മ​ന്ത്രി​സ​ഭ​യി​ലേ​ക്ക്​ ഉ​പ​ദേ​ശ​ക​നാ​യി നി​ർ​മി​ത​ബു​ദ്ധി​യും

ദു​ബൈ: യു.​എ.​ഇ സ​ർ​ക്കാ​ർ​ത​ല​ത്തി​ൽ സു​പ്ര​ധാ​ന മാ​റ്റ​ങ്ങ​ൾ പ്ര​ഖ്യാ​പി​ച്ച്​ യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം. ദേ​ശീ​യ നി​ർ​മി​ത ബു​ദ്ധി സം​വി​ധാ​ന​ത്തെ യു.​എ.​ഇ മ​ന്ത്രി​സ​ഭ​യു​ടെ ഉ​പ​ദേ​ശ​ക അം​ഗ​മാ​യി പ​രി​ഗ​ണി​ക്കു​ന്ന​ത​ട​ക്ക​മു​ള്ള മാ​റ്റ​ങ്ങ​ളാ​ണ്​ വെ​ള്ളി​യാ​ഴ്ച പ്ര​ഖ്യാ​പി​ച്ചി​രി​ക്കു​ന്ന​ത്. അ​ടു​ത്ത വ​ർ​ഷം ജ​നു​വ​രി മു​ത​ലാ​ണ്​ നി​ർ​മി​ത ബു​ദ്ധി സം​വി​ധാ​നം മ​ന്ത്രി​സ​ഭ​യി​ൽ ഇ​ടം​പി​ടി​ക്കു​ക. മ​ന്ത്രി​സ​ഭ​ക്കൊ​പ്പം മി​നി​സ്റ്റീ​രി​യ​ൽ ഡെ​വ​ല​പ്‌​മെ​ന്റ് കൗ​ൺ​സി​ൽ, ഫെ​ഡ​റ​ൽ സ്ഥാ​പ​ന​ങ്ങ​ളു​ടെ​യും സ​ർ​ക്കാ​ർ ക​മ്പ​നി​ക​ളു​ടെ​യും ഡ​യ​റ​ക്ട​ർ ബോ​ർ​ഡു​ക​ൾ എ​ന്നി​വ​യു​ടെ​യും ഉ​പ​ദേ​ശ​ക അം​ഗ​മാ​യി നാ​ഷ​ന​ൽ ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സ്​ സി​സ്റ്റം പ്ര​വ​ർ​ത്തി​ക്കു​മെ​ന്നും എ​ക്സ്​ അ​ക്കൗ​ണ്ടി​ലൂ​​ടെ അ​റി​യി​ച്ചു.

രാ​ജ്യ​ത്തെ വി​ദേ​ശ വ്യാ​പാ​രം നി​യ​ന്ത്രി​ക്കു​ന്ന​തി​ന്​ പ്ര​ത്യേ​ക മ​ന്ത്രാ​ല​യ​വും അ​ദ്ദേ​ഹം പ്ര​ഖ്യാ​പി​ച്ചി​ട്ടു​ണ്ട്. ഡോ. ​ഥാ​നി ബി​ൻ സ​യൂ​ദി​യാ​ണ്​ വി​ദേ​ശ വ്യാ​പാ​ര മ​ന്ത്രി​യാ​യി നി​യ​മി​ത​നാ​യി​ട്ടു​ള്ള​ത്. അ​തോ​ടൊ​പ്പം സാ​മ്പ​ത്തി​ക​കാ​ര്യ മ​ന്ത്രാ​ല​യം, ഇ​നി​മു​ത​ൽ സാ​മ്പ​ത്തി​ക, വി​നോ​ദ സ​ഞ്ചാ​ര മ​ന്ത്രാ​ല​യ​മാ​യി മാ​റും. അ​ബ്​​ദു​ല്ല ബി​ൻ തൂ​ഖ്​ അ​ൽ മ​ർ​രി​യാ​ണ്​ വ​കു​പ്പു​മ​ന്ത്രി.തീ​രു​മാ​ന​മെ​ടു​ക്കാ​ൻ​ സ​ഹാ​യി​ക്കു​ക, തീ​രു​മാ​ന​ങ്ങ​ൾ അ​തി​വേ​ഗ​ത്തി​ൽ വി​ശ​ക​ല​നം ന​ട​ത്തു​ക, സാ​ങ്കേ​തി​ക ഉ​പ​ദേ​ശം ന​ൽ​കു​ക, എ​ല്ലാ മേ​ഖ​ല​ക​ളി​ലും സ​ർ​ക്കാ​ർ ന​യ​ങ്ങ​ളു​ടെ കാ​ര്യ​ക്ഷ​മ​ത വ​ർ​ധി​പ്പി​ക്കു​ക എ​ന്നി​വ​യാ​ണ് നി​ർ​മി​ത​ബു​ദ്ധി ഉ​പ​യോ​ഗ​പ്പെ​ടു​ത്തു​ന്ന​തി​ലൂ​ടെ ല​ക്ഷ്യ​മി​ടു​ന്ന​ത്. ശാ​സ്ത്രീ​യ​മാ​യും സാ​മ്പ​ത്തി​ക​മാ​യും സാ​മൂ​ഹി​ക​മാ​യും ലോ​കം സ​മ​ഗ്ര​മാ​യ മാ​റ്റ​ങ്ങ​ളി​ലൂ​ടെ ക​ട​ന്നു​പോ​കു​ക​യാ​ണെ​ന്നും, വ​രും​ദ​ശ​ക​ങ്ങ​ളി​ലേ​ക്ക് ഇ​പ്പോ​ൾ​ത​ന്നെ ഒ​രു​ങ്ങു​ക​യും ഭാ​വി​ത​ല​മു​റ​ക​ൾ​ക്ക് തു​ട​ർ​ച്ച​യാ​യ അ​ഭി​വൃ​ദ്ധി​യും മാ​ന്യ​മാ​യ ജീ​വി​ത​വും ഉ​റ​പ്പാ​ക്കു​ക​യും ചെ​യ്യു​ക എ​ന്ന​താ​ണ് ന​മ്മു​ടെ ല​ക്ഷ്യ​മെ​ന്നും ശൈ​ഖ്​ മു​ഹ​മ്മ​ദ്​ പ​റ​ഞ്ഞു.

സ​മീ​പ വ​ർ​ഷ​ങ്ങ​ളി​ലാ​യി യു.​എ.​ഇ​യു​ടെ വി​വി​ധ ത​ല​ങ്ങ​ളി​ലെ ന​യ​ങ്ങ​ളി​ൽ നി​ർ​മി​ത​ബു​ദ്ധി സു​പ്ര​ധാ​ന സ്ഥാ​നം നേ​ടു​ന്നു​ണ്ട്. 2017 ഒ​ക്ടോ​ബ​റി​ൽ ലോ​ക​ത്ത്​ ആ​ദ്യ​മാ​യി നി​ർ​മി​ത​ബു​ദ്ധി സ​ഹ​മ​ന്ത്രി പ​ദ​വി​യി​ൽ രാ​ജ്യം നി​യ​മ​നം ന​ട​ത്തി​യി​രു​ന്നു. നി​ല​വി​ൽ എ.​ഐ, ഡി​ജി​റ്റ​ൽ സ​മ്പ​ദ്‌​വ്യ​വ​സ്ഥ, റി​മോ​ട്ട് വ​ർ​ക്ക് ആ​പ്ലി​ക്കേ​ഷ​ൻ​സ്​ എ​ന്നി​വ​യു​ടെ സ​ഹ​മ​ന്ത്രി പ​ദ​വി​യി​ൽ ഉ​മ​ർ അ​ൽ ഉ​ല​മ​യാ​ണ്​ പ്ര​വ​ർ​ത്തി​ക്കു​ന്ന​ത്. 2019ന്റെ ​തു​ട​ക്ക​ത്തി​ൽ യു.​എ.​ഇ നാ​ഷ​ന​ൽ ആ​ർ​ട്ടി​ഫി​ഷ്യ​ൽ ഇ​ന്റ​ലി​ജ​ൻ​സ് സ്ട്രാ​റ്റ​ജി 2031 എ​ന്ന പേ​രി​ൽ പ​ദ്ധ​തി ആ​രം​ഭി​ക്കു​ക​യും ചെ​യ്തു. ഇ​തു​വ​ഴി 2031ഓ​ടെ നി​ർ​മി​ത​ബു​ദ്ധി​യി​ലെ മു​ൻ​നി​ര രാ​ജ്യ​ങ്ങ​ളി​ലൊ​ന്നാ​യി മാ​റാ​നാ​ണ്​ രാ​ജ്യം ല​ക്ഷ്യ​മി​ടു​ന്ന​ത്. പി​ന്നീ​ട്​ മു​ഹ​മ്മ​ദ് ബി​ൻ സാ​യി​ദ് യൂ​നി​വേ​ഴ്സി​റ്റി ഓ​ഫ് ആ​ർ​ട്ടി​ഫി​ഷ്യ​ൽ ഇ​ന്റ​ലി​ജ​ൻ​സ് സ്ഥാ​പി​ക്കു​ക​യും ചെ​യ്തു. സ​ർ​ക്കാ​ർ, സ്വ​കാ​ര്യ​ത​ല​ങ്ങ​ളി​ലെ​ല്ലാം നി​ർ​മി​ത ബു​ദ്ധി​യു​ടെ സാ​ധ്യ​ത​ക​ൾ ഉ​പ​യോ​ഗി​ക്കു​ന്ന​തി​ൽ വ​ലി​യ മു​ന്നേ​റ്റ​മാ​ണ്​ രാ​ജ്യം നേ​ടി​ക്കൊ​ണ്ടി​രി​ക്കു​ന്ന​ത്.