റൗണ്ട്​ എബൗട്ടുകളുടെ നഗരം  സിഗ്​നലുകൾക്ക്​ വഴി മാറുന്നു

അൽ​െഎൻ: റൗണ്ട്​ എബൗട്ടുകളുടെ നഗരം എന്ന പേരിൽ കൂടി അറിയപ്പെടുന്ന അൽ​െഎനിലെ പ്രധാന റൗണ്ട്​ എബൗട്ടുകളെല്ലാം സിഗ്​നലുകളാക്കി മാറ്റുന്നു. ഗതാഗതക്കുരുക്കും അപകടങ്ങളും ഒഴിവാക്കുന്നതിനുള്ള നടപടികളുടെ ഭാഗമായാണിത്​. പാലസ്​ റൗണ്ട്​ എബൗട്ട്​, ​േഗാൾഡൻ ഒറിക്​സ്​, റൊട്ടാന, ഹിൽട്ടൻ, സായിദ്​ റൗണ്ട്​ എബൗട്ട്​ എന്നിവടങ്ങളിലാണ്​ നിർമാണ പ്രവർത്തനങ്ങൾ തുടങ്ങിയിരിക്കുന്നത്​. ഇതിൽ റൊട്ടാന, ഗോൾഡൻ ഒറിക്​സ്​ റൗണ്ട്​ എബൗട്ടുകളിൽ ഗതാഗതം പൂർണമായി ഒഴിവാക്കിയും മറ്റുള്ളവയിൽ ഭാഗിക നിയന്ത്രണം ഏർപ്പെടുത്തിയുമാണ്​ പണികൾ നടക്കുന്നത്​. 

ഹിൽട്ടൻ റൗണ്ട്​എബൗട്ട്​ മേൽപാലം നിലനിർത്തിക്കൊണ്ട്​ സിഗ്​നൽ സംവിധാനത്തിലേക്ക്​ മാറ്റുന്ന പണികളും മുന്നേറുന്നു. മേൽപാലം പുനർനിർമാണം പൂർത്തായി കഴിഞ്ഞു. സിഗ്​നൽ സ്​ഥാപിക്കുന്ന ജോലിയാണിപ്പോൾ. ബവാദി മാൾ, സായിദ്​ മിലിട്ടറി ക്യാമ്പ്​, മസ്​യദ്​ എന്നിവിടങ്ങളിലേക്കുള്ള ഏക റോഡ്​ ഹിൽട്ടൻ റൗട്ട്​ എബൗട്ട്​ വഴിയാണ്​ കടന്നു പോകുന്നത്​. ടൗൺ സ​​െൻററിൽ നിന്ന്​ ജബൽ അഫീത്ത്​, സനാഇയ, സ്​കൂളുകൾ ഏറെയും നില​െകാള്ളുന്ന മനാസിർ, ഇത്തിസലാത്ത്​ ഒാഫിസ്​ എന്നിവിടങ്ങളിലേക്കുള്ള പാത കൂടി കടന്നു പോകുന്നത്​ ഇതുവഴിയാണ്​.

 സിഗ്​നൽ അടുത്ത മാസങ്ങളിൽ യാഥാർഥ്യമാകുന്നതോടെ ഇതുവഴിയുള്ള യാത്ര ഏറെ സുഖകരമായിത്തീരും. ഇരുനൂറോളം റൗണ്ട്​ എബൗട്ടുകളുള്ള അൽ​െഎനിലെ തിരക്കേറിയ മുറബ്ബ, ക്ലോക്​ ടവർ, ഖലീഫ സ്​ട്രീറ്റ്​, മനാസിർ എന്നിവിടങ്ങളിൽ നേരത്തേ തന്നെ സിഗ്​നലുകൾ ഒരുക്കിയിരുന്നു. 
യു.എ.ഇയുടെ സാംസ്​കാരിക പൈതൃകം വിളിച്ചോതുന്നവയായിരുന്നു അൽ​െഎനിലെ ഒാരോ റൗണ്ട്​ എബൗട്ടുകളും. ഒാരോന്നിനും പ്രത്യേക നമ്പറുകളുണ്ടെങ്കിലും അവിടങ്ങളിൽ സ്​ഥാപിച്ചിരിക്കുന്ന ശിൽപങ്ങളുടെ പേരിലാണ്​ ഇവ​െയല്ലാം അറിയപ്പെട്ടിരുന്നത്​. ഫാൽക്കണും ദിവാനും ഗോൾഡൻ ഒറിക്​സുമെല്ലാം അങ്ങിനെ ലഭിച്ച പേരുകളാണ്​. 
നഗരത്തി​​​െൻറ മുഖച്​ഛായയും അൽ​െഎനെക്കുറിച്ച്​ യാത്രക്കാർക്കുള്ള ഒാർമകളും മാറ്റിമറിച്ചാണ്​ സിഗ്​നലുകളെത്തുന്നത്​.