കോഴിക്കോട്, തിരുവനന്തപുരം യാത്രക്ക്  650 ദിര്‍ഹത്തിന് എയര്‍ ഇന്ത്യ ടിക്കറ്റ്

ദുബൈ: എയര്‍ ഇന്ത്യ ഷാര്‍ജ-തിരുവനന്തപുരം, ഷാര്‍ജ-കോഴിക്കോട്, ദുബൈ-ബംഗളൂരു, ദുബൈ-ചെന്നൈ റുട്ടൂകളില്‍ പ്രത്യേക ടിക്കറ്റ് നിരക്കുകള്‍ പ്രഖ്യാപിച്ചു. 
തിരുവനന്തപുരം ,കോഴിക്കോട് എന്നിവിടങ്ങളിലേക്ക് 650 ദിര്‍ഹമാണ് അങ്ങോട്ടും ഇങ്ങോട്ടുമുള്ള യാത്രാ നിരക്ക്. ചെന്നൈയിലേക്ക് 750 ദിര്‍ഹവും ബംഗളൂരുവിലേക്ക് 900 ദിര്‍ഹവുമാണ് നിരക്ക്. 
എല്ലാ നികുതികളും ഉള്‍പ്പെടെയുള്ള നിരക്കാണിതെന്ന് എയര്‍ ഇന്ത്യ പത്രക്കുറിപ്പില്‍ അറിയിച്ചു. മാര്‍ച്ച് ഒമ്പത് വരെ ബുക് ചെയ്യുന്നവര്‍ക്കാണ് ഈ നിരക്കില്‍ ടിക്കറ്റ് ലഭിക്കുക. എയര്‍ ഇന്ത്യ ഓഫീസില്‍ നിന്നോ അംഗീകൃത ട്രാവല്‍ ഏജന്‍സികളില്‍ നിന്നോ ബുക് ചെയ്യാം. 
മാര്‍ച്ച് 31ന് മുമ്പ് അങ്ങോട്ടുള്ള യാത്ര ചെയ്തിരിക്കണം. മടക്കയാത്രക്ക് രണ്ടു മാസത്തെ സമയമുണ്ട്. 
ബംഗളൂരു ഒഴിച്ച് മറ്റിടങ്ങളിലേക്ക് 40 കിലോ സൗജന്യ ബാഗേജും അനുവദിച്ചിട്ടുണ്ട്.