അജ്മാന്‍ സൈക്കിള്‍ സവാരി മത്സരം  വെള്ളിയാഴ്ച 

അജ്മാന്‍ : മൂന്നാമത് അജ്മാന്‍ സൈക്കിള്‍ സവാരി മത്സരം വെള്ളിയാഴ്ച നടക്കും. 115 കിലോമീറ്റര്‍,  58  കിലോമീറ്റര്‍ എന്നിങ്ങനെ രണ്ടിനങ്ങളിലായി  സ്വദേശികൾക്കും പൊതു ജനങ്ങള്‍ക്കും വെവ്വേറെ മത്സരം നടക്കും. എല്ലാ വിഭാഗങ്ങളിലുമായി മൊത്തം  84,000 ദിര്‍ഹം സമ്മാനമായി നല്‍കുന്ന മ​ത്സരത്തിൽ 300,275 ദിർഹം വീതം പ്രവേശന ഫീസ്​ അടക്കണം. അജ്മാന്‍ അല്‍ സോറയില്‍  നിന്നാരംഭിക്കുന്ന സൈക്കിള്‍ സവാരി എമിറേറ്റി​​​െൻറ വിവിധ ഭാഗങ്ങളിലൂടെ സഞ്ചരിക്കും. 

പരിപാടിയോടനുബന്ധിച്ച് അജ്മാനില്‍ പ്രധാന പാതകള്‍ വെള്ളിയാഴ്ച രാവിലെ അഞ്ച് മുതല്‍ പതിനൊന്നു വരെ അടച്ചിടും. ആയിരത്തോളം  പേര്‍ പങ്കെടുക്കുമെന്നാണ് പ്രതീക്ഷിക്കുന്നതെന്ന്​ അജ്മാന്‍ ടുറിസം ഡയറക്ടര്‍ ജനറല്‍ സാലഹ് അല്‍ ജസീറി പറഞ്ഞു. അജ്മാന്‍ ലാൻറ്​ ആൻറ്​ പ്രോപർട്ടീസ് ഡിപാര്‍ട്ട്മ​​െൻറ്​ ചെയര്‍മാന്‍ ശൈഖ് അബ്ദുല്‍ അസീസ്‌ ബിന്‍ ഹുമൈദ് അല്‍ നുഐമി യുടെ രക്ഷകർതൃത്വത്തിലാണ്  പരിപാടി അരങ്ങേറുക.