അൽ​െഎൻ ബ്ലൂസ്​റ്റാർ സ്പോർട്സ് ഫെസ്​റ്റിവൽ ഇന്ന്​

അൽ​െഎൻ: അൽ​െഎൻ ബ്ലൂസ്​റ്റാർ യു.എ.ഇ ദേശീയദിനത്തോടനുബന്ധിച്ച് നടത്തുന്ന ഫാമിലി സ്പോർട്സ് ഫെസ്​റ്റിവലി​​െൻറ ഇരുപതാമത് പതിപ്പ് വെള്ളിയാഴ്ച രാവിലെ 8.30ന്​ യു.എ.ഇ സർവകലാശാല സ്​റ്റേഡിയത്തിൽ നടക്കും. ഇന്ത്യൻ അത്​ലറ്റിക്സിലെ വേഗറാണി പി.വി. ചിത്ര ദീപശിഖ പ്രയാണം നയിക്കും. ശൈഖ്​ മുഹമ്മദ് മുസല്ലം മുഖ്യാതിഥിയായിരിക്കും. 

42 ഇനങ്ങളിലായി 3000ത്തോളം പേർ പങ്കെടുക്കുമെന്ന്​ പ്രസിഡൻറ്​ ഉണ്ണീൻ പൊന്നേത്ത്, സെക്രട്ടറി റോബി വർഗീസ്, സ്പോർട്സ് സെക്രട്ടറി ഇക്ബാൽ അബ്​ദുല്ല കോയ, ഹുസൈൻ മാസ്​റ്റർ, സവിതാ നായക്,  എന്നിവർ അറിയിച്ചു. ഉദ്​ഘാടനത്തോടനുബന്ധിച്ച്​ നടക്കുന്ന വർണശബളമായ മാർച്ച്​പാസ്​റ്റിൽ അൽ​െഎനിലെ ഇന്ത്യൻ സ്കൂളുകളും ഫെസ്​റ്റിവലിൽ പങ്കെടുക്കുന്ന ടീമുകളും സംഘടനകളും അണിനിരക്കും. രാത്രി ഒമ്പത്​ വരെ നീളുന്ന മേള വടംവലി മത്സരത്തോടെ സമാപിക്കും. വിജയികൾക്ക് ട്രോഫികളും മെഡലുകളും കാഷ് പ്രൈസും സമ്മാനിക്കും. ഫെസ്​റ്റിവൽ വേദിയിൽ സ്പോട്ട്​ രജിസ്​ട്രേഷന്​ സൗകര്യമുണ്ടാകും. ഫോൺ: 050 5735750, 050 6181596.