‘ഇ​ത്ര വേ​ഗം തി​രി​ച്ചെ​ത്തു​മെ​ന്ന്​ ക​രു​തി​യി​ല്ല’ -അ​ൽ നി​യാ​ദി​യു​ടെ ട്വീ​റ്റ്​

ദു​ബൈ: അ​പ്ര​തീ​ക്ഷി​ത​മാ​യി അ​വ​സാ​ന നി​മി​ഷ​ത്തി​ൽ ബ​ഹി​രാ​കാ​ശ യാ​ത്ര മു​ട​ങ്ങി​യെ​ങ്കി​ലും നി​രാ​ശ​യൊ​ട്ടു​മി​ല്ലാ​തെ യു.​എ.​ഇ​യു​ടെ സു​ൽ​ത്താ​ൻ അ​ൽ നി​യാ​ദി. അ​ൽ​പം ത​മാ​ശ ക​ല​ർ​ന്ന രൂ​പ​ത്തി​ൽ ട്വീ​റ്റ്​ ചെ​യ്താ​ണ്​ ത​ന്‍റെ ആ​ദ്യ പ്ര​തി​ക​ര​ണം അ​ൽ നി​യാ​ദി അ​റി​യി​ച്ച​ത്. ‘എ​ന്‍റെ മ​ക്ക​ളോ​ട്,​ ബ​ഹി​രാ​കാ​ശ​ത്തു​നി​ന്ന്​ വേ​ഗ​ത്തി​ൽ തി​രി​ച്ചെ​ത്തു​മെ​ന്ന്​ ഉ​റ​പ്പു​ന​ൽ​കി​യി​രു​ന്നു. എ​ന്നാ​ലി​ത്​ ഇ​ത്ര വേ​ഗ​ത്തി​ലാ​കു​മെ​ന്ന്​ ക​രു​തി​യി​ല്ല’ എ​ന്നാ​ണ്​ അ​റ​ബി​യി​ലും ഇം​ഗ്ലീ​ഷി​ലും ട്വി​റ്റ​റി​ൽ കു​റി​ച്ച​ത്. സം​ഘാം​ഗ​ങ്ങ​ളെ​ല്ലാം സു​ര​ക്ഷി​ത​രാ​ണ്. എ​ല്ലാ​വ​രു​ടെ​യും ആ​ത്മ​വി​ശ്വാ​സം ഉ​യ​ർ​ന്നു​ത​ന്നെ നി​ൽ​ക്കു​ന്നു.

വി​ക്ഷേ​പ​ണം റ​ദ്ദാ​ക്ക​പ്പെ​ടു​ന്ന സാ​ഹ​ച​ര്യം നേ​രി​ടു​ന്ന​തി​ന്​ നേ​ര​ത്തെ പ​രി​ശീ​ല​നം നേ​ടി​യി​രു​ന്നു. ക്രൂ​വി​ന്‍റെ സു​ര​ക്ഷ​യാ​ണ്​ ഏ​റ്റ​വും പ്ര​ധാ​നം -അ​ദ്ദേ​ഹം ട്വീ​റ്റി​ൽ വ്യ​ക്​​ത​മാ​ക്കി. തി​ങ്ക​ളാ​ഴ്ച ​​ഫ്ലോ​റി​ഡ കെ​ന്ന​ഡി ബ​ഹി​രാ​കാ​ശ നി​ല​യ​ത്തി​ൽ​നി​ന്ന്​ ഫാ​ൽ​ക്ക​ൺ-9 റോ​ക്ക​റ്റി​ൽ പ​റ​ന്നു​യ​രേ​ണ്ട​താ​യി​രു​ന്നു അ​ൽ നി​യാ​ദി. അ​റ​ബ്​ ലോ​ക​ത്തെ ആ​ദ്യ ദീ​ർ​ഘ​കാ​ല ബ​ഹി​രാ​കാ​ശ യാ​ത്രി​ക​ൻ എ​ന്ന നേ​ട്ട​ത്തി​ലേ​ക്ക്​ പ​റ​ന്നു​യ​രു​ന്ന അ​ദ്ദേ​ഹ​ത്തി​ന്‍റെ യാ​ത്ര വ​ള​രെ ആ​കാം​ക്ഷ​യോ​ടെ​യാ​ണ്​ ജ​ന​ങ്ങ​ൾ കാ​ത്തി​രു​ന്ന​ത്. അ​വ​സാ​ന നി​മി​ഷ​ത്തി​ൽ ക​ണ്ടെ​ത്തി​യ സാ​​ങ്കേ​തി​ക കാ​ര​ണ​ങ്ങ​ളാ​ലാ​ണ്​ യാ​ത്ര മു​ട​ങ്ങി​യ​ത്.

റോ​ക്ക​റ്റി​ൽ​നി​ന്ന്​ ഇ​ന്ധ​നം പൂ​ർ​ണ​മാ​യും ഒ​ഴി​വാ​ക്കി​യ ശേ​ഷ​മാ​ണ്​ യാ​ത്രി​ക​രെ​ സു​ര​ക്ഷി​ത​മാ​യി പു​റ​ത്തു​ക​ട​ത്തി​യ​ത്. അ​തി​നി​ടെ തി​ങ്ക​ളാ​ഴ്ച​ത്തെ സാ​​​ങ്കേ​തി​ക ത​ക​രാ​ർ സം​ബ​ന്ധി​ച്ച്​ വി​ശ​ദ​മാ​യ പ​രി​ശോ​ധ​ന അ​ധി​കൃ​ത​ർ ന​ട​ത്തി​വ​രു​ക​യാ​ണ്. വ്യാ​ഴാ​ഴ്ച യു.​എ.​ഇ സ​മ​യം രാ​വി​ലെ 9.34നാ​ണ്​ നി​ല​വി​ൽ വി​ക്ഷേ​പ​ണം പു​ന​ർ​നി​ശ്ച​യി​ച്ചി​ട്ടു​ള്ള​ത്. അ​വ​സാ​ന മി​നി​റ്റി​ൽ വി​ക്ഷേ​പ​ണം മു​ട​ങ്ങി​യ​തി​ന്​ കാ​ര​ണ​മാ​യി അ​ധി​കൃ​ത​ർ വി​ശ​ദീ​ക​രി​ച്ച​ത്, റോ​ക്ക​റ്റ് എ​ൻ​ജി​നു​ക​ൾ ജ്വ​ലി​പ്പി​ക്കാ​ൻ ഉ​പ​യോ​ഗി​ക്കു​ന്ന സം​വി​ധാ​ന​ത്തി​ലെ പി​ഴ​വാ​ണ്. എ​ൻ​ജി​നു​ക​ൾ നേ​ര​ത്തെ കൃ​ത്യ​പ്പെ​ടു​ത്തി​യ സ​മ​യ​ത്ത്​ പ്ര​വ​ർ​ത്തി​ച്ചു​തു​ട​ങ്ങാ​ൻ വ​ള​രെ ശ്ര​ദ്ധ​യോ​ടെ കൈ​കാ​ര്യം ചെ​യ്യു​ന്ന സം​വി​ധാ​ന​മാ​ണ്​ ഒ​രു​ക്കാ​റു​ള്ള​ത്.