'ഞങ്ങള്‍ നിങ്ങളോടൊപ്പമുണ്ട്' കാമ്പയിനുമായി അജ്​മാന്‍ നഗരസഭ

അജ്​മാന്‍: ചൂട് കഠിനമായ സാഹചര്യത്തില്‍ ആശ്വാസത്തി​െൻറ കൈത്താങ്ങുമായി അജ്​മാന്‍ നഗരസഭ. അജ്​മാനിലെ പാർ‍ക്കിങ്​ മേഖലകളില്‍ നിരീക്ഷണ ജോലി ചെയ്യുന്ന ജീവനക്കാർ‍ക്കാണ് നഗരസഭ ആശ്വാസമൊരുക്കുന്നത്. ഉയർ‍ന്ന താപനിലയിലും പുറത്ത് ജോലി ചെയ്യേണ്ടിവരുന്ന ഇവർ‍ക്ക് ഭക്ഷണ സാധനങ്ങള്‍ എത്തിക്കുകയാണ് ചെയ്യുന്നത്.

ലഘുഭക്ഷണവും ശീതളപാനീയങ്ങളും ഇവരുടെ ജോലി സ്ഥലത്തേക്ക് എത്തിക്കുന്ന പദ്ധതി നടപ്പാക്കുന്നതാണ് 'ഞങ്ങള്‍ നിങ്ങളോടൊപ്പമുണ്ട്' എന്ന കാമ്പയിന്‍. ആഗസ്​റ്റ്​ മുഴുവന്‍ ഈ കാമ്പയി​െൻറ ഭാഗമായി ഇത്തരം ജീവനക്കാർ‍ക്ക് ഭക്ഷണസാധനങ്ങള്‍ എത്തിച്ചുനല്‍കും.