ത​ട​സ്സ​മി​ല്ലാ​ത്ത സേ​വ​ന​ത്തി​ന്​ എ.​ഐ കേ​ന്ദ്രീ​കൃ​ത പ​ദ്ധ​തി

ദു​ബൈ: സ​ർ​ക്കാ​ർ സേ​വ​ന​ങ്ങ​ൾ ത​ട​സ്സ​മി​ല്ലാ​തെ ല​ഭ്യ​മാ​ക്കു​ന്ന​തി​നും പൊ​തു​വി​ഭ​വ​ങ്ങ​ളു​ടെ കൈ​കാ​ര്യം കൂ​ടു​ത​ൽ മെ​ച്ച​പ്പെ​ടു​ത്തു​ന്ന​തി​നു​മാ​യി എ.​ഐ (നി​ർ​മി​ത ബു​ദ്ധി) കേ​ന്ദ്രീ​കൃ​ത പ​ദ്ധ​തി പ്ര​ഖ്യാ​പി​ച്ച്​ യു.​എ.​ഇ വൈ​സ്​ പ്ര​സി​ഡ​ന്‍റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം.

ഫെ​ഡ​റ​ൽ ഗ​വ​ൺ​മെ​ന്‍റ്​ സ്​​ട്രാ​റ്റ​ജി​ക്​ പ്ലാ​ൻ 2031 എ​ന്ന്​ പേ​രി​ട്ടി​രി​ക്കു​ന്ന പ​ദ്ധ​തി കൂ​ടു​ത​ൽ മി​ക​ച്ച​തും വേ​ഗ​മേ​റി​യ​തും കാ​ര്യ​ക്ഷ​മ​വു​മാ​യ സ​ർ​ക്കാ​റി​നെ സൃ​ഷ്ടി​ക്കാ​ൻ സ​ഹാ​യി​ക്കു​മെ​ന്ന്​ ശൈ​ഖ്​ മു​ഹ​മ്മ​ദ്​ പ​റ​ഞ്ഞു. അ​തി​വേ​ഗം വി​ക​സി​ച്ചു​കൊ​ണ്ടി​രി​ക്കു​ന്ന വ്യ​വ​സാ​യ മാ​ന​ദ​ണ്ഡ​ങ്ങ​ളു​മാ​യി പൊ​രു​ത്ത​പ്പെ​ടു​ന്ന​തി​ന്​ യു.​എ.​ഇ വ്യ​ത്യ​സ്ത മേ​ഖ​ല​ക​ളി​ൽ ഏ​റ്റ​വും പു​തി​യ സാ​ങ്കേ​തി​ക​വി​ദ്യ സ്വീ​ക​രി​ച്ചു​വ​രു​ന്നു​ണ്ട്​. ന​ട​പ​ടി​ക്ര​മ​ങ്ങ​ളു​ടെ സ​ങ്കീ​ർ​ണ​ത പോ​ലു​ള്ള ഘ​ട​ക​ങ്ങ​ളി​ലൂ​ടെ​യാ​യി​രു​ന്നു മു​ൻ​കാ​ല വി​ജ​യ​ങ്ങ​ൾ അ​ള​ന്നി​രു​ന്ന​ത്.

ഇ​പ്പോ​ൾ അ​ത്​ കാ​ര്യ​ങ്ങ​ൾ എ​ളു​പ്പ​ത്തി​ലും​ വേ​ഗ​ത്തി​ലു​മാ​ക്കു​ക എ​ന്ന അ​ർ​ഥ​ത്തി​ലേ​ക്ക്​ എ​ത്തി​യി​രി​ക്കു​ന്നു​വെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ത​ട​സ്സ​മി​ല്ലാ​ത്ത സേ​വ​ന​ങ്ങ​ൾ ന​ൽ​കു​ന്ന​തി​ന്​ എ.​ഐ സ​ഹാ​യി​ക്കും. കൂ​ടാ​തെ ദൈ​ർ​ഘ്യ​മേ​റി​യ​തും നീ​ണ്ട​തു​മാ​യ ന​ട​പ​ടി​ക്ര​മ​ങ്ങ​ളു​ടെ ആ​വ​ശ്യം ഇ​ല്ലാ​താ​ക്കി വി​ശാ​ല​മാ​യ ഒ​രു വി​ഭാ​ഗം ഉ​പ​ഭോ​ക്താ​ക്ക​ളി​ലേ​ക്ക്​ ഏ​റ്റ​വും വേ​ഗ​ത്തി​ൽ എ​ത്തി​ച്ചേ​രാ​നു​ള്ള ഒ​രു ഉ​പ​ക​ര​ണ​മാ​യും ഇ​ത്​ പ്ര​വ​ർ​ത്തി​ക്കു​ന്നു.

നി​ർ​മി​ത​ബു​ദ്ധി സാ​​ങ്കേ​തി​ക വി​ദ്യ​ക​ൾ ഇ​തി​ന​കം ത​ന്നെ എ​മി​റേ​റ്റി​ലെ സ​ർ​ക്കാ​റി​ൽ ന​ന്നാ​യി സം​യോ​ജി​പ്പി​ക്കാ​നാ​യി​ട്ടു​ണ്ട്. നി​യ​മ മേ​ഖ​ല​ക്കാ​യി ഈ ​സാ​​ങ്കേ​തി​ക വി​ദ്യ ഉ​പ​യോ​ഗി​ച്ചു​വ​രു​ന്നു. പൗ​ര​ന്മാ​രി​ലും താ​മ​സ​ക്കാ​രി​ലും നി​യ​മ​ങ്ങ​ൾ ചെ​ലു​ത്തു​ന്ന സ്വാ​ധീ​നം അ​ള​ക്കു​ന്ന​തി​ന് വ​ലി​യ തോ​തി​ലു​ള്ള ഡേ​റ്റ നേ​ടു​ന്ന​തി​ന് എ.​ഐ ആ​ണ്​ ഉ​പ​യോ​ഗി​ക്കു​ന്ന​ത്. ഇ​ത് കൂ​ടു​ത​ൽ ഫ​ല​പ്ര​ദ​മാ​യ നി​യ​മ​നി​ർ​മാ​ണം ന​ട​ത്താ​ൻ സ​ഹാ​യി​ക്കു​മെ​ന്നും ശൈ​ഖ്​ മു​ഹ​മ്മ​ദ്​ പ​റ​ഞ്ഞു.

മ​ന്ത്രി​സ​ഭ​യി​ലും മ​ന്ത്രി​ത​ല വി​ക​സ​ന കൗ​ൺ​സി​ലി​ലും മ​റ്റ്​ എ​ല്ലാ ഡ​യ​റ​ക്ട​ർ ബോ​ർ​ഡു​ക​ളി​ലും ഫെ​ഡ​റ​ൽ സ്ഥാ​പ​ന​ങ്ങ​ളി​ലും സ​ർ​ക്കാ​ർ ക​മ്പ​നി​ക​ളി​ലും 2026ഓ​ടെ ഉ​പ​ദേ​ശ​ക അം​ഗ​മാ​യി നി​ർ​മി​ത​ബു​ദ്ധി​യെ നി​യോ​ഗി​ക്കു​മെ​ന്ന്​ ക​ഴി​ഞ്ഞ മാ​സം യു.​എ.​ഇ പ്ര​ഖ്യാ​പി​ച്ചി​രു​ന്നു. കൂ​ടാ​തെ പൊ​തു​വി​ദ്യാ​ല​യ​ങ്ങ​ളി​ൽ കി​ന്‍റ​ർ​ഗാ​ർ​ട്ട​ൻ മു​ത​ൽ എ.​ഐ പ​ഠി​പ്പി​ക്കു​ന്ന ലോ​ക​ത്തെ ആ​ദ്യ രാ​ജ്യം കൂ​ടി​യാ​ണ്​ യു.​എ.​ഇ.