Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightഅ​ജ്മാ​ന്‍ ട​വ​റി​ലെ...

അ​ജ്മാ​ന്‍ ട​വ​റി​ലെ തീ​പി​ടി​ത്തം: 50 കു​ടും​ബ​ങ്ങ​ൾ വീ​ടു​ക​ളി​ലേ​ക്ക് മ​ട​ങ്ങി

text_fields
bookmark_border
അ​ജ്മാ​ന്‍ ട​വ​റി​ലെ തീ​പി​ടി​ത്തം: 50 കു​ടും​ബ​ങ്ങ​ൾ വീ​ടു​ക​ളി​ലേ​ക്ക് മ​ട​ങ്ങി
cancel
camera_alt

ക​ഴി​ഞ്ഞ ദി​വ​സം അ​ജ്മാ​ൻ ട​വ​റി​ലു​ണ്ടാ​യ തീ​പി​ടി​ത്ത​ം (ഫയൽ ചിത്രം)

അ​ജ്മാ​ന്‍: ക​ഴി​ഞ്ഞ ദി​വ​സം അ​ജ്മാ​നി​ലെ ട​വ​റി​ലു​ണ്ടാ​യ തീ​പി​ടി​ത്ത​ത്തെ തു​ട​ര്‍ന്ന് മാ​റ്റി​പ്പാ​ര്‍പ്പി​ച്ച കു​ടും​ബ​ങ്ങ​ള്‍ തി​രി​കെ​യെ​ത്തി​ത്തു​ട​ങ്ങി. ആ​ദ്യ​ഘ​ട്ട​ത്തി​ല്‍ 50 കു​ടും​ബ​ങ്ങ​ൾ വീ​ടു​ക​ളി​ലേ​ക്ക് മ​ട​ങ്ങി. വെ​ള്ളി​യാ​ഴ്ച​യു​ണ്ടാ​യ തീ​പി​ടി​ത്ത​ത്തെ തു​ട​ർ​ന്ന് 500 കു​ടും​ബ​ങ്ങ​ൾ​ക്ക് ഇ​ത​ര താ​മ​സ​സൗ​ക​ര്യം അ​ധി​കൃ​ത​ര്‍ ഒ​രു​ക്കി​യി​രു​ന്നു.

തീ​പി​ടി​ത്ത​ത്തെ തു​ട​ർ​ന്ന് കെ​ട്ടി​ട​ത്തി​ൽ​നി​ന്ന് ഒ​ഴി​പ്പി​ച്ച കു​ടും​ബ​ങ്ങ​ൾ​ക്ക് ആ​വ​ശ്യ​മാ​യ സ​ഹാ​യ​ങ്ങ​ള്‍ ന​ൽ​കി​യ​താ​യി അ​ധി​കൃ​ത​ര്‍ വ്യ​ക്ത​മാ​ക്കി.

അ​ജ്മാ​നി​ലെ​യും ഷാ​ർ​ജ​യി​ലെ​യും നി​ര​വ​ധി ഹോ​ട്ട​ൽ അ​പ്പാ​ർ​ട്മെ​ന്‍റു​ക​ളി​ലാ​യി​രു​ന്നു 500 കു​ടും​ബ​ങ്ങ​ളെ പാ​ർ​പ്പി​ച്ച​ത്. ബാ​ക്കി കു​ടും​ബ​ങ്ങ​ളെ അ​ടു​ത്ത ദി​വ​സ​ങ്ങ​ളി​ൽ വീ​ടു​ക​ളി​ലേ​ക്ക് തി​രി​കെ എ​ത്തി​ക്കും.

25 നി​ല​ക​ളും അ​ഞ്ച് പാ​ർ​ക്കി​ങ്​ നി​ല​ക​ളു​മു​ള്ള ഈ ​കെ​ട്ടി​ട​ത്തി​ലു​ണ്ടാ​യ തീ​പി​ടി​ത്ത​ത്തെ തു​ട​ര്‍ന്ന് 17 അ​പ്പാ​ർ​ട്മെ​ന്‍റു​ക​ൾ പൂ​ർ​ണ​മാ​യും ക​ത്തി​ന​ശി​ച്ചി​രു​ന്നു. താ​മ​സ​ത്തി​നു​ള്ള എ​ല്ലാ ചെ​ല​വു​ക​ളും റെ​ഡ് ക്ര​സ​ന്‍റ് വ​ഹി​ക്കു​ക​യാ​യി​രു​ന്നു. ട​വ​റി​ലു​ണ്ടാ​യി​രു​ന്ന ആ​ളു​ക​ളെ മാ​റ്റി​പ്പാ​ര്‍പ്പി​ക്കു​ന്ന​തി​ന്​ 15 ബ​സു​ക​ൾ ഒ​രു​ക്കി. ക്രൈ​സി​സ് ആ​ൻ​ഡ് ഡി​സാ​സ്റ്റ​ർ അ​തോ​റി​റ്റി, സി​വി​ൽ ഡി​ഫ​ൻ​സ്, റെ​ഡ് ക്ര​സ​ന്‍റ്, ടൂ​റി​സം വി​ക​സ​ന വ​കു​പ്പ് എ​ന്നി​വ​യു​ടെ ഏ​കോ​പ​ന​ത്തി​ലാ​ണ് അ​ജ്മാ​ൻ ട്രാ​ൻ​സ്‌​പോ​ർ​ട്ട് അ​തോ​റി​റ്റി ആ​ളു​ക​ളെ മാ​റ്റി​യ​ത്.

ത​ക​ർ​ന്ന കെ​ട്ടി​ട​ത്തി​ൽ പൊ​ലീ​സ് ഓ​ഫീ​സ് സ്ഥാ​പി​ക്കു​ക​യും പാ​സ്‌​പോ​ർ​ട്ടും മ​റ്റ് ഐ​ഡി​ക​ളും ഉ​ൾ​പ്പെ​ടെ ഔ​ദ്യോ​ഗി​ക രേ​ഖ​ക​ൾ ന​ഷ്‌​ട​പ്പെ​ട്ട​വ​ർ​ക്കാ​യി ഉ​ട​ൻ ത​ന്നെ സം​വി​ധാ​നം ഒ​രു​ക്കി​യ​താ​യും പൊ​ലീ​സ് സ്റ്റേ​ഷ​ൻ മേ​ധാ​വി ലെ​ഫ്റ്റ​ന​ന്‍റ് കേ​ണ​ൽ ഗൈ​ത്ത് ഖ​ലീ​ഫ അ​ൽ ക​അ​ബി പ​റ​ഞ്ഞു.

തീ​പി​ടി​ത്ത​ത്തെ തു​ട​ര്‍ന്ന് ഒ​ഴി​പ്പി​ക്കു​ന്ന​തോ​ടെ ദു​രി​ത​ബാ​ധി​ത​രു​ടെ സ്വ​ത്ത് സം​ര​ക്ഷി​ക്കു​ന്ന​തി​നാ​യി പൊ​ലീ​സ് ഓ​രോ നി​ല​യി​ലും സു​ര​ക്ഷാ ഗാ​ർ​ഡി​നെ നി​യ​മി​ച്ചി​രു​ന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:returnAjman Tower fire50 families
News Summary - Ajman Tower fire: 50 families return to their homes
Next Story