എയർസുവിധ: അടിയന്തര ആവശ്യക്കാർക്ക്​ സൗകര്യമൊരുക്കണം; കേരളം കേന്ദ്രത്തിന്​ കത്തയച്ചു

ദു​ബൈ: വി​ദേ​ശ രാ​ജ്യ​ങ്ങ​ളി​ൽ നി​ന്ന്​ അ​ടി​യ​ന്ത​ര ആ​വ​ശ്യ​ങ്ങ​ൾ​ക്ക് ഇ​ന്ത്യ​യി​ലെ​ത്തു​ന്ന​വ​ർ​ക്ക് എ​യ​ർ​സു​വി​ധ​യി​ലു​ണ്ടാ​യി​രു​ന്ന ഇ​ള​വ് പു​ന​സ്​​ഥാ​പി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ കേ​ര​ള സ​ർ​ക്കാ​രും നോ​ർ​ക്ക​യും കേ​ന്ദ്ര​ത്തി​ന്​ ക​ത്ത​യ​ച്ചു. കേ​ന്ദ്ര വി​ദേ​ശ​കാ​ര്യ മ​ന്ത്രാ​ല​യ​ത്തി​നും എ​യ​ർ സു​വി​ധ​ക്കു​മാ​ണ്​ ക​ത്ത​യ​ച്ച​ത്. ഇ​ത്​ സം​ബ​ന്ധി​ച്ച്​ 'ഗ​ൾ​ഫ്​ മാ​ധ്യ​മം' വാ​ർ​ത്ത പ്ര​സി​ദ്ധീ​ക​രി​ച്ചി​രു​ന്നു.

പ്ര​വാ​സി​ക​ളു​ടെ അ​വ​സ്​​ഥ മ​ന​സി​ലാ​ക്കി കേ​ന്ദ്ര സ​ർ​ക്കാ​ർ വേ​ഗം ഇ​ള​വ്​ പു​ന​സ്​​ഥാ​പി​ക്ക​ണ​മെ​ന്ന്​ നോ​ർ​ക്ക ഡ​യ​റ​ക്​​ട​ർ ഒ.​വി. മു​സ്ത​ഫ ആ​വ​ശ്യ​പ്പെ​ട്ടു. പു​തി​യ അ​പ്​​ഡേ​ഷ​ൻ വ​ന്ന​പ്പോ​ൾ വി​ട്ടു​പോ​യ​താ​വാ​മെ​ന്നും ഉ​ട​ൻ തി​രു​ത്തു​മെ​ന്നാ​ണ്​ പ്ര​തീ​ക്ഷ​യെ​ന്നും അ​ദ്ദേ​ഹം പ​റ​ഞ്ഞു.

അ​ടി​യ​ന്ത​ര ആ​വ​ശ്യ​ങ്ങ​ൾ​ക്ക് ഇ​ന്ത്യ​യി​ലെ​ത്തു​ന്ന​വ​ർ​ക്ക് എ​യ​ർ സു​വി​ധ​യി​ൽ ഏ​ർ​പ്പെ​ടു​ത്തി​യ പ്ര​ത്യേ​ക ഓ​പ്​​ഷ​നാ​ണ്​ വെ​ബ്​​സൈ​റ്റി​ൽ നി​ന്ന്​​ ഒ​ഴി​വാ​ക്കി​യ​ത്. ഇ​തോ​ടെ, മ​ര​ണം പോ​ലു​ള്ള​വ​ക്ക്​ നാ​ട്ട​ി​ലേ​ക്ക്​ വ​രു​ന്ന​വ​ർ 72 മ​ണി​ക്കൂ​റി​നു​ള്ളി​ൽ കോ​വി​ഡ്​ പ​രി​ശോ​ധ​ന ന​ട​ത്തി എ​യ​ർ സു​വി​ധ​യി​ൽ അ​പ്​​ലോ​ഡ്​ ചെ​യ്യേ​ണ്ട അ​വ​സ്​​ഥ​യാ​ണ്​ നി​ല​വി​ലു​ള്ള​ത്. ഒ​ക്​​ടോ​ബ​ർ 20 മു​ത​ലാ​ണ്​ ഈ ​ഓ​പ്​​ഷ​ൻ ഒ​ഴി​വാ​ക്കി​യ​ത്.

വി​ദേ​ശ​ത്ത്​ നി​ന്ന്​ നാ​ട്ടി​ലെ​ത്തു​ന്ന​വ​ർ യാ​ത്ര​ക്ക്​ മു​ൻ​പ്​ എ​യ​ർ സു​വി​ധ​യി​ൽ ര​ജി​സ്​​റ്റ​ർ ചെ​യ്യ​ണ​മെ​ന്നാ​ണ് കേ​ന്ദ്ര സി​വി​ൽ ഏ​വി​യേ​ഷ​ൻ മ​ന്ത്രാ​ല​യ​ത്തി​െൻറ​ നി​ബ​ന്ധ​ന. എ​ന്നാ​ൽ, അ​ടി​യ​ന്ത​ര ആ​വ​ശ്യ​ങ്ങ​ൾ​ക്ക്​ പോ​കു​ന്ന​വ​ർ​ എ​യ​ർ സു​വി​ധ​യി​ൽ ര​ജി​സ്​​റ്റ​ർ ചെ​യ്യേ​ണ്ടാ​യി​രു​ന്നു.

പ​ക​രം, എ​യ​ർ​സു​വി​ധ​യു​ടെ സൈ​റ്റി​ൽ എ​ക്​​സം​പ്​​ഷ​ൻ എ​ന്ന ഭാ​ഗ​ത്ത്​ മ​ര​ണ സ​ർ​ട്ടി​ഫി​ക്ക​റ്റ്​ അ​ട​ക്കം അ​പ്​​ലോ​ഡ്​ ചെ​യ്​​താ​ൽ മ​തി​യാ​യി​രു​ന്നു. ഇ​താ​ണ്​​ ഒ​ഴി​വാ​ക്കി​യ​ത്. പ​ല രാ​ജ്യ​ങ്ങ​ളി​ലും പ​ത്ത്​ മ​ണി​ക്കൂ​റി​ലേ​റെ വേ​ണം ഫ​ലം ല​ഭി​ക്കാ​ൻ. 24 മ​ണി​ക്കൂ​ർ വ​രെ​യാ​ണ്​ ആ​ശു​പ​ത്രി അ​ധി​കൃ​ത​ർ പ​റ​യു​ന്ന സ​മ​യം.