മ​ഴ​ക്കു​പി​ന്നാ​ലെ രാ​ജ്യ​മെ​ങ്ങും മൂ​ട​ൽ​മ​ഞ്ഞ്​

ദു​ബൈ: ക​ന​ത്ത മ​ഴ​ക്കു​ പി​ന്നാ​ലെ ദു​ബൈ, അ​ബൂ​ദ​ബി, റാ​സ​ൽ​ഖൈ​മ, ഷാ​ർ​ജ അ​ട​ക്കം വി​വി​ധ എ​മി​റേ​റ്റു​ക​ളി​ൽ തി​ങ്ക​ളാ​ഴ്ച ദൃ​ശ്യ​മാ​യ​ത്​ ക​ന​ത്ത മൂ​ട​ൽ​മ​ഞ്ഞ്. തി​ങ്ക​ളാ​ഴ്ച പു​ല​ർ​ച്ച വി​വി​ധ പ്ര​ദേ​ശ​ങ്ങ​ളി​ൽ അ​ന്ത​രീ​ക്ഷം മൂ​ടി​ക്കെ​ട്ടി​യ​തോ​ടെ ഡ്രൈ​വ​ർ​മാ​രോ​ട്​ ജാ​ഗ്ര​ത പാ​ലി​ക്കാ​ൻ അ​ധി​കൃ​ത​ർ നി​ർ​ദേ​ശി​ച്ചു. മ​ണി​ക്കൂ​റു​ക​ൾ നീ​ണ്ടു​നി​ന്ന മൂ​ട​ൽ​മ​ഞ്ഞി​ൽ വാ​ഹ​ന ഗ​താ​ഗ​തം പ​ല​യി​ട​ങ്ങ​ളി​ലും ദു​ഷ്ക​ര​മാ​യി.

അ​ബൂ​ദ​ബി​യി​ലെ പ്ര​ധാ​ന പാ​ത​ക​ളി​ലെ​ല്ലാം പൊ​ലീ​സ്​ വേ​ഗ​പ​രി​ധി 80 കി.​മീ​റ്റ​റാ​ക്കി കു​റ​ച്ചു. റോ​ഡി​ൽ ക​ന​ത്ത ജാ​ഗ്ര​ത പാ​ലി​ക്ക​ണ​മെ​ന്ന്​ നി​ർ​ദേ​ശം പു​റ​പ്പെ​ടു​വി​ച്ചി​രു​ന്നു. രാ​വി​ലെ ആ​റു മ​ണി​യോ​ടെ ഡ്രൈ​വ​ർ​മാ​ർ​ക്ക്​ മൊ​ബൈ​ലി​ൽ താ​ൽ​ക്കാ​ലി​ക വേ​ഗ​പ​രി​ധി പാ​ലി​ക്ക​ണ​മെ​ന്ന സ​ന്ദേ​ശം ല​ഭി​ച്ചി​രു​ന്നു.

രാ​വി​ലെ 10 മ​ണി​വ​രെ​യാ​ണ്​ അ​പ​ക​ട​ക​ര​മാ​യ സാ​ഹ​ച​ര്യം ദേ​ശീ​യ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം പ്ര​വ​ചി​ച്ച​ത്. ഈ ​സ​മ​യ​മാ​കു​​മ്പോ​ഴേ​ക്കും അ​ന്ത​രീ​ക്ഷം തെ​ളി​യു​ക​യും ചെ​യ്തു. അ​തേ​സ​മ​യം, ചൊ​വ്വാ​ഴ്ച രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ വീ​ണ്ടും മ​ഴ ല​ഭി​ച്ചേ​ക്കു​മെ​ന്ന്​ അ​ധി​കൃ​ത​ർ മു​ന്ന​റി​യി​പ്പ്​ ന​ൽ​കി​യി​ട്ടു​ണ്ട്. എ​ന്നാ​ൽ, അ​പ​ക​ട​ക​ര​മാ​യ സാ​ഹ​ച​ര്യം നി​ല​വി​ലി​ല്ല. പ്ര​ധാ​ന​മാ​യും വ​ട​ക്ക​ൻ എ​മി​റേ​റ്റു​ക​ളി​ലാ​ണ്​ ചെ​റു​തും ഇ​ട​ത്ത​ര​വു​മാ​യ മ​ഴ ല​ഭി​ക്കു​ക.