വിമാനത്താവളത്തിൽ നിന്ന്​  ഏഴ്​ സ്​ത്രീകളെ തട്ടിക്കൊണ്ടുപോയ ആൾക്കെതിരെ വിചാരണ തുടങ്ങി

ദുബൈ: വീട്ടുജോലിക്കെത്തിയ ഏഴ്​ ഏഷ്യൻ സ്​ത്രീകളെ വിമനത്താവളത്തിൽ നിന്ന്​ തട്ടി​െക്കാണ്ടുപോയ സംഭവത്തിൽ വിചാരണ തുടങ്ങി. 29 വയസുള്ള ഇൗജിപ്​ഷ്യൻ പൗരനാണ്​ പ്രതി. കഴിഞ്ഞ വർഷം ആഗസ്​റ്റ്​ 27 നാണ്​ ഇയാൾക്കെതിരെ കേസെടുത്തത്​. റിക്രൂട്ട്​മ​​െൻറ്​ കമ്പനിയുടെ പി.ആർ.ഒ. ആണെന്ന്​ തെറ്റിദ്ധരിപ്പിച്ചാണ്​ സ്​ത്രീകളുമായി പോയത്​.  ഇവർക്ക്​ വിവിധ വീടുകളിൽ ജോലി വാഗ്​ദാനം ചെയ്​ത ഇയാൾ ഇവരുടെ പാസ്​പോർട്ടുകളും കൈക്കലാക്കി.

തുടർന്ന്​  ദുബൈയിലെ മുറിയിൽ  പൂട്ടിയിട്ടു. റിക്രൂട്ട്​മ​​െൻറ്​ ഒാഫീസിലെ ആളാണെന്ന്​ പറഞ്ഞും ​േജാലിക്കാരുടെ തൊഴിൽ കരാറുകൾ വ്യാജമായി തയാറാക്കിയും ഇയാൾ ഇവ കാട്ടി നാല്​ പേരുടെ കൈയ്യിൽ നിന്ന്​ പണം തട്ടിയതായും ആരോപണമുണ്ട്​. അജ്​മാനിലെ റിക്രൂട്ട്​മ​​െൻറ്​ ഒാഫീസിലേക്ക്​ പോകാൻ കാത്തിരിക്കവെയാണ്​ ഇവർ ചതിയിൽ പെടുന്നത്​. മൂന്ന്​ ദിവസത്തെ തടങ്കലിന്​ ശേഷം രക്ഷപ്പെട്ട സ്​ത്രീകൾ ടാക്​സിയിൽ അജ്​മാനിലെ ഒാഫീസിൽ എത്തുകയായിരുന്നു.

ഭക്ഷണം നൽകാൻ മുറിയിലെത്തിയിരുന്ന എ​ത്യോപ്യൻ വനിത മുറി പൂട്ടാൻ മറന്ന സമയത്താണ്​ ഇവർ രക്ഷപ്പെട്ടത്​. ഇൗ സ്​ത്രീകളിൽ ഒരാളെ ജോലിക്ക്​ നൽകാമെന്ന്​ വിശ്വസിപ്പിച്ച്​ 12500ദിർഹം തട്ടിയതായി സ്വദേശി യുവാവും ഇയാൾക്കെതിരെ പരാതി നൽകിയിരുന്നു. അബൂദബിയിലെ വീട്ടിലെത്തി പ്രതി ചില രേഖകൾ കാട്ടിയതായും ഇദ്ദേഹം ​േപ്രാസിക്യൂഷനെ അറിയിച്ചിട്ടുണ്ട്​.