അൽ ഖാസിമിയ ഡേ ടു ഡേ ഡാൻസ് ഫെസ്റ്റ്: റിഥമിക്സ്​ ജേതാക്കൾ

ഷാർജ: അൽ ഖാസിമിയയിലെ ഡേ ടു ഡേ ഹൈപ്പർമാർക്കറ്റിൽ സംഘടിപ്പിച്ച ഡാൻസ് ഫെസ്റ്റിൽ ജേതാക്കളായി റിഥമിക്സ് ഗ്രൂപ്പ്. അഞ്ചു മുതൽ 12 വയസ് വരെയുള്ള കുഞ്ഞുനർത്തകരുടെ നടനവൈഭവത്തിന്​ വേദിയൊരുക്കുന്നതിനായാണ്​ ഡേ ടു​ ഡേ ഡാൻസ്​ ഫെസ്റ്റ്​ സംഘടിപ്പിച്ചത്​. ഇന്ത്യൻ ആർട്​സ്​ ഗ്രൂപ്പ് രണ്ടാം സ്ഥാനവും നാച്ചോ ഗ്രൂപ്പ് മൂന്നാം സ്ഥാനവും നേടി. മൊത്തം 8000 ദിർഹമിന്‍റെ സമ്മാനങ്ങളാണ്​ വിജയികൾക്ക്​ സമ്മാനിച്ചത്​.

ആവേശകരവും ആകർഷണീയവുമായ ഡാൻഡ്​ ഫെസ്റ്റിൽ 15 നൃത്തസംഘങ്ങളാണ്​ അരങ്ങിലെത്തിയത്​. പ്രായത്തെ വെല്ലുന്ന മിടുക്കിൽ, താളവും സർഗശേഷിയും ഒത്തിണങ്ങിയ നൃത്തച്ചുവടുകളുമായി ടീമുകൾ ആസ്വാദകർക്ക്​ വിരുന്നൊരുക്കി. പ​​​ങ്കെടുത്ത ടീമുകളൊക്കെ, ചടുലതാളത്തിൽ ഏകോപിച്ചുള്ള ചുവടുകളോടെ നിലവാരം പുലർത്തുന്ന പ്രകടനം പുറത്തെടുത്തു.

ഒന്നാം സ്ഥാനക്കാർക്ക് 4,000 ദിർഹം മൂല്യമുള്ള ഷോപ്പിങ്​ വൗച്ചറാണ്​ സമ്മാനമായി നൽകിയത്​. രണ്ടാം സ്ഥാനക്കാർക്ക് 2,500 ദിർഹമിന്‍റെ വൗച്ചറുകളും മൂന്നാം സ്ഥാനക്കാർക്ക് 1,500 ദിർഹം മൂല്യമുള്ള വൗച്ചറുകളുമായിരുന്നു സമ്മാനം. ഡേ ടു ഡേ അൽ ഖാസിമിയ മാനേജർ അജിത് കുമാർ വിജയികൾക്ക് വൗച്ചറുകൾ കൈമാറി.