അൽ​െഎനിലും പെയ്​ഡ്​ പാർക്കിങ്​ തുടങ്ങി

അൽ​െഎൻ:  മവാഖിഫി​​െൻറ പെയ്​ഡ്​ പാർക്കിങ്​ സംവിധാനം അൽ​െഎനിൽ നിലവിൽ വന്നു. അഞ്ച്​ സെക്​ടറുകളിലായി 5691പാർക്കിങ്​ ഇടങ്ങളാണ്​ ഒരുക്കിയതെന്ന്​ ഇൻറട്രേറ്റഡ്​ ട്രാൻസ്​പോർട്ട്​ ​െസൻറർ ​െഡ.ജന. മാനേജർ മുഹമ്മദ്​ അൽ മുഹൈറി അറിയിച്ചു.  ഹൈ ഖസൈദയിൽ 1376, ഹൈ അൽ റുബൈനയിൽ 1175, ഹൈ അൽ നവാസിയിൽ 1107,ഹൈ അൽ ഹുമൈറയിൽ 1166, ഹൈ അൽ സലാമയിൽ 867 എന്നിങ്ങനെയാണ്​ പാർക്കിങ്​ ബേകൾ.

നീലയും കറുപ്പും നിറമടിച്ച സാധാരണ പാർക്കിങ്​ മേഖലകളിൽ രാവിലെ എട്ടു മുതൽ അർധരാത്രി വരെ മണിക്കൂറിന്​ രണ്ട്​ ദിർഹമാണ്​ ഇൗടാക്കുക. നീലയും വെള്ളയും നിറമുള്ള പ്രീമിയം പാർക്കിങ്​ പ്രദേശങ്ങളിൽ മൂന്ന്​ ദിർഹം നൽകണം.  15 ദിർഹം നൽകിയാൽ  മുഴുദിന പാർക്കിങ്​ അനുവദിക്കും. അൽ​െഎനിലെ താമസക്കാർക്ക്​ വീടിനടുത്ത്​ വാഹനം പാർക്ക്​ ചെയ്യുന്നതിന്​ പെർമിറ്റും ലഭിക്കും. 800 ദിർഹമാണ്​ ഒരു പെർമിറ്റിന്​ ചാർജ്​. രണ്ടാ​മതൊരു പെർമിറ്റ്​ വേണമെങ്കിൽ 1200 ദിർഹം നൽകണം. പാസ്​പോർട്ട്​, വിസ, താമസ കരാർ, അവസാനം അടച്ച ജല-വൈദ്യുതി ബില്ല്​, വാഹന ഉടമയാണെന്ന തെളിവ്​ എന്നിവ സഹിതം മവാഖിഫ്​ ഉപഭോക്​തൃ സേവന കേന്ദ്രത്തിൽ എത്തി പെർമിറ്റിന്​ അപേക്ഷിക്കാം. പിഴകളും ഇവിടെ അടക്കാം. ആഗസ്​റ്റ്​ ഒന്നിന്​ പെയ്​ഡ്​ പാർക്കിങ്​ ആരംഭിക്കും എന്നായിരുന്നു അറിയിപ്പെങ്കിലും പിന്നീട്​ ദിവസം നീട്ടുകയായിരുന്നു. 
എന്നാൽ ഇന്നലെ ആരംഭിച്ച വിവരം അറിയാതെ പാർക്ക്​ ചെയ്​തവർക്ക്​ 200 ദിർഹം വീതം പിഴ നൽകേണ്ടി വന്നു.