അജ്മാനിലെ വായു ഗുണനിലവാരം 98.1 ശതമാനം

അജ്മാന്‍: അജ്മാനിലെ വായു ഗുണനിലവാര സൂചിക 98.1 ശതമാനത്തിൽ എത്തിയതായി അജ്മാന്‍ നഗരസഭ ആസൂത്രണ വകുപ്പ് വ്യക്തമാക്കി. 2026ന്‍റെ ആദ്യ പകുതിയിലെ റിപ്പോർട്ട് അനുസരിച്ചാണിത്.

ഈ നേട്ടം കൈവരിക്കുന്നതിനായി പരിസ്ഥിതി സംരക്ഷണ പദ്ധതികള്‍ക്ക് വലിയ പ്രാധാന്യമാണ് അജ്മാന്‍ നല്‍കുന്നത്. പരിസ്ഥിതി സൗഹൃദ പദ്ധതികള്‍ക്ക് മുന്‍ഗണന നല്‍കുകയും പരിസ്ഥിതിക്ക് ദോഷം വരുന്ന പദ്ധതികള്‍ക്കും പ്രവര്‍ത്തനങ്ങള്‍ക്കും ശക്തമായ നിയന്ത്രണങ്ങളും ഏര്‍പ്പെടുത്തുന്നുണ്ട്. 2025ലെ ഇതേ കാലയളവിൽ ഇത് 97.8 ശതമാനമായിരുന്നു.