അൽ ഹുസ്​ൻ ആപ്പി​െൻറ തകരാർ പരിഹരിച്ചു

ദുബൈ: കോവിഡ് പ്രതിരോധത്തിന്​ രൂപ​പ്പെടുത്തിയ യു.എ.ഇയുടെ ഒൗദ്യോഗിക ​ആപ്പായ അൽ ഹുസ്​​െൻറ പ്രവർത്തനത്തിൽ വന്ന തടസ്സം പരിഹരിച്ചു. വ്യാഴാഴ്​ച വൈകീട്ടാണ്​ മിക്ക ഉപഭോക്​താക്കൾക്കും ആപ്പി​െൻറ പ്രവർത്തനം ലഭ്യമല്ലാതായി തുടങ്ങിയത്​​. തകരാർ പരിഹരിച്ച്​ ശനിയാഴ്​ച വൈകീട്ടാണ്​ പ്രവർത്തനം പുനരാരംഭിച്ചത്​. അബൂദബിയിൽ പൊതുപരിപാടികളിലും മാളുകളിലും ഹോട്ടലുകളിലും പ്രവേശിക്കാൻ ആപ്പിൽ തെളിയുന്ന ഗ്രീൻ പാസ്​ നിയമമാക്കിയതോടെ ഉപയോക്​താക്കളുടെ എണ്ണം വർധിച്ചതാണ്​ തകരാർ വരാനുണ്ടായ സാഹചര്യം.

ആപ് പ്രവർത്തനം നിലച്ചതോടെ ഗ്രീൻ പാസ്​ മാനദണ്ഡം നിർത്തലാക്കിയിരുന്നു. ആപ്പി​െൻറ അപ്‌ഡേറ്റ് പൂർത്തിയാക്കി എല്ലാ ഉപയോക്താക്കൾക്കും ആപ്ലിക്കേഷൻ സേവനത്തി​െൻറ തുടർച്ച ഉറപ്പാക്കിയ ശേഷം ഗ്രീൻ പാസ്​ പുനഃസ്​ഥാപിക്കുമെന്ന്​ അധികൃതർ അറിയിച്ചിട്ടുണ്ട്​. എന്നാൽ, ഇതുസംബന്ധിച്ച്​ ശനിയാഴ്​ച രാത്രിവരെ പുതിയ ഉത്തരവു​കൾ ഇറങ്ങിയിട്ടില്ല.