ഓൺലൈൻ ക്വിസ് മത്സരവുമായി അലുമ്​നി അസോസിയേഷൻ

ഷാർജ: അറിവി​െൻറ താരങ്ങളെ കണ്ടെത്താൻ​ ഓൺലൈൻ ഇൻറർകൊളീജിയറ്റ് ക്വിസ് ചാമ്പ്യൻഷിപ് നടത്തി. സാമോറിൻസ് ഗുരുവായൂരപ്പൻ കോളജ്​ യു.എ.ഇ പൂർവ വിദ്യാർഥി സംഘടന നടത്തിയ മത്സരത്തിൽ 15ഓളം കോളജുകളിലെ 33 മത്സരാർഥികൾ മാറ്റുരച്ചു.

ഒന്നാം സീസണിൽ വ്യക്തിഗത വിഭാഗത്തിൽ ശ്യാം കെ. കുറുപ്പ് (മിഡിൽ ഈസ്​റ്റ്​ അലുമ്​നി ഓഫ് ഷിപ് ടെക്നോളജി), രഞ്ജിത്ത് നാരായണ പിള്ള (കെ.ഇ കോളജ് മാന്നാനം), അർജുൻ അനുഗ്രഹ (എസ്​.സി.എം.എസ്​ സ്കൂൾ ഓഫ് എൻജിനീയറിങ്​ ആൻഡ്‌ ടെക്നോളജി) എന്നിവർ ജേതാക്കളായി. മിഡിൽ ഈസ്​റ്റ്​ അലുമ്​നി ഓഫ് ഷിപ് ടെക്നോളജി ഓവറോൾ ചാമ്പ്യന്മാരായി. കെ.ഇ കോളജ് മാന്നാനം റണ്ണറപ്പായി. ഗവ. എൻജിനീയറിങ്​ കോളജ് കോഴിക്കോട്, എൻ.എസ്​.എസ്​ പോളിടെക്‌നിക് പന്തളം, എം.ഇ.എ എൻജിനീയറിങ്​ കോളജ് പെരിന്തൽമണ്ണ എന്നിവർ മൂന്നാം സ്ഥാനം പങ്കിട്ടു.

നടനും സംവിധായകനുമായ ജോയ് മാത്യു ഉദ്​ഘാടനം ചെയ്​തു. വിപിൻ ദിവാകർ അവതാരകനായി. സൂരജ് പി.കെ ക്വിസ് നിയന്ത്രിച്ചു. കെ.പി. സലിം ചീഫ് ജഡ്ജും കെ.എം. രജീഷ് സാങ്കേതിക വിഭാഗവും നിയന്ത്രിച്ചു. സെക്രട്ടറി ഇംതിയാസ് സ്വാഗതം പറഞ്ഞു. അലുമ്​നി പ്രസിഡൻറ്​ ആസിഫ് അധ്യക്ഷത വഹിച്ചു. മുഖ്യ രക്ഷാധികാരി വെങ്കിട് മോഹൻ മുഖ്യപ്രഭാഷണം നടത്തി.