വീ​ണ്ടും വി​മാ​ന​മു​ട​ക്കം; ദു​രി​ത​ത്തി​ലാ​യി യാ​ത്ര​ക്കാ​ർ

ദു​ബൈ: വെ​ള്ളി​യാ​ഴ്ച രാ​വി​ലെ 9 മ​ണി​ക്ക്​ ദു​ബൈ​യി​ൽ​നി​ന്ന്​ കോ​ഴി​ക്കോ​ടേ​ക്ക്​ പു​റ​പ്പെ​ടേ​ണ്ട എ​യ​ർ ഇ​ന്ത്യ എ​ക്സ്​​പ്ര​സ്​ വി​മാ​നം അ​പ്ര​തീ​ക്ഷി​ത​മാ​യി മു​ട​ങ്ങി​യ​ത്​ യാ​ത്ര​ക്കാ​രെ ദു​രി​ത​ത്തി​ലാ​ക്കി. വി​മാ​ന​ത്തി​ൽ യാ​ത്ര​ക്കാ​ർ പ്ര​വേ​ശി​ച്ച​ശേ​ഷം പു​റ​പ്പെ​ടു​ന്ന​തി​ന്​ തൊ​ട്ടു​മു​മ്പാ​ണ്​ സാ​​ങ്കേ​തി​ക ത​ക​രാ​ർ ക​ണ്ടെ​ത്തി​യ​തി​നെ​ത്തു​ട​ർ​ന്ന്​ വി​മാ​നം​ റ​ദ്ദാ​ക്കി​യ​ത്.

ഇ​തോ​ടെ രാ​വി​ലെ 8.15ന്​ ​വി​മാ​ന​ത്തി​ൽ പ്ര​വേ​ശി​ച്ച യാ​ത്ര​ക്കാ​ർ നാ​ലു മ​ണി​ക്കൂ​ർ കൊ​ടും​ചൂ​ടി​ൽ വി​മാ​ന​ത്തി​ന​ക​ത്ത്​ ദു​രി​ത​ത്തി​ലാ​യി. വി​മാ​ന​ത്തി​ൽ എ.​സി പ്ര​വ​ർ​ത്തി​ച്ചി​രു​ന്നി​ല്ലെ​ന്നും സ്ത്രീ​ക​ളും കു​ട്ടി​ക​ളും അ​ട​ക്ക​മു​ള്ള യാ​ത്ര​ക്കാ​ർ ഏ​റെ പ്ര​യാ​സ​പ്പെ​ട്ടു​വെ​ന്നും വി​മാ​ന​ത്തി​ലു​ണ്ടാ​യി​രു​ന്ന​വ​ർ മാ​ധ്യ​മ​ങ്ങ​ളോ​ട്​ പ​രാ​തി​പ്പെ​ട്ടു. ഐ.​എ​ക്സ്​ 346 ന​മ്പ​ർ വി​മാ​ന​മാ​ണ്​ പ​റ​ക്കു​ന്ന​തി​നു​ തൊ​ട്ട്​​മു​മ്പ്​ മു​ട​ങ്ങി​യ​ത്​. ക​ന​ത്ത ചൂ​ടു​ള്ള അ​ന്ത​രീ​ക്ഷ​ത്തി​ൽ എ.​സി പ്ര​വ​ർ​ത്തി​ക്കാ​തെ വ​ന്ന​തോ​ടെ വി​യ​ർ​ത്തൊ​ലി​ച്ച് യാ​ത്ര​ക്കാ​ർ വി​മാ​ന​ത്തി​ന​ക​ത്ത് തു​ട​രേ​ണ്ടി​വ​ന്നു. വി​മാ​നം യാ​ത്ര പു​റ​പ്പെ​ടു​മോ എ​ന്ന​ത്​ സം​ബ​ന്ധി​ച്ച്​ കൃ​ത്യ​മാ​യ വി​വ​രം ന​ൽ​കി​യി​ല്ലെ​ന്നും പ്രാ​യ​മാ​യ സ്ത്രീ​ക​ളും കു​ട്ടി​ക​ളും അ​ട​ക്ക​മു​ള്ള​വ​ർ വ​ള​രെ പ്ര​യാ​സ​പ്പെ​ട്ടു​വെ​ന്നും യാ​ത്ര​ക്കാ​ർ പ​റ​ഞ്ഞു. മ​ണി​ക്കൂ​റു​ക​ൾ​ക്കു​​ശേ​ഷം ഉ​ച്ച 12.15നാ​ണ്​ പ്ര​വ​ർ​ത്ത​ന​പ​ര​മാ​യ കാ​ര​ണ​ങ്ങ​ളാ​ൽ വി​മാ​നം റ​ദ്ദാ​ക്കി​യ​താ​യി യാ​ത്ര​ക്കാ​ർ​ക്ക്​ ഔ​ദ്യോ​ഗി​ക അ​റി​യി​പ്പ്​ ല​ഭി​ച്ച​ത്. തു​ട​ർ​ന്ന്​ യാ​ത്ര​ക്കാ​രെ ഹോ​ട്ട​ലി​ലേ​ക്ക്​ മാ​റ്റാ​മെ​ന്ന്​ അ​റി​യി​ച്ചു. രാ​ത്രി 3.30ന്​ ​പു​റ​പ്പെ​ടു​ന്ന വി​മാ​ന​ത്തി​ൽ യാ​ത്ര ചെ​യ്യാ​​മെ​ന്നാ​ണ്​ അ​റി​യി​പ്പ്​ ന​ൽ​കി​യി​രി​ക്കു​ന്ന​ത്. എ​ന്നാ​ൽ ചി​ല യാ​ത്ര​ക്കാ​ർ ടി​ക്ക​റ്റ്​ കാ​ൻ​സ​ൽ ചെ​യ്ത്​ റീ​ഫ​ണ്ട്​ ചെ​യ്ത്​ ന​ൽ​ക​ണ​മെ​ന്ന്​ അ​ധി​കൃ​ത​രോ​ട്​ ആ​വ​ശ്യ​പ്പെ​ട്ടു.

മ​ര​ണം, വി​വാ​ഹം അ​ട​ക്ക​മു​ള്ള അ​ടി​യ​ന്ത​ര സാ​ഹ​ച​ര്യ​ത്തി​ൽ യാ​ത്ര ചെ​യ്യു​ന്ന പ​ല​രും മ​റ്റു വി​മാ​ന​ങ്ങ​ളി​ൽ വ​ലി​യ നി​ര​ക്കി​ൽ ടി​ക്ക​റ്റ്​ ബു​ക്​ ചെ​യ്ത്​ യാ​ത്ര ചെ​യ്യാ​ൻ തീ​രു​മാ​നി​ക്കു​ക​യാ​യി​രു​ന്നു. എ​ന്നാ​ൽ, ടി​ക്ക​റ്റ്​ റീ​ഫ​ണ്ട്​ കാ​ര്യ​ത്തി​ൽ അ​ധി​കൃ​ത​ർ ഉ​റ​പ്പു​ന​ൽ​കി​യി​ട്ടി​ല്ലെ​ന്നും ചി​ല യാ​ത്ര​ക്കാ​ർ പ​രാ​തി​പ്പെ​ട്ടു. അ​തേ​സ​മ​യം വി​മാ​ന​ത്തി​ൽ സാ​​ങ്കേ​തി​ക പ്ര​ശ്നം ക​ണ്ടെ​ത്തി​യ​തി​നെ തു​ട​ർ​ന്നാ​ണ്​ വി​മാ​നം റ​ദ്ദാ​ക്കി​യ​തെ​ന്നും യാ​ത്ര​ക്കാ​ർ​ക്ക്​ പ​ക​രം സം​വി​ധാ​നം ഒ​രു​ക്കി​യി​ട്ടു​ണ്ടെ​ന്നും എ​യ​ർ ഇ​ന്ത്യ എ​ക്സ്​​പ്ര​സ്​ വ​ക്​​താ​വ്​ മാ​ധ്യ​മ​ങ്ങ​ളോ​ട്​ പ​റ​ഞ്ഞു. എ.​സി പ്ര​വ​ർ​ത്ത​ന​ക്ഷ​മ​മാ​യി​രു​ന്നെ​ന്നും, അ​തേ​സ​മ​യം പ്ര​ശ്നം പ​രി​ഹ​രി​ക്കാ​നു​ള്ള ശ്ര​മ​ത്തി​നി​ടെ​യാ​ണ്​ എ.​സി കു​റ​ച്ചു​നേ​രം ഓ​ഫ്​ ചെ​യ്യേ​ണ്ടി​വ​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. അ​തി​നി​ടെ എ​യ​ർ ഇ​ന്ത്യ എ​ക്സ്​​പ്ര​സി​ന്‍റെ ഐ.​എ​ക്സ്​ 523 തി​രു​വ​ന​ന്ത​പു​രം-​അ​ബൂ​ദ​ബി വി​മാ​ന​വും ഒ​ന്ന​ര മ​ണി​ക്കൂ​ർ വൈ​കി. ഇ​ന്ത്യ​ൻ സ​മ​യം 1.15ന്​ ​പു​റ​പ്പെ​ടേ​ണ്ട വി​മാ​നം 2.40നാ​ണ്​ പു​റ​പ്പെ​ട്ട​ത്. വ്യാ​ഴാ​ഴ്ച ജ​യ്പൂ​രി​ൽ​നി​ന്ന്​ ദു​ബൈ​യി​ലേ​ക്ക്​ പു​റ​പ്പെ​ടേ​ണ്ട വി​മാ​ന​വും റ​ദ്ദാ​ക്കി​യി​രു​ന്നു.