കുട്ടികളുമായി അബൂദബിയിൽ വരൂ; വിമാനത്താവളം മുതൽ ഉല്ലസിക്കാം

അബൂദബി: വേനൽക്കാലത്ത്​ കുടുംബവുമായി യാത്ര ചെയ്യുന്നവരെ ആകർഷിക്കാൻ അബൂദബി അന്താരാഷ്​ട്ര വിമാനത്താവളം ഒരുങ് ങി. കുട്ടികൾക്കുള്ള കളിയിടങ്ങളും കുട്ടികളെ പരിചരിക്കാൻ അമ്മമാർക്ക്​ പ്രത്യേക സൗകര്യങ്ങളുമാണ്​ വിമാനത്താവളത ്തിൽ പുതുതായി ഒരുക്കിയിരിക്കുന്നത്​. കുട്ടികൾക്ക്​ രണ്ട്​ കളിയിടങ്ങളും കുട്ടികളുടെ വസ്​ത്രവും മറ്റും മാറ്റാൻ അഞ്ച്​ മുറികളും തയാറാക്കിയിട്ടുണ്ട്​. ഇതോടെ കുടുംബങ്ങളുടെ യാത്ര കൂടുതൽ സൗക​ര്യപ്രദമാകും.
ടെർമിനൽ ഒന്നിലെ കളിസ്​ഥലത്ത്​ കുട്ടികൾക്ക്​ കയറാൻ മേഘങ്ങൾക്കിടയിലൂടെ പറക്കുന്ന തരത്തിൽ സജ്ജീകരിച്ച കളിവിമാനമാണ്​ ഏറെ ആകർഷകം. ബാഗേജ്​ വെക്കാനുള്ള സൗകര്യവും ഒരുക്കിയിട്ടുണ്ട്​. ടെർമിനൽ ഒന്നിലും സമാനമായ കളിവിമാനമുണ്ട്​. ഇതിന്​ പുറമെ ടണലോടു കൂടിയ ഗതാഗത നിയന്ത്രണ ടവർ, ക്ലൗഡ്​ ടണൽ, സ്യൂട്ട്​കേസ്​ സ്ലൈഡ്​, കുട്ടികൾക്ക്​ കയറാനുള്ള ടയറുകൾ എന്നിവയുമുണ്ട്​.

ചെറിയ കുട്ടികളുടെ വസ്​ത്രവും മറ്റും മാറ്റാനുള്ള മുറികൾ ടെർമിനൽ ഒന്നിലും മൂന്നിലും സജ്ജീകരിച്ചിട്ടുണ്ട്​. ടെർമിനൽ മൂന്നിൽ നാല്​ ബേബി ചേഞ്ചിങ്​ മുറികളാണുള്ളത്​. ബസ്​ ഗേറ്റ്​ കെട്ടിടത്തിൽ രണ്ടെണ്ണവും പുറപ്പെടൽ ഗേറ്റ്​ നമ്പർ 32, പഴയ ബസ്​ ഗേറ്റ്​ നമ്പർ 28 എന്നിവിടങ്ങളിൽ ഒാരോന്ന്​ വീതവും. ടെർമിനൽ ഒന്നിൽ താഴെ നിലയിലെ സ്​ത്രീകളു​െട വിശ്രമമുറിയിലാണ്​ ബേബി ചേഞ്ചിങ്​ മുറി. ആകർഷക നിറങ്ങൾ കൊണ്ടും ചിത്രങ്ങൾകൊണ്ടും കുട്ടികൾക്ക്​ ഇഷ്​ടപ്പെടും വിധം ആധുനിക രീതിയിലാണ്​ ചേഞ്ചിങ്​ മുറികൾ രൂപകൽപന ചെയ്​തിട്ടുള്ളത്​. വേനൽക്കാലം കുടുംബങ്ങളുടെ ഇഷ്​ടപ്പെട്ട യാത്രാസമയമാണെന്നും രക്ഷിതാക്കളെയും കുട്ടികളെയും തങ്ങളു​െട പുതിയ കളിയിടങ്ങൾ സന്ദർശിക്കാൻ ക്ഷണിക്കുന്നതിൽ സന്തോഷമുണ്ടെന്നും അബൂദബി എയർപോർട്ട്​സ്​ ചീഫ്​ ഒാപഒറേഷൻസ്​ ഒാഫിസർ അഹ്​മദ്​ അൽ ശംസി പറഞ്ഞു.