സായിദ്​ വർഷാചരണം : നടത്തിപ്പിന്​ പ്രസിഡൻറ്​  ഉന്നത സമിതിയെ നിയോഗിച്ചു

അബൂദബി:  2018 ശൈഖ്​സായിദ്​ വർഷമായി ആചരിക്കുന്നതി​​െൻറ ഭാഗമായി  ഉന്നത തല സമിതി രൂപവത്​കരിച്ച്​ യു.എ.ഇ പ്രസിഡൻറ്​ ശൈഖ്​ ഖലീഫ ബിൻ സായിദ്​ ആൽ നഹ്​യാ​​െൻറ ഉത്തരവ്​. ഉപ പ്രധാനമന്ത്രി ശൈഖ്​ മൻസൂർ ബിൻ സായിദ്​ ആൽ നഹ്​യാൻ ചെയർമാനായാണ്​ സമിതി. 

ശൈഖ്​ സായിദ്​ ബിൻ സുൽത്താൻ ആൽ നഹ്​യാൻ യു.എ.ഇയുടെ മുന്നേറ്റത്തിനായി നടത്തിയ സംഭാവനകളെ ഉയർത്തിപ്പിടിച്ച്​ സഹിഷ്​ണുതയുടെയും സ്വാഭിമാനത്തി​​െൻറയും സംസ്​കാരം പ്രചരിപ്പിക്കുന്നതിനും രാജ്യത്തി​​െൻറ പുരോഗതി ശക്​തമാക്കുന്നതിനുമാണ്​ വർഷാചരണം.  കാബിനറ്റ്​^ഭാവി കാര്യ മന്ത്രി മുഹമ്മദ്​ ബിൻ അബ്​ദുല്ലാ അൽ ഗർഗാവി, വിദേശകാര്യ സഹമന്ത്രി ഡോ. അൻവർ മുഹമ്മദ്​ ഗർഗാശ്​, യുവജനകാര്യ സഹമന്ത്രി ശമ്മ സുഹൈൽ ഫാരിസ്​ അൽ മസ്​റൂഇ എന്നിവരെ ശൈഖ്​ മൻസൂർ സമിതിയിൽ ഉൾക്കൊള്ളിച്ചിട്ടുണ്ട്​.

പ്രസിഡൻറ്​കാര്യ, സാംസ്​കാരിക വിജ്​ഞാന വികസന മന്ത്രാലയങ്ങളുടെയും അബൂദബി എക്​സിക്യൂട്ടിവ്​ കൗൺസിൽ, എക്​സിക്യൂട്ടിവ്​ കാര്യ അതോറിറ്റി എന്നിവയുടെയും പ്രതിനിധികളും സമിതിയിലുണ്ടാവും. വർഷാചരണത്തി​​െൻറ പദ്ധതി വിഭാഗങ്ങൾ തയ്യാറാക്കുന്നതുൾപ്പെടെ നിരവധി ചുമതലകൾ സമിതിക്കായിരിക്കും.  രാജ്യ വ്യാപകമായി പ്രാദേശിക അതോറിറ്റികളു​മായി കൈകോർത്ത്​ സമിതികൾക്കും രൂപം നൽകും.