'അൽ ബെയ്​ക്​' എക്​സ്​പോ നഗരിയിൽ ഔട്ട്​​ലെറ്റ്​ തുറന്നു

ദുബൈ: സൗദി അറേബ്യ ആസ്​ഥാനമായ റസ്​റ്റാറൻറ്​​ ശൃംഖലയായ 'അൽ ബെയ്​ക്​' എക്​സ്​പോ 2020 നഗരിയിൽ ഔട്ട്​ലെറ്റ്​ തുറന്നു. സമൂഹമാധ്യമങ്ങൾ വഴിയാണ്​ ഇക്കാര്യം അധികൃതർ അറിയിച്ചത്​. മേളയിലെ ഓപർചുനിറ്റി ഡിസ്​ട്രിക്ടിൽ സൗദി പവലിയനും യു.എ.ഇ പവലിയനും ഇടയിലാണിത്. 'നിങ്ങളെ കാണാനും സേവിക്കാനും കാത്തിരിക്കാനാവില്ല' എന്ന കാപ്​ഷനോടെയാണ്​ ഇൻസ്​റ്റഗ്രാമിൽ ഔട്ട്​​ലെറ്റ്​ തുറന്നത്​ അറിയിച്ചത്​.

ഏറെ ആരാധകരുള്ള ക്രിസ്​പി ഫ്രൈഡ്​ ചിക്കൻ സ്​പെഷൽ ലഭ്യമാകുന്ന നേരത്തെ ദുബൈ മാളിൽ ആരംഭിച്ചിരുന്നു. ഇവിടെ വൻ തിരക്കാണ്​. രാത്രി വൈകിയും നീണ്ട ക്യൂവിൽനിന്ന്​ ആളുകൾ റസ്​റ്ററൻറിൽനിന്ന്​ കഴിക്കാൻ കാത്തിരിക്കാറുണ്ട്​. യു.എ.ഇയിൽ ലഭിച്ച മികച്ച ഈ സ്വീകരണമാണ്​ എക്​സ്​പോയിലും ഔട്ട്​​ലെറ്റ്​ തുറക്കാൻ പ്രേരകമാ​യതെന്നാണ്​ വിലയിരുത്തപ്പെടുന്നത്​.