ഇൗജിപ്​ത്​ പ്രസിഡൻറ്​  അൽ സീസി യു.എ.ഇയിൽ

അബൂദബി: ഇൗജിപ്​ത്​ പ്രസിഡൻറ്​ അബ്​ദുൽ ഫത്താഹ്​ അൽ സീസി രണ്ട്​ ദിവസത്തെ സന്ദർശനത്തിനായി യു.എ.ഇയിലെത്തി. ബുധനാഴ്​ചയെത്തിയ സീസിയെ അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാൻഡറുമായ ജനറൽ ശൈഖ് മുഹമ്മദ് ബിൻ സായിദ് ആൽ നഹ്​യാൻ സ്വീകരിച്ചു. 

പ്രസിഡൻഷ്യൽ വിമാനത്താവളത്തിൽ 21 ഗൺ സല്യൂട്ടുകളോടെയും ഇൗജിപ്​തി​​െൻറയും യു.എ.ഇയുടെയും ദേശീയഗാന ആലാപനത്തോടെയുമാണ്​ സ്വീകരണം നൽകിയത്​. ഉപ പ്രധാനമന്ത്രിയും ആഭ്യന്തരമന്ത്രിയുമായ ലെഫ്​റ്റനൻറ്​ ജനറൽ ശൈഖ്​ സൈഫ്​ ബിൻ സായിദ്​ ആൽ നഹ്​യാൻ, ദേശീയ സുരക്ഷാ ഉപദേഷ്​ടാവ്​ ശൈഖ്​ തഹ്​നൂൻ ബിൻ ആൽ നഹ്​യാൻ, ഉപ പ്രധാനമന്ത്രിയും പ്രസിഡൻഷ്യൽകാര്യ മന്ത്രിയുമായ ശൈഖ്​ മൻസൂർ ബിൻ സായിദ്​ ആൽ നഹ്​യാൻ, ഇൗജിപ്​തിലെ യു.എ.ഇ സ്​ഥാനപതി ജുമ മുബാറക്​ ആൽ ജുനൈബി, അറബ്​ ലീഗ്​ പ്രതിനിധികൾ തുടങ്ങിയവരും സന്നിഹതരായിരുന്നു.