കി​ട​പ്പു​രോ​ഗി​ക​ളെ നാ​ട്ടി​ലെ​ത്തി​ക്കാ​ൻ ഇ​ന്ത്യ​ൻ വി​മാ​ന​ക്ക​മ്പ​നി​ക​ൾ

ദു​ബൈ: എ​യ​ർ ഇ​ന്ത്യ​യു​ടെ പി​ന്മാ​റ്റ​ത്തോ​ടെ നാ​ട്ടി​ലെ​ത്താ​നാ​കാ​തെ പ്ര​തി​സ​ന്ധി​യി​ലാ​യ കി​ട​പ്പു​രോ​ഗി​ക​ൾ​ക്ക്​ സ്ട്രെ​ച്ച​ർ സം​വി​ധാ​ന​മൊ​രു​ക്കി മ​റ്റ്​ ഇ​ന്ത്യ​ൻ സ്വ​കാ​ര്യ വി​മാ​ന​ക്ക​മ്പ​നി​ക​ൾ. ഗോ ​ഫ​സ്റ്റ് എ​യ​ർ​ലൈ​ൻ​ വ​ഴി യു.​എ.​ഇ​യി​ൽ​നി​ന്നു​ള്ള ആ​ദ്യ കി​ട​പ്പു​രോ​ഗി​യെ കേ​ര​ള​ത്തി​ലെ​ത്തി​ച്ചു. എ​യ​ർ ഇ​ന്ത്യ വ​ഴി നാ​ട്ടി​ലെ​ത്തി​ക്കാ​ൻ മൂ​ന്നു ത​വ​ണ അ​പേ​ക്ഷ ന​ൽ​കി​യി​ട്ടും നി​രാ​ക​രി​ക്ക​പ്പെ​ട്ട രോ​ഗി​യെ​യാ​ണ്​ ഗോ ​ഫ​സ്റ്റ്​ വ​ഴി കൊ​ണ്ടു​പോ​യ​ത്. എ​റ​ണാ​കു​ളം സ്വ​ദേ​ശി​യാ​യ രോ​ഗി​യെ അ​ബൂ​ദ​ബി-​കൊ​ച്ചി വി​മാ​ന​ത്തി​ൽ ബു​ധ​നാ​ഴ്ച പു​ല​ർ​ച്ച​യാ​ണ്​ നാ​ട്ടി​ലെ​ത്തി​ച്ച​ത്.

അ​ടു​ത്ത ദി​വ​സ​ങ്ങ​ളി​ലാ​യി ഗോ ​ഫ​സ്റ്റി​ന്​ പു​റ​മെ മ​റ്റു​ ചി​ല എ​യ​ർ​ലൈ​നു​ക​ളും ഇ​ത്ത​ര​ത്തി​ൽ രോ​ഗി​ക​ളെ നാ​ട്ടി​ലെ​ത്തി​ക്കാ​ൻ ശ്ര​മം തു​ട​ങ്ങി​യി​ട്ടു​ണ്ട്. ​എ​യ​ർ ഇ​ന്ത്യ വി​മാ​നം നി​ർ​ത്ത​ലാ​ക്കി​യ​തോ​ടെ സ്ട്രെ​ച്ച​ർ സൗ​ക​ര്യം നി​ല​ച്ച വാ​ർ​ത്ത ‘ഗ​ൾ​ഫ്​ മാ​ധ്യ​മം’ പ്ര​സി​ദ്ധീ​ക​രി​ച്ചി​രു​ന്നു. ഇ​തി​നു​ പി​ന്നാ​ലെ വി​വി​ധ പ്ര​വാ​സി സം​ഘ​ട​ന​ക​ൾ മു​ഖ്യ​മ​ന്ത്രി​ക്കും നോ​ർ​ക്ക​ക്കും എ​യ​ർ ഇ​ന്ത്യ​ക്കും മ​റ്റ്​ എ​യ​ർ​ലൈ​നു​ക​ൾ​ക്കും ക​ത്തെ​ഴു​തി​യി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ലാ​ണ്​ മ​റ്റ്​ ഇ​ന്ത്യ​ൻ വി​മാ​ന​ക്ക​മ്പ​നി​ക​ളും ഈ ​സം​വി​ധാ​നം ഏ​ർ​പ്പെ​ടു​ത്താ​ൻ മു​ന്നോ​ട്ടു​വ​ന്ന​ത്.

ഇ​ന്ത്യ​ൻ എം​ബ​സി​യു​ടെ അ​നു​മ​തി​യോ​ടെ​യും സ​ഹാ​യ​ത്തോ​ടെ​യു​മാ​ണ്​ ഗോ ​ഫ​സ്റ്റി​ൽ​ ​രോ​ഗി​യെ നാ​ട്ടി​ലെ​ത്തി​ച്ച​ത്. ഗു​രു​ത​രാ​വ​സ്ഥ​യി​ലാ​യ രോ​ഗി​യെ നാ​ട്ടി​ലെ​ത്തി​ക്ക​ണ​മെ​ന്നാ​വ​ശ്യ​പ്പെ​ട്ട്​ എം​ബ​സി എ​യ​ർ ഇ​ന്ത്യ​യെ സ​മീ​പി​ച്ചി​രു​ന്നു. എ​ന്നാ​ൽ, ഇ​ത്​ ന​ട​ക്കാ​ത്ത​തി​നെ തു​ട​ർ​ന്നാ​ണ്​ ഗോ ​ഫ​സ്റ്റ്​ ഏ​റ്റെ​ടു​ത്ത​ത്.

രോ​ഗി​യു​ടെ ബ​ന്ധു​ക്ക​ൾ സ​ന്ദ​ർ​ശ​ക വി​സ​യി​ൽ യു.​എ.​ഇ​യി​ൽ എ​ത്തി​യി​രു​ന്നു. ഇ​വ​രു​ടെ വി​സ കാ​ലാ​വ​ധി ക​ഴി​ഞ്ഞി​രു​ന്നു. ഇ​വ​രെ​യും നാ​ട്ടി​ലേ​ക്ക​യ​ക്കാ​ൻ എം​ബ​സി​യു​ടെ​യും എ​യ​ർ​ലൈ​ൻ അ​ധി​കൃ​ത​രു​ടെ​യും ഇ​ട​പെ​ട​ലു​ണ്ടാ​യി. മേ​യ്​ ര​ണ്ടി​ന്​ അ​ബൂ​ദ​ബി​യി​ൽ​നി​ന്ന്​ കൊ​ച്ചി​യി​ലേ​ക്കും അ​ഞ്ചി​ന്​ ക​ണ്ണൂ​രി​ലേ​ക്കും കി​ട​പ്പു​രോ​ഗി​ക​ളെ ഗോ ​ഫ​സ്റ്റ്​ വ​ഴി അ​യ​ക്കും. 13,000 ദി​ർ​ഹം മു​ത​ൽ 15,000 ദി​ർ​ഹം വ​രെ​യാ​ണ്​ ഈ ​സേ​വ​ന​ത്തി​ന്​ ഈ​ടാ​ക്കു​ന്ന​ത്.

ഗ​ൾ​ഫി​ൽ​നി​ന്ന്​ ഇ​തു​വ​രെ​ മൂ​ന്നു​ രോ​ഗി​ക​ളെ​യാ​ണ്​ ഗോ ​ഫ​സ്റ്റ്​ വ​ഴി നാ​ട്ടി​ലെ​ത്തി​ച്ച​ത്. നേ​ര​ത്തേ കു​വൈ​ത്ത്, ഒ​മാ​ൻ എ​ന്നി​വി​ട​ങ്ങ​ളി​ൽ​നി​ന്ന്​ രോ​ഗി​ക​ളെ എ​ത്തി​ച്ചി​രു​ന്നു. അ​ടു​ത്തി​ടെ​യാ​ണ്​ ഗോ ​ഫ​സ്റ്റി​ന്‍റെ​ ഈ ​സേ​വ​ന​ത്തി​ന്​ അ​നു​മ​തി ല​ഭി​ച്ച​തെ​ന്നും വ​രും ദി​വ​സ​ങ്ങ​ളി​ൽ കൂ​ടു​ത​ൽ കി​ട​പ്പു​രോ​ഗി​ക​ൾ​ക്കാ​യി സേ​വ​നം ന​ൽ​കാ​ൻ ക​ഴി​യു​മെ​ന്നാ​ണ്​ പ്ര​തീ​ക്ഷി​ക്കു​ന്ന​തെ​ന്നും ഗോ ​ഫ​സ്റ്റ്​ സെ​യി​ൽ​സ്​ മാ​നേ​ജ​ർ ജി​യാ​സ്​ അ​ഹ്​​മ​ദ്​ വ്യ​ക്ത​മാ​ക്കി. ഒ​മ്പ​തു​ സീ​റ്റു​ക​ൾ മാ​റ്റി​വെ​ച്ചാ​ണ്​ ഒ​രു രോ​ഗി​ക്ക്​ സൗ​ക​ര്യ​മൊ​രു​ക്കു​ന്ന​ത്. ഇ​തി​നാ​യി ഒ​രു മ​ണി​ക്കൂ​റോ​ളം അ​ധി​ക സ​മ​യം വേ​ണ്ടി​വ​രു​ന്നു​ണ്ട്. ഇ​ത്​ മ​റ്റു​ യാ​ത്ര​ക്കാ​രെ ബാ​ധി​ക്കാ​ത്ത രീ​തി​യി​ലാ​ണ്​ ക്ര​മീ​ക​ര​ണം. സ്ഥാ​പ​ന​ത്തി​ന്‍റെ സി.​എ​സ്.​ആ​ർ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യാ​ണ്​ സേ​വ​നം ന​ൽ​കു​ന്ന​തെ​ന്നും അ​ദ്ദേ​ഹം അ​റി​യി​ച്ചു.

യു.​എ.​ഇ​യി​ൽ​നി​ന്ന്​ കേ​ര​ള​ത്തി​ലേ​ക്ക്​ എ​യ​ർ ഇ​ന്ത്യ​യു​ടെ വ​ലി​യ വി​മാ​ന​ങ്ങ​ൾ സ​ർ​വി​സ്​ നി​ർ​ത്തി​യ​തോ​ടെ കി​ട​പ്പു​രോ​ഗി​ക​ൾ പ്ര​തി​സ​ന്ധി​യി​ലാ​യി​രു​ന്നു. സ്ട്രെ​ച്ച​ർ സം​വി​ധാ​നം വ​ഴി അ​ടി​യ​ന്ത​ര​മാ​യി നാ​ട്ടി​ലെ​ത്തി​ക്കേ​ണ്ട നി​ര​വ​ധി പേ​രാ​ണ്​ നാ​ട​ണ​യാ​നാ​കാ​തെ ക​ഴി​യു​ന്ന​ത്. മാ​സ​ത്തി​ൽ 15-20 രോ​ഗി​ക​ളെ സ്ട്രെ​ച്ച​ർ സം​വി​ധാ​നം വ​ഴി നാ​ട്ടി​ലെ​ത്തി​ച്ചി​രു​ന്ന സ്ഥാ​ന​ത്ത്​ ഗു​രു​ത​ര രോ​ഗം ബാ​ധി​ച്ച​വ​രെ​പ്പോ​ലും​ നാ​ട്ടി​ലേ​ക്ക​യ​ക്കാ​ൻ ക​ഴി​യാ​ത്ത അ​വ​സ്ഥ​യാ​ണ്​.

എ​യ​ർ ഇ​ന്ത്യ​യു​ടെ വ​ലി​യ വി​മാ​ന​ങ്ങ​ളി​ലും എ​മി​റേ​റ്റ്​​സ്​ എ​യ​ർ​ലൈ​നി​ലു​മാ​ണ്​ കേ​ര​ള​ത്തി​ലേ​ക്ക്​ കി​ട​പ്പി​ലാ​യ രോ​ഗി​ക​ളെ അ​യ​ച്ചി​രു​ന്ന​ത്. എ​യ​ർ ഇ​ന്ത്യ​യി​ൽ 11,000-13,000 ദി​ർ​ഹം (2.40-2.85 ല​ക്ഷം രൂ​പ) ചെ​ല​വാ​കു​മ്പോ​ൾ എ​മി​റേ​റ്റ്​​സി​ൽ 38,000-40,000 ദി​ർ​ഹ​മാ​ണ്​ (8.40-8.80 ല​ക്ഷം രൂ​പ) ചെ​ല​വാ​കു​ന്ന​ത്.

നി​ർ​ധ​ന​രാ​യ പ്ര​വാ​സി​ക​ൾ​ക്ക്​ ഇ​ത്ര വ​ലി​യ​തു​ക താ​ങ്ങാ​നാ​കാ​ത്ത​തി​നാ​ൽ ഇ​ന്ത്യ​ൻ കോ​ൺ​സു​ലേ​റ്റി​ന്‍റെ സ​ഹാ​യ​ത്തോ​ടെ എ​യ​ർ ഇ​ന്ത്യ​യി​ൽ അ​യ​ക്കു​ന്ന​താ​യി​രു​ന്നു പ​തി​വ്. മ​റ്റ്​ ഇ​ന്ത്യ​ൻ വി​മാ​ന​ക്ക​മ്പ​നി​ക​ൾ​കൂ​ടി ഈ ​സം​വി​ധാ​നം ഏ​റ്റെ​ടു​ക്കു​ന്ന​തി​നു പു​റ​മെ എ​യ​ർ ഇ​ന്ത്യ​യും സം​വി​ധാ​നം പു​നഃ​സ്ഥാ​പി​ച്ചാ​ൽ രോ​ഗി​ക​ൾ​ക്ക്​ ആ​ശ്വാ​സ​മാ​യി നി​ര​ക്കി​ള​വു​ണ്ടാ​കു​മെ​ന്ന പ്ര​തീ​ക്ഷ​യി​ലാ​ണ്​ പ്ര​വാ​സി​ക​ൾ.