഫൈ​ന​ല്‍ മ​ത്സ​ര​ങ്ങ​ളോ​ടെ സ​മാ​പി​ക്കും.