ഇത്​ യു.എ.ഇയുടെ സമ്മാനമാണ്​, ​ നിങ്ങളിത്​ ഉപയോഗപ്പെടുത്തുക

ദുബൈ: യു.എ.ഇ സർക്കാർ ജനങ്ങൾക്ക്​ നൽകുന്ന മികച്ച ഒരു സമ്മാനമാണ്​ ആഗസ്​റ്റ്​ ഒന്നിന്​ ആരംഭിക്കുന്ന പൊതുമാപ്പ്​ പദ്ധതിയെന്ന്​ ജി.ഡി.ആർ.എഫ്​.എ ഡയറക്​ടർ ജനറൽ മേജർ ജനറൽ മുഹമ്മദ്​ അഹ്​മദ്​ അൽ മറി  അഭിപ്രായപ്പെട്ടു. ഒാരോ പ്രവാസിയും ഇവിടെയെത്തി ജോലി ചെയ്യുന്നത്​ അവരവർക്കു വേണ്ടി മാത്രമല്ല. അവരുടെ കുടുംബത്തിനും വീടിനും നാടിനും വേണ്ടിയാണ്​. ഒരു പ്രവാസിക്ക്​ ദുരിതമുണ്ടായാൽ അങ്ങകലെ അവരുടെ കുടുംബത്തിനും വീടിനും നാടിനും ദുരിതമുണ്ടാവും. ഏവർക്കും സന്തോഷവും സമാധാനവും ഉറപ്പാക്കുകയാണ്​ നമ്മുടെ ദൗത്യം. നിയമം ലംഘിച്ച്​ ഇൗ രാജ്യത്ത്​ കഴിയുന്നവർ ക്രിമിനലുകളല്ല. അവരുടെ നിയമലംഘനത്തിന്​ പല വിധ കാരണങ്ങളുണ്ടാവും. നിയമ പ്രതിസന്ധിയിൽ നിന്ന്​ മുക്​തരാക്കി ഭാവി ശോഭനമാക്കാനുള്ള അവസരമാണ്​ അവർക്കിത്​. ഏവരെയും സ്വീകരിക്കാൻ സന്നദ്ധതയുള്ള ഇൗ രാജ്യത്ത്​ പുതിയ ജീവിതം തുടങ്ങാനും സൗകര്യമുണ്ടാവും. അതിന്​ ഏവരുടെയും പിന്തുണ ആവശ്യമാണെന്നും അൽ മറി പറഞ്ഞു. ഇത്​ നമ്മുടെ ഉത്തരവാദിത്വമാണ്​.  മേജർ ജനറൽ അൽ മറി ദുബൈ ജി.ഡി.ആർ.എഫ്​.എ  ഡയറക്​ടർ ജനറൽ സ്​ഥാനത്തിരിക്കെ നടക്കുന്ന മൂന്നാമത്തെ പൊതുമാപ്പ്​ പദ്ധതിയാണിത്​. മുൻവർഷങ്ങളേക്കാൾ കൂടുതൽ സുഗമവും സൗകര്യങ്ങളുമാണ്​ ഇക്കുറി ലഭ്യമാവുന്നതെന്ന്​ ​അദ്ദേഹം വ്യക്​തമാക്കി. എത്രയാളുകൾ സൗകര്യം പ്രയോജനപ്പെടുത്തുമെന്ന്​ ഇപ്പോൾ പറയേണ്ടതില്ല. ഇൗ സൗകര്യത്തിന്​ അർഹരായ എല്ലാവരും പ്രയോജനപ്പെടുത്തകയാണ്​ വേണ്ടത്​. ചിലരുടെ അനധികൃത താമസം സംബന്ധിച്ച ​പ്രശ്​നങ്ങൾ പെ​െട്ടന്ന്​ പരിഹരിക്കാനാവും. ചിലത്​ അൽപം സമയമെടുത്തേക്കും.^അദ്ദേഹം മാധ്യമ പ്രവർത്തകരോടു പറഞ്ഞു.
പൊതുമാപ്പ്​ വിവരങ്ങൾക്ക്​: 8005111 ടോൾഫ്രീ നമ്പർ,  80080 ടോൾ ​ഫ്രീ നമ്പർ
 

പൊതുമാപ്പ്​ ഒരുക്കുന്ന ആനുകൂല്യങ്ങൾ
•    താമസ രേഖ സംബന്ധമായ എല്ലാ പിഴകളിൽ നിന്നും മുക്​തി 
•    ബാൻ അടിക്കാതെ മടങ്ങാനുള്ള സൗകര്യം
    500 ദിർഹം ഫീസടച്ച്​ വിസ ശരിയാക്കി യു.എ.ഇയിൽ തുടരാനാവും
•    www.moher.gov.ae വെബ്​സൈറ്റ്​ വഴി മാനവവിഭവ ശേഷി മന്ത്രാലയം തയ്യാറാക്കുന്ന ലേബർ മാർക്കറ്റ്​ മുഖേന ജോലിക്ക്​ സാധ്യത
•    താൽകാലികമായി തങ്ങുന്നതിനുള്ള സൗകര്യം

ഇന്ത്യൻ എംബസിയിലെ ഹെൽപ്​ഡെസ്​ക്​
•    indemb.uaeamnesty18@gmail.com
•    ഇന്ത്യൻ വർക്കേഴ്​സ്​ റിസോഴ്​സ്​ സ​​െൻറർ (​െഎ.ഡബ്ലിയു. ആർ.സി) 80046342 (24 മണിക്കൂറും വിവരങ്ങൾ ലഭ്യം)
•    ഇന്ത്യൻ എംബസി: 0562622118(രാവിലെ എട്ടു മുതൽ രാത്രി എട്ടുവരെ)
•    ​െഎ.വി.എസ്​: 024456994,043579585 (രാവിലെ ഒമ്പതു മുതൽ വൈകീട്ട്​ മൂന്നു വരെ^ വെളളി, ശനി ഒഴികെ
•    ബി.എൽ.എസ്​: 043875667(രാവിലെ എട്ടു മുതൽ രാത്രി എട്ടു വരെ^വെള്ളി ഒഴികെ