യന്ത്രപക്ഷികള്‍ വിരുന്നെത്തി; ദുബൈ വിമാനമേളക്ക് തുടക്കം

ദുബൈ: ആവേശം ആകാശത്തോളമുയർത്തി രണ്ട്​ വർഷത്തിലൊരിക്കൽ നടക്കുന്ന ദുബൈ എയർ ഷോക്ക്​ തുടക്കമായി. ദുബൈ വേൾഡ്​ സ​െൻററിൽ നടന്ന ചടങ്ങിൽ യു.എ.ഇ. വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്തൂം ഉദ്​ഘാടനം ചെയ്​തു. അബൂദബി കിരീടാവകാശിയും യു.എ.ഇ സായുധ സേന ഉപമേധാവിയുമായ ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാൻ, ദുബൈ കിരീടാവകാശി ശൈഖ്​ ഹംദാൻ ബിൻ മുഹമ്മദ്​ ബിൻ റാശിദ്​ ആൽ മക്തൂം എന്നിവരുമുണ്ടായിരുന്നു. പ്രദർശനം 16 ന്​ സമാപിക്കും.

ആദ്യ ദിനത്തിൽ6200 കോടിയോളം ദിർഹത്തി​​െൻറ കരാറുകളാണ്​ ഒപ്പുവെയ്​ക്കപ്പെട്ടത്​. യു.എ.ഇ. പ്രതിരോധ വകുപ്പ്​ മാത്രം 650 കോടി ദിർഹത്തി​​െൻറ ഇടപാട്​ ഉറപ്പിച്ചിട്ടുണ്ട്​. 80 എഫ്​- 16 യുദ്ധവിമാനങ്ങളുടെ നവീകരണവുമായ ബന്ധപ്പെട്ടതാണ്​ ഇൗ കരാർ. എമിറേറ്റ്​ 5500 കോടി ദിർഹത്തി​​െൻറ കരാർ ബോയിംഗുമായി ഒപ്പിട്ടു. 2020 ആകു​േമ്പാഴേക്കും 787^10 ഡ്രീംലൈനർ ഇനത്തിൽപെട്ട 40 വിമാനങ്ങൾ ലഭ്യമാക്കാനുള്ളതാണ്​ കരാർ. പഴക്കം ചെന്ന വിമാനങ്ങൾ മാറ്റാനുള്ള പദ്ധതിയുടെ ഭാഗമായാണ്​ ഇത്​.