Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightജൂലൈ 21വരെ...

ജൂലൈ 21വരെ യു.എ.ഇയിലേക്ക്​ വിമാന സർവീസില്ലെന്ന്​ എയർ ഇന്ത്യ

text_fields
bookmark_border
ജൂലൈ 21വരെ യു.എ.ഇയിലേക്ക്​ വിമാന സർവീസില്ലെന്ന്​ എയർ ഇന്ത്യ
cancel

ദുബൈ: ജൂലൈ 21വരെ യു.എ.ഇയിലേക്ക്​ വിമാന സർവീസില്ലെന്ന്​ എയർ ഇന്ത്യയും വ്യക്​തമാക്കി. യു.എ.ഇ സർക്കാർ നിയന്ത്രണമേർപ്പെടുത്തിയ പശ്​ചാത്തലത്തിലാണ്​ നടപടിയെന്ന്​ കമ്പനി വെബ്​സൈറ്റിലൂടെ അറിയിച്ചു. ഇതിന്​ മുമ്പായി ടിക്കറ്റ്​ എടുത്തവർക്ക്​ സൗജന്യമായി ഒഴിവുള്ള മറ്റൊരു യാത്രാദിവസത്തിലേക്ക്​ ടിക്കറ്റ്​ മാറ്റാമെന്നും വെബ്​സൈറ്റ്​ വ്യക്​തമാക്കി. ഈ സൗകര്യം വൺവേ യാത്രക്കാർക്ക്​ ലഭിക്കില്ല. ​കഴിഞ്ഞ ദിവസം അബൂദബി ആസ്​ഥാനമായ ഇത്തിഹാദ്​ എയർവേഴ്​സ്​ 21വരെ വിമാന സർവീസുണ്ടാകില്ലെന്ന്​ അറിയിച്ചിരുന്നു. നേരത്തെ ജൂലൈ ആറുവരെയാണ്​ യാത്രവിലക്കെന്നാണ്​ എയർ ഇന്ത്യ അറിയിച്ചിരുന്നത്​. ഇതാണിപ്പോൾ പുതുക്കിയത്​.

കഴിഞ്ഞ മാസം 23മുതൽ രണ്ട്​ ഡോസ്​ വാക്​സിനെടുത്തവർക്ക്​ ദുബൈയിലേക്ക്​ പ്രവേശിക്കാമെന്ന ഉത്തരവ്​ നിലവിൽ വന്നിരുന്നു. ഇതിനെ തുടർന്ന്​ യാത്രവിലക്ക്​ നീങ്ങുമെന്ന പ്രതീക്ഷ ഉയർന്നു. എമിറേറ്റ്​ അടക്കമുള്ള വിമാനക്കമ്പനികൾ ടിക്കറ്റ്​ വിൽപനയും ആരംഭിച്ചു. എന്നാൽ പിന്നീട്​ ഇത്​ നിർത്തലാക്കി. ഇതോടെ യാത്രയുമായി ബന്ധപ്പെട്ട്​ അനിശ്​ചിതത്വം നിലനിൽക്കുകയായിരുന്നു. എയർ ഇന്ത്യ കൂടി യാത്രവിലക്ക്​ വ്യക്​തമാക്കിയതോടെ 21ന്​ മുമ്പായി വിമാന സർവീസ്​ പുനരാരംഭിക്കാനുള്ള സാധ്യത മങ്ങി. ദുബൈ ആസ്​ഥാനമായ എമിറേറ്റസ്​ എയർലൈൻ ജൂലൈ ഏഴ്​ മുതൽ സർവീസ്​ പുനാരാംഭിക്കാൻ കഴിയുമെന്ന പ്രതീക്ഷ പങ്കുവെച്ചിരുന്നു. എന്നാൽ യാത്രയുമായി ബന്ധപ്പെട്ട കൃത്യമായ മാനദണ്ഡങ്ങളും സർക്കാർ വകുപ്പുകളിൽ നിന്നുള്ള അനുമതിയും ലഭിച്ചാലേ സ്​ഥിരീകരിക്കാൻ കഴിയൂ എന്നും കമ്പനി അറിയിക്കുകയുണ്ടായി. എമിറേറ്റ്​സിെൻറ പുതിയ അറിയിപ്പുകളൊന്നും നിലവിൽ പുറത്തുവന്നിട്ടില്ല.

ഇന്ത്യയിൽ കോവിഡ്​ വ്യാപിച്ച പശ്​ചാത്തലത്തിൽ ഏപ്രിൽ 25മുതലാണ്​ യു.എ.ഇയിലേക്ക്​ യാത്രവിലക്ക്​ ഏർപ്പെടുത്തിയത്​. യു.എ.ഇ പൗരന്മാർക്കും നയതന്ത്ര ഉദേയാഗസ്​ഥർക്കും ഡോൾഡൻ, സിൽവർ വിസക്കാർക്കും യാത്രമാണ്​ ഇതിൽ ഇളവുള്ളത്​.

Show Full Article
TAGS:Air India 
News Summary - Air India to suspend flights to UAE till July 21
Next Story