മം​സാ​ർ ബീ​ച്ചി​ൽ മു​ന്ന​റി​യി​പ്പി​ന്​ പ്ര​ത്യേ​ക സം​വി​ധാ​നം; അ​ടി​യ​ന്ത​ര ഘ​ട്ട​ങ്ങ​ളി​ൽ ഭി​ന്ന​ശേ​ഷി​ക്കാ​രെ സു​ര​ക്ഷി​ത​രാ​ക്കും

ദു​ബൈ: അ​ൽ മം​സാ​ർ ബീ​ച്ചി​ൽ അ​ടി​യ​ന്ത​ര ഘ​ട്ട​ങ്ങ​ളി​ൽ നി​ശ്ച​യ​ദാ​ർ​ഢ്യ വി​ഭാ​ഗ​ക്കാ​രെ സു​ര​ക്ഷി​ത​സ്ഥാ​ന​ത്തേ​ക്ക് മാ​റ്റാ​ൻ പ്ര​ത്യേ​ക സം​വി​ധാ​ന​ങ്ങ​ളൊ​രു​ക്കി ദു​ബൈ മു​നി​സി​പ്പാ​ലി​റ്റി.

കാ​ഴ്ച​പ​രി​മി​തി​യു​ള്ള​വ​രെ അ​പ​ക​ട​ഘ​ട്ട​ങ്ങ​ളി​ൽ ഒ​ഴി​പ്പി​ക്ക​ൽ സ്ഥ​ല​ങ്ങ​ളി​ലേ​ക്ക്​ ന​യി​ക്കു​ന്ന​തി​ന് പ്ര​ത്യേ​ക​ റേ​ഞ്ച്​ സ്​​പീ​ക്ക​ർ​മാ​രെ​യും കേ​ൾ​വി പ​രി​മി​തി​യു​ള്ള​വ​ർ​ക്ക്​ മു​ന്ന​റി​യി​പ്പ് ന​ൽ​കു​ന്ന​തി​ന്​ വൈ​ബ്രേ​ഷ​ൻ സം​വി​ധാ​ന​വു​മാ​ണ്​ സ​ജ്ജ​മാ​ക്കി​യി​ട്ടു​ള്ള​ത്.

അ​ടി​യ​ന്ത​ര ഘ​ട്ട​ങ്ങ​ളി​ൽ ബീ​ച്ചി​ലെ എ​ല്ലാ വി​ഭാ​ഗം സ​ന്ദ​ർ​ശ​ക​ർ​ക്കും മു​ന്ന​റി​യി​പ്പ്​ ല​ഭി​ച്ചു​വെ​ന്ന്​ ഉ​റ​പ്പു​വ​രു​ത്താ​ൻ പു​തി​യ സം​വി​ധാ​ന​ങ്ങ​ളി​ലൂ​ടെ ക​ഴി​യു​മെ​ന്ന്​ മു​നി​സി​പ്പാ​ലി​റ്റി അ​റി​യി​ച്ചു. എ​മി​റേ​റ്റി​ലെ ബീ​ച്ചു​ക​ൾ കൂ​ടു​ത​ൽ നി​ശ്ച​യ​ദാ​ർ​ഢ്യ സൗ​ഹൃ​ദ​മാ​ക്കു​ന്ന​തി​ന്‍റെ ഭാ​ഗ​മാ​യാ​ണ്​ ന​ട​പ​ടി.

എ​ല്ലാ ബീ​ച്ച്​ സ​ന്ദ​ർ​ശ​ക​ർ​ക്കും അ​പ​ക​ട​സ​മ​യ​ങ്ങ​ളി​ൽ ​ മു​ന്ന​റി​യി​പ്പ്​ സി​ഗ്​​ന​ലു​ക​ളും ഒ​ഴി​പ്പി​ക്ക​ൽ സ​ന്ദേ​ശ​വും ല​ഭി​ക്കാ​നു​ള്ള ഉ​പ​ക​ര​ണ​ങ്ങ​ൾ ബീ​ച്ചി​ലെ ലൈ​ഫ്​ ഗാ​ർ​ഡു​ക​ളു​ടെ ട​വ​റു​ക​ളി​ലാ​ണ്​ ഒ​രു​ക്കി​യി​ട്ടു​ള്ള​ത്​.

കേ​ൾ​വി, കാ​ഴ്ച വൈ​ക​ല്യ​മു​ള്ള​വ​ർ​ക്ക്​ മാ​ർ​ഗ​നി​ർ​ദേ​ശ​ങ്ങ​ൾ ന​ൽ​കാ​നു​ള്ള അ​തി​നൂ​ത​ന ഉ​പ​ക​ര​ണം നി​ശ്ച​യ​ദാ​ർ​ഢ്യ​മു​ള്ള​വ​ർ​ക്കു​ള്ള പ​രി​ശീ​ല​ന കേ​ന്ദ്ര​ങ്ങ​ളി​ൽ മു​നി​സി​പ്പാ​ലി​റ്റി വി​ക​സി​പ്പി​ച്ചി​രു​ന്നു.

പ്ര​ത്യേ​ക സെ​ൻ​സ​റു​ക​ൾ ഘ​ടി​പ്പി​ച്ചി​ട്ടു​ള്ള ഈ ​ഉ​പ​ക​ര​ണം ഉ​പ​യോ​ഗി​ച്ച്​ നി​ശ്ച​യ​ദാ​ർ​ഢ്യ​മു​ള്ള വ്യ​ക്തി​ക​ളു​ടെ ലൊ​ക്കേ​ഷ​ൻ അ​റി​യാ​നും അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ അ​വ​ർ എ​വി​ടെ​യാ​ണെ​ന്ന്​ നി​രീ​ക്ഷി​ക്കാ​നും ലൈ​ഫ്​ ഗാ​ർ​ഡു​ക​ൾ​ക്ക്​ ക​ഴി​യും.

ഇ​തു വ​ഴി അ​പ​ക​ട സ​മ​യ​ങ്ങ​ളി​ൽ ഇ​ത്ത​രം ജ​ന​വി​ഭാ​ഗ​ങ്ങ​ളെ സു​ര​ക്ഷി​ത​മാ​യി ഒ​ഴി​പ്പി​ക്കാ​നും ര​ക്ഷ​പ്പെ​ടു​ത്താ​നും ക​ഴി​യും.

നി​ശ്ച​യ​ദാ​ർ​ഢ്യ​മു​ള്ള​വ​ർ ഉ​ൾ​പ്പെ​ടെ എ​ല്ലാ​വ​ർ​ക്കും ആ​രോ​ഗ്യം, സു​ര​ക്ഷ എ​ന്നി​വ ഉ​റ​പ്പാ​ക്കി ഉ​യ​ർ​ന്ന നി​ല​വാ​ര​മു​ള്ള ജീ​വി​തം ആ​സ്വ​ദി​ക്കു​ന്ന ഒ​രു സം​യോ​ജി​ത സ​മൂ​ഹ​ത്തെ സൃ​ഷ്ടി​ക്കു​ന്ന​തി​നാ​ണ് ഭ​ര​ണാ​ധി​കാ​രി​ക​ൾ മു​ൻ​ഗ​ണ​ന ന​ൽ​കു​ന്ന​തെ​ന്ന്​ ദു​ബൈ മു​നി​സി​പ്പാ​ലി​റ്റി പ​ബ്ലി​ക്​ ഫെ​സി​ലി​റ്റീ​സ്​ ഏ​ജ​ൻ​സി സി.​ഇ.​ഒ ബ​ദ​ർ അ​ൻ​വാ​ഹി പ​റ​ഞ്ഞു.