സമുദ്രസുരക്ഷ ഉറപ്പുവരുത്തുന്നതിന്​ ‘അല്‍നാലിയ’ ആപ്​

അ​ബൂ​ദ​ബി: അ​ബൂ​ദ​ബി​യു​ടെ സ​മു​ദ്ര സു​ര​ക്ഷാ​ഭൂ​പ​ടം പൊ​തു​ജ​ന​ങ്ങ​ള്‍ക്ക് ല​ഭ്യ​മാ​ക്കു​ന്ന​തി​നാ​യി അ​ബൂ​ദ​ബി ന​ഗ​ര, ഗ​താ​ഗ​ത വ​കു​പ്പ് ‘അ​ല്‍ നാ​ലി​യ’ എ​ന്ന​പേ​രി​ൽ സ്മാ​ര്‍ട്ട്‌​ഫോ​ണ്‍ ആ​പ്ലി​ക്കേ​ഷ​ൻ ആ​രം​ഭി​ച്ചു. അ​ബൂ​ദ​ബി പോ​ര്‍ട്‌​സ് ഗ്രൂ​പ്പി​ന്‍റെ ഭാ​ഗ​മാ​യ അ​ബൂ​ദ​ബി മാ​രി​ടൈം, മ​ഖ്ത ഗേ​റ്റ് വേ ​എ​ന്നി​വ​യു​മാ​യി സ​ഹ​ക​രി​ച്ചാ​ണ് ഈ ​ആ​പ്ലി​ക്കേ​ഷ​ന്‍ വി​ക​സി​പ്പി​ച്ച​ത്. എ​മി​റേ​റ്റി​ലെ സ​മു​ദ്ര​സ​ഞ്ചാ​ര സു​ര​ക്ഷ​യും അ​ബൂ​ദ​ബി ജ​ല​മാ​ര്‍ഗ​ങ്ങ​ളു​ടെ ല​ളി​ത ഉ​പ​യോ​ഗം ഉ​റ​പ്പു​വ​രു​ത്തു​ക​യു​മാ​ണ് ല​ക്ഷ്യം. എ​മി​റേ​റ്റി​ലെ സ​മു​ദ്ര​മേ​ഖ​ല​യി​ലെ പ്ര​ധാ​ന വാ​ണി​ജ്യ പാ​ത​ക​ള്‍, ക​ണ​ക്ടി​വി​റ്റി റൂ​ട്ടു​ക​ള്‍, വേ​ഗ​പ​രി​ധി, ക​പ്പ​ലു​ക​ള്‍ ന​ങ്കൂ​ര​മി​ടു​ന്ന മേ​ഖ​ല​ക​ള്‍, മോ​ട്ടോ​ര്‍ ഘ​ടി​പ്പി​ച്ച​തും അ​ല്ലാ​ത്ത​തു​മാ​യ സ​മു​ദ്ര വി​നോ​ദ മാ​ര്‍ഗ​ങ്ങ​ള്‍ എ​ന്നി​വ​യു​ടെ ത​ത്സ​മ​യ വി​വ​ര​ങ്ങ​ള്‍ ല​ഭ്യ​മാ​ക്കു​ന്ന​താ​ണ് ആ​പ്ലി​ക്കേ​ഷ​ന്‍.

ഏ​റ്റ​വും അ​ടു​ത്ത സ​മു​ദ്ര ഇ​ന്ധ​ന നി​ല​യ​ങ്ങ​ള്‍, മ​റീ​ന തു​ട​ങ്ങി​യ സ​മു​ദ്ര സൗ​ക​ര്യ​ങ്ങ​ള്‍, ജെ​റ്റ് സ്‌​കൈ​സ്, സ​മു​ദ്ര ജ​ല കാ​യി​ക​വി​നോ​ദ​ങ്ങ​ള്‍, നീ​ന്ത​ല്‍ സ​ര്‍ഫി​ങ് മു​ത​ലാ​യ​വ​യെ​ക്കു​റി​ച്ച് ആ​പ്പി​ലൂ​ടെ അ​റി​യാ​നാ​വും. യു.​എ.​ഇ​യു​ടെ സ​മു​ദ്ര ച​രി​ത്ര പെ​രു​മ​യ്ക്കു​ള്ള ബ​ഹു​മ​തി​ക്കാ​യാ​ണ് ‘അ​ല്‍ നാ​ലി​യ’ എ​ന്ന പേ​ര് ആ​പ്ലി​ക്കേ​ഷ​ന് ന​ല്‍കി​യി​രി​ക്കു​ന്ന​ത്. ആ​പ് സ്റ്റോ​റി​നും ഗൂ​ഗി​ള്‍ പ്ലേ ​സ്റ്റോ​റി​ലും ആ​പ്ലി​ക്കേ​ഷ​ന്‍ ല​ഭ്യ​മാ​ണ്.