പൊതുമാപ്പ്​: ഒമ്പത്​ കേന്ദ്രങ്ങളിൽ രജിസ്​റ്റർ ചെയ്യാം

അബൂദബി: യു.എ.ഇ ​സർക്കാർ പ്രഖ്യാപിച്ച പൊതു മാപ്പി​​​​െൻറ ഭാഗമായി, രാജ്യത്ത്​ നിയമവിരുദ്ധമായി താമസിക്കുന്നവർക്ക്​ പിഴയോ മറ്റു നിയമ നടപടികളോ ഇല്ലാതെ രാജ്യം വിടുകയോ താമസം നിയമാനുസൃതമാക്കുകയോ ചെയ്യുന്നതിന്​ രജിസ്​റ്റർ ചെയ്യാൻ ഒമ്പത്​ കേന്ദ്രങ്ങൾ പ്രഖ്യാപിച്ചു. അബൂദബിയിൽ ശഹാമ, അൽ​െഎൻ, ഗർബിയ ഇമിഗ്രേഷൻ ഒാഫിസുകളും ദുബൈയിൽ അൽ അവീർ ഇമിഗ്രേഷൻ ഒാഫിസുമാണ്​​ രജിസ്​ട്രേഷൻ സ​​​െൻററുകളായി നിശ്ചയിച്ചത്​. മറ്റു എമിറേറ്റുകളിൽ മുഖ്യ എമിഗ്രേഷൻ ഒാഫിസുകളാണ്​ സ​​​െൻററുകൾ. ഞായർ മുതൽ വ്യാഴം വരെ രാവിലെ എട്ട്​ മുതൽ രാത്രി എട്ട്​ വരെ കേന്ദ്രം പ്രവർത്തിക്കുമെന്ന്​ െഎഡൻറിൻറി^സിറ്റിസൻഷിപ്​ ഫെഡറൽ അതോറിറ്റി അറിയിച്ചു. 
ആഗസ്​റ്റ്​ ഒന്ന്​ മുതൽ ഒക്​ടോബർ 31 വരെയാണ്​ പൊതുമാപ്പ്​ ഉപയോഗപ്പെടുത്താനുള്ള കാലയളവ്​. വിസ കാലാവധി കഴിഞ്ഞിട്ടും രാജ്യത്ത്​ തങ്ങുന്നവർ, തൊഴിൽ പ്രശ്​നങ്ങളുള്ളവർ തുടങ്ങിയവർക്കെല്ലാം ഇളവ്​ ഉപയോഗപ്പെടുത്താൻ സാധിക്കും. രേഖകൾ നിയമാനുസൃതമാക്കുന്നവർ അടക്കാനുള്ള പിഴകളും ഫീസുകളും ഇളവ്​ ചെയ്യുമെന്നും അധികൃതർ വ്യക്​തമാക്കി. 

രാജ്യത്ത്​ അനധികൃതമായി താമസിക്കുന്നവർക്ക്​ രേഖകൾ നിയമാനുസൃതമാക്കാനും സ്വന്തം രാജ്യത്തേക്ക്​ മടങ്ങി വിലക്കില്ലാതെ മടങ്ങി വരാനും പിഴയോ ഫീസോ ഇല്ലാതെ സാധിക്കുന്ന ഇൗ അവസരം പ്രയോജനപ്പെടുത്തണമെന്ന്​ തിങ്കളാഴ്​ച അബൂദബിയിൽ നടന്ന വാർത്താസമ്മേളനത്തിൽ  ​െഎഡൻറിൻറി^സിറ്റിസൻഷിപ്​ ഫെഡറൽ അതോറിറ്റിയിലെ റെസിഡൻസ്​ അഫയേഴ്​സ്​ ഡയറക്​ടർ ബ്രിഗേഡിയർ സഇൗദ്​ റകാൻ ആൽ റാശിദ്​ പറഞ്ഞു. രേഖകൾ നിയമാനുസൃതമാക്കേണ്ടവർക്കും രാജ്യം വിടേണ്ടവർക്കും ഇത്​ വലിയ അവസരമാണെന്നും അദ്ദേഹം അഭിപ്രായപ്പെട്ടു. 

മറ്റു ഫീസുകളെല്ലാം ഒഴിവാക്കി 500 ദിർഹം ചെലവഴിച്ച്​ താമസ രേഖകൾ പുതുക്കാം, പിഴ അടക്കേണ്ടതില്ല, പ്രവേശന നിരോധനമില്ലാതെ രാജ്യം വിടാം തുടങ്ങിയവ പൊതുമാപ്പ്​ കാലയളവിലെ ആനുകൂല്യങ്ങളായി അധികൃതർ പറയുന്നു. രേഖകൾ നിയമാനുസൃതമാക്കിയവർക്ക്​ മാനവ വിഭവശേഷി^സ്വദേശിവത്​കരണ മന്ത്രാലയത്തി​​​​െൻറ വെബ്​സൈറ്റിൽ രജിസ്​റ്റർ ചെയ്​ത്​ തൊഴിലന്വേഷണത്തിനും സാധിക്കും. കൂടാതെ ആറ്​ മാസത്തെ താൽക്കാലിക വിസയെടുക്കാനും ഇവർക്ക്​ കഴിയും. സിറിയ, യമൻ തുടങ്ങിയ യുദ്ധബാധിത രാജ്യങ്ങളിലെ കുടുംബങ്ങൾക്ക്​ ഒരു വർഷത്തെ താമസ വിസ അനുവദിക്കാനും നിർദേശമുണ്ട്​. പൊതുമാപ്പ്​ ഉപയോഗപ്പെടുത്താൻ ജനങ്ങളെ ബോധവത്​കരിക്കുന്നതിന്​ െഎഡൻറിൻറി^സിറ്റിസൻഷിപ്​ ഫെഡറൽ അതോറിറ്റി മാധ്യമ കാമ്പയിൻ ആരംഭിച്ചിട്ടുണ്ട്​.   

നടപടിക്രമങ്ങൾ ഇങ്ങനെ:

• അനധികൃത താമസക്കാർക്ക്​ പുതിയ സ്​പോൺസറെ കണ്ടെത്തി രേഖകൾ നിയമാനുസൃതമാക്കി രാജ്യത്ത്​ തന്നെ നിൽക്കാം. ഇതിനായി 500 ദിർഹം ഇമിഗ്രേഷൻ ഫീസ്​ അടച്ച്​ ആമിർ കേന്ദ്രങ്ങൾ വഴി അപേക്ഷ സമർപ്പിക്കാം.
• രാജ്യം വിടാൻ ആഗ്രഹിക്കുന്നവർക്ക്​ ഇമിഗ്രേഷൻ ഒാഫിസുകളിലെത്തി പ്രവേശന വിലക്കില്ലാതെ എക്​സിറ്റ്​ പെർമിറ്റ്​ നേടാം. എക്​സിറ്റ്​ പെർമിറ്റ്​ അനുവദിച്ച്​ പത്ത്​ ദിവസത്തിനകം മടങ്ങിയാൽ മതി. 
• എക്​സിറ്റ്​ പെർമിറ്റിന്​ 220 ദിർഹം ഫീസ്​ അടക്കണം. വിമാന ടിക്കറ്റുകൾ ലഭ്യമാവാതെ വന്നാൽ പ്രത്യേക അനുമതിയോടെ അഞ്ചു ദിവസം കൂടി തങ്ങാം. 
• രേഖകളില്ലാതെ അനധികൃതമായി വന്നവർക്ക്​ രണ്ട്​ വർഷത്തെ പ്രവേശന വിലക്കോടെ എക്​സിറ്റ്​ പെർമിറ്റ്​ അനുവദിക്കും. രണ്ട്​ വർഷത്തിന്​ ശേഷം ഇവർക്ക്​ യു.എ.ഇയിൽ വരാം. 
• സ്​പോൺസറിൽനിന്ന്​ ഒളിച്ചോടിയതായി റിപ്പോർട്ട്​ ചെയ്യപ്പെട്ടവർക്ക്​ ഇമിഗ്രേഷൻ ഒാഫിസിൽ 500 ദിർഹം അടച്ച്​ റിപ്പോർട്ട്​ ഒഴിവാക്കാം. തുടർന്ന്​ ഇവർക്ക്​ പ്രവേശന വിലക്കില്ലാത്ത എക്​സിറ്റ്​ പെർമിറ്റ്​  അനുവദിക്കും.
• അസുഖം, പ്രായാധിക്യം, ആശുപത്രിയിൽ അഡ്​മിറ്റ്​ തുടങ്ങിയ അവസ്​ഥയിലുള്ളആളുകൾക്കായി അപേക്ഷകൾ സമർപ്പിക്കു​േമ്പാൾ മെഡിക്കൽ സർട്ടിഫിക്കറ്റ്​ ഹാജറാക്കണം. 
• വിസ ഇഷ്യു ചെയ്​ത ഇമിഗ്രേഷൻ ഒാഫിസുകളിൽനിന്ന്​ തന്നെയാണ്​ എക്​സിറ്റ്​ പെർമിറ്റും അനുവദിക്കുക. അതിനാൽ അതത്​ എമിറേറ്റുകളിലെ ഇമിഗ്രേഷൻ അധികൃതരെയാണ്​സമീപിക്കേണ്ടത്​.
• പാസ്​പോർ​േട്ടാ കോൺസുലേറ്റിൽനിന്നുള്ള എമർജൻസി സർട്ടിഫിക്കറ്റോ സഹിതമാണ്​ അപേക്ഷകർ ഇമിഗ്രേഷൻ ഒാഫിസുക​ളിലെത്തേണ്ടത്​. 
• സ്​പോൺസറായ ഭർത്താവിന്​ പൊലീസ്​ കേസുകളുണ്ടെങ്കിലോ ജയിലിലാണെങ്കിലോ ഒളിവിലാണെങ്കിലോ കുടുംബത്തിന്​ അപേക്ഷ നൽകി എക്​സിറ്റ്​ പെർമിറ്റ്​ നേടാം. 
• കോടതികളിൽ കേസുള്ളതു മൂലം യാത്രാവിലക്കുള്ളവർക്ക്​ ഇൗ ആനുകൂല്യങ്ങൾ ലഭിച്ചേക്കില്ല. അവരുടെ കാര്യത്തിൽ കോടതികളാണ്​ തീരുമാനമെടുക്കേണ്ടത്​. 
• തൊഴിൽ വിസ കാലാവധി കഴിഞ്ഞവർ ലേബർ ഡിപ്പാർട്ട്​മ​​െൻറ്​ ഒാഫീസുകളിലെത്തി പ്രത്യേക ക്ലിയറൻസ്​ തേടേണ്ടതില്ല. അവീറിലെ ആംനസ്​റ്റി സ​​െൻററിൽ ലേബർ, ഇമ​ിഗ്രേഷൻ ഉദ്യോഗസ്​ഥരുണ്ടാവും. 

പിന്തുണയുമായി ഇന്ത്യൻ എംബസിയും കോൺസുലേറ്റും 
അനധികൃതമായി തങ്ങുന്ന ഇന്ത്യക്കാർക്ക്​ പൊതുമാപ്പി​​​െൻറ സൗകര്യം പ്രയോജനപ്പെടുത്തി നാട്ടിലേക്ക്​ മടങ്ങുകയോ രേഖകൾ ശരിയാക്കി തുടരുകയോ ചെയ്യുന്നതിന്​ അബൂദബിയിലെ യു.എ.ഇ ഇന്ത്യൻ എംബസിയും ദുബൈയിലെ ഇന്ത്യൻ കോൺസുലേറ്റും പൂർണ്ണ പിന്തുണ നൽകും. 
050 8995583 എന്ന നമ്പറിലോ indemb.uaeamnesty18@gmail.com എന്ന ഇമെയിലിലോ ഇന്ത്യൻ എംബസിയുമായി പൊതുമാപ്പ്​ ആവശ്യത്തിനായി ബന്ധപ്പെടാം. 
80046342 എന്ന ഇന്ത്യൻ വർകേഴ്​സ്​ ​റിസോഴ്​സ്​ ​െസൻറർ ഹെൽപ്​ലൈൻ നമ്പറിൽ ഏതു സമയവും സഹായം തേടാം. www.indembassyuae.gov.in ആണ്​ ഇന്ത്യൻ എംബസിയുടെ വെബ്​സൈറ്റ്​. ദുബൈ ഇന്ത്യൻ കോൺസുലേറ്റിൽ സഹായം തേടുന്നവർക്ക്​  0565463903 എന്ന ഹെൽപ്​ലൈൻ നമ്പറിൽ എല്ലാ ദിവസവും 24 മണിക്കൂറും വിളിച്ച്​ മാർഗ നി​ർദേശം തേടാം. indiaindubai.amnesty@gmail.com എന്ന വിലാസത്തിൽ ഇമെയിൽ അയച്ചും ബന്ധപ്പെടാം.