റമദാനിൽ പിസ വിതരണം ചെയ്​ത്​ അക്കാഫ്​

ദുബൈ: റമദാനിൽ ലേബർ ക്യാമ്പുകളിൽ 30,000 പിസ വിതരണം ചെയ്​ത്​ കേരളത്തിലെ കോളജുകളിലെ പൂർവ വിദ്യാർഥി സംഘടനകളുടെ മാതൃ കൂട്ടായ്മയായ ഓൾ കേരള കോളജസ് അലുംനി ഫോറം (അക്കാഫ്). ഡോമിനോസ് പിസയും വതനി അൽ എമാറാത് ഫൗണ്ടേഷനുമായി ചേർന്നാണ്​ ദൗത്യം നടപ്പാക്കിയത്​. പിസയോടൊപ്പം മറ്റു ആഹാര സാധനങ്ങളും അർഹരിൽ എത്തിച്ചതായി അക്കാഫ്​ ഭാരവാഹികൾ അറിയിച്ചു. ദിവസവും 1000 പിസ എന്ന രീതിയിലായിരുന്നു വിതരണം.

നന്മയും സ്നേഹവും കരുതലും വിളിച്ചോതുന്ന പ്രവർത്തനങ്ങളിലൂടെ അക്കാഫ് നടത്തുന്ന പ്രവർത്തനങ്ങൾ ഒറ്റപ്പെട്ട സമൂഹത്തിന്​ കൈത്താങ്ങാവുമെന്ന്​ അക്കാഫ് മുഖ്യ രക്ഷാധികാരി ഐസക് ജോൺ പട്ടാണിപ്പറമ്പിൽ പറഞ്ഞു. അക്കാഫ് ചെയർമാൻ ഷാഹുൽ ഹമീദ്, പ്രസിഡൻറ്​ ചാൾസ് പോൾ, ജനറൽ സെക്രട്ടറി വി.എസ്. ബിജുകുമാർ, ചീഫ് കോഓഡിനേറ്റർ അനൂപ് അനിൽ, അക്കാഫ് വൈസ് ചെയർമാൻ അഡ്വ. ബക്കറലി, വൈസ് പ്രസിഡൻറ്​ അഡ്വ. ഹാഷിക്ക്, ഭാരവാഹികളായ വി.സി. മനോജ്, റിവ ഫിലിപ്പോസ്, കെ.വി. മനോജ്, കോശി ഇടിക്കുള, റാണി സുധീർ, അന്നു പ്രമോദ്, സിന്ധു ജയറാം, ഉമർ ഫാറൂഖ്, ഡോമിനോസ്​ പിസ ചീഫ് ഓപറേറ്റിങ്​ ഓഫിസർ ശോബിത് ടണ്ഠൻ, ഫിനാൻസ് മേധാവി മഹേഷ് കൃഷ്ണൻ, സിജോ കരേടൻ, ഹുസൈൻ അബ്‌ദുല്ല, രവി ആനന്ദ്, ജൂഡിൻ ഫെർണാണ്ടസ്, രഞ്ജിത് കോടോത്, ശ്യാം വിശ്വനാഥ് തുടങ്ങിയവരുടെ നേതൃത്വത്തിലാണ്​ ദൗത്യം പൂർത്തിയാക്കിയത്​.