40 വ​ര്‍ഷ​ത്തെ സ്വ​പ്നം പൂ​വ​ണി​യി​ച്ച് അ​ജ്മാ​ന്‍ പൊ​ലീ​സ്

അ​ജ്മാ​ന്‍: നാ​ലു പ​തി​റ്റാ​ണ്ടി​നു​ശേ​ഷം ഇ​മാ​റാ​ത്തി കു​ടും​ബ​വും ശ്രീ​ല​ങ്ക​ൻ യു​വ​തി​യും ത​മ്മി​ലു​ള്ള അ​പൂ​ർ​വ സൗ​ഹൃ​ദ സം​ഗ​മ​ത്തി​ന്​ വ​ഴി​യൊ​രു​ക്കി അ​ജ്​​മാ​ൻ പൊ​ലീ​സ്. റോ​ജി​ന എ​ന്ന ശ്രീ​ല​ങ്ക​ന്‍ യു​വ​തി നാ​ല്പ​ത് വ​ര്‍ഷ​ങ്ങ​ള്‍ക്ക് മു​മ്പ് അ​ജ്മാ​നി​ലെ ഇ​മാ​റാ​ത്തി കു​ടും​ബ​ത്തി​ല്‍ ജോ​ലി ചെ​യ്തി​രു​ന്നു. 1982 മു​ത​ൽ 1987 വ​രെ അ​ലി അ​ബ്ദു​ല്ല സ​നാ​ൻ അ​ൽ ഷെ​ഹി​യു​ടെ വീ​ട്ടി​ൽ വീ​ട്ടു​ജോ​ലി​ക്കാ​രി​യാ​യി​രു​ന്നു റോ​ജി​ന.

പി​ന്നീ​ട് അ​വ​ര്‍ സ്വ​ദേ​ശ​മാ​യ ശ്രീ​ല​ങ്ക​യി​ലേ​ക്ക് ജോ​ലി അ​വ​സാ​നി​പ്പി​ച്ച് മ​ട​ങ്ങി. ഈ​യി​ടെ റോ​ജി​ന മ​ക​ളു​ടെ വി​വാ​ഹ​ത്തി​ൽ പ​ങ്കെ​ടു​ക്കാ​ൻ യു.​എ.​ഇ​യി​ല്‍ എ​ത്തി​യ​താ​യി​രു​ന്നു. ഇ​വി​ടെ​വെ​ച്ച്​ ത​ന്നോ​ട് ഒ​രു​പാ​ട് സ്നേ​ഹ​ത്തോ​ടെ പെ​രു​മാ​റി​യ അ​ജ്മാ​നി​ലെ അ​ലി അ​ബ്ദു​ല്ല സ​നാ​ൻ അ​ൽ ഷെ​ഹി​യു​ടെ കു​ടും​ബ​ത്തെ കാ​ണ​ണ​മെ​ന്നു​ള്ള ആ​ഗ്ര​ഹം റോ​ജി​ന​ക്ക് തോ​ന്നി. എ​ന്നാ​ല്‍ ആ ​ഇ​മാ​റാ​ത്തി കു​ടും​ബ​ത്തെ​ക്കു​റി​ച്ചു​ള്ള വ​ലി​യ വി​വ​ര​ങ്ങ​ളൊ​ന്നും റോ​ജി​ന​യു​ടെ കൈ​യി​ല്‍ ഉ​ണ്ടാ​യി​രു​ന്നി​ല്ല.

അ​ങ്ങ​നെ ത​ന്‍റെ ആ​ഗ്ര​ഹം അ​റി​യി​ച്ച് അ​ജ്മാ​ന്‍ പൊ​ലീ​സി​ന്‍റെ ഇ​ൻ​സ്റ്റ​ഗ്രാം അ​ക്കൗ​ണ്ടു​വ​ഴി ബ​ന്ധ​പ്പെ​ട്ടു. ഈ ​വൈ​കാ​രി​ക അ​ഭ്യ​ർ​ഥ​ന അ​ജ്മാ​ന്‍ പൊ​ലീ​സ് ഏ​റ്റെ​ടു​ക്കു​ക​യാ​യി​രു​ന്നു​വെ​ന്ന് ഇ​ൻ​വെ​സ്റ്റി​ഗേ​ഷ​ൻ ആ​ൻ​ഡ് ക്രി​മി​ന​ൽ റി​സ​ർ​ച്ച് ബ്രാ​ഞ്ച് മേ​ധാ​വി ക്യാ​പ്റ്റ​ൻ സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ നു​ഐ​മി വ്യ​ക്ത​മാ​ക്കി. അ​ലി അ​ബ്ദു​ല്ല സ​നാ​ൻ അ​ൽ ഷെ​ഹി​യു​ടെ കു​ടും​ബ​ത്തെ പൊ​ലീ​സ് അ​ന്വേ​ഷ​ണ​ത്തി​ലൂ​ടെ ക​ണ്ടെ​ത്തു​ക​യും അ​ത് വ​ഴി റോ​ജി​ന​യു​മാ​യു​ള്ള പു​നഃ​സ​മാ​ഗ​മം സാ​ധ്യ​മാ​ക്കു​ക​യു​മാ​യി​രു​ന്നു. തു​ട​ർ​ന്ന്​ ഇ​മാ​റാ​ത്തി കു​ടും​ബ​ത്തി​ന്‍റെ വീ​ട്ടി​ൽ ഊ​ഷ്മ​ള​വും വൈ​കാ​രി​ക​വു​മാ​യ ഒ​രു സ​മാ​ഗ​മം സം​ഘ​ടി​പ്പി​ച്ചു. ഇ​മാ​റാ​ത്തി മൂ​ല്യ​ങ്ങ​ളു​ടെ​യും ഉ​ദാ​ര​ത​യു​ടെ​യും യ​ഥാ​ർ​ഥ പ്ര​തി​ഫ​ല​ന​മാ​യ സ്നേ​ഹ​വും സ​ന്തോ​ഷ​വും നി​റ​ഞ്ഞ കൈ​ക​ളോ​ടെ​യാ​ണ് ഇ​മാ​റാ​ത്തി കു​ടും​ബം റോ​ജി​ന​യെ സ്വീ​ക​രി​ച്ച​ത്. സ​ന്തോ​ഷ​ത്തി​ന്‍റെ പു​ഞ്ചി​രി​യും സ​ന്തോ​ഷ​ക്ക​ണ്ണീ​രും വി​രി​ഞ്ഞ നി​മി​ഷ​ങ്ങ​ളാ​യി​രു​ന്നു അ​ത്.