ഐൻ ദുബൈ ഇന്ന്​ അടക്കും; ഇനി റമദാന്​ ശേഷം

ദുബൈ: ദുബൈയിലെ ഏറ്റവും പുതിയ ആകർഷണ കേന്ദ്രമായ ഐൻ ദുബൈ ഇന്ന് മുതൽ അടച്ചു. റമദാന്​ ശേഷമായിരിക്കും ഇനി തുറക്കുക. ഐൻ ദുബൈയിലെ സംവിധാനങ്ങളും സൗകര്യങ്ങളും കൂടുതൽ മെച്ചപ്പെടുത്താൻ ലക്ഷ്യമിട്ടാണ് കേന്ദ്രം അടക്കുന്നതെന്ന് അധികൃതർ അറിയിച്ചു. പെരുന്നാൾ അവധിദിനങ്ങളിൽ തുറക്കുമെന്നാണ്​ അറിയിച്ചിരിക്കുന്നത്​.

ലോകത്തിലെ ഏറ്റവും വലിയ നിരീക്ഷണ വലയമാണ് ഐൻ ദുബൈ. കഴിഞ്ഞ വർഷം ഒക്​ടോബർ 21ന്​ തുറന്ന ഐൻ ദുബൈ ബ്ലൂ വാട്ടർ ഐലൻഡിലാണ്​ സ്ഥിതി​ ചെയ്യുന്നത്​. മിന്നൽ മുരളി അടക്കമുള്ള സിനിമകളുടെ ​ട്രെയിലർ ഇവിടെ പ്രദർശിപ്പിച്ചിരുന്നു. ദുബൈയുടെ എല്ലാ ഭാഗവും കാണാമെന്നതാണ്​ ഐൻ ദുബൈയുടെ പ്രത്യേകത.