അമാനുല്ല വടക്കാങ്ങരയുടെ അഞ്ച് പുസ്തകങ്ങള്‍ പുറത്തിറങ്ങി

ഷാര്‍ജ: അന്താരാഷ്​ട്ര പുസ്​തകമേളയിൽ ഡോ. അമാനുല്ല വടക്കാങ്ങരയുടെ അഞ്ച്​ പുസ്​തകങ്ങൾ പ്രകാശനം ചെയ്​തു. അഡ്വ. സ ി.കെ. മേനോനെക്കുറിച്ച് ‘സി.കെ. മേനോന്‍; മനുഷ്യ സ്‌നേഹത്തി​​െൻറ മറുവാക്ക്’, ഇംഗ്ലീഷ് അറബിക് സചിത്ര നിഘണ്ടു, സ്‌പോക്കണ്‍ അറബിക് മാസ്​റ്റര്‍, യാത്രാ വിവരണങ്ങളായ 'വടക്കാങ്ങരയില്‍ നിന്നും വാഷിങ്ടണിലേക്ക്', 'തടാകങ്ങളുടെ താഴ്‌വരയിലൂടെ' എന്നീ പുസ്തകങ്ങളാണ് പ്രകാശനം ചെയ്തത്.

പാണക്കാട്​ മുനവ്വറലി ശിഹാബ് തങ്ങള്‍, സഫാരി ഗ്രൂപ്പ് എം.ഡി സൈനുല്‍ ആബിദീന്‍, എഴുത്തുകാരൻ മൻസൂർ പള്ളൂർ, മാധ്യമ പ്രവർത്തകരായ എം.സി.എ. നാസര്‍, പി.പി. ശശീന്ദ്രന്‍, കെ.എം. അബ്ബാസ്​, എല്‍വിസ് ചുമ്മാര്‍, സാദിഖ് കാവില്‍ എന്നിവർ പ്രകാശനം നിർവഹിച്ചു. ലിപി അക്ബര്‍ അധ്യക്ഷത വഹിച്ചു.

കാലിക്കറ്റ് യൂനിവേഴ്‌സിറ്റി മുന്‍ വൈസ് ചാന്‍സലര്‍ ഡോ. കെ.കെ.എന്‍ കുറുപ്പ്, കവി വീരാന്‍കുട്ടി, കെ.കെ. മൊയ്തീന്‍ കോയ, ഇസ്മയീല്‍ മേലടി തുടങ്ങിയവര്‍ സംബന്ധിച്ചു.