അഫ്​ഗാനിസ്താൻ പ്രസിഡൻറ്​ അഷ്​റഫ്​ ഗനിക്ക്​ യു.എ.ഇ അഭയം നൽകി

ദുബൈ: താലിബാൻ അധികാരം പിടിച്ചതിനെ തുടർന്ന്​ രാജ്യംവിട്ട അഫ്​ഗാനിസ്​താൻ പ്രസിഡൻറ്​ അഷ്​റഫ്​ ഗനിക്ക്​ യു.എ.ഇ അഭയം നൽകി. മാനുഷികപരിഗണന നൽകിയാണ്​ ഗനിക്കും കുടുംബത്തിനും അഭയം നൽകിയതെന്ന്​ യു.എ.ഇ വാർത്താ ഏജൻസി റിപ്പോർട്ട്​ ചെയ്​തു.

ഞായറാഴ്​ച താലിബാൻ സേന തലസ്​ഥാനമായ കാബൂളിൽ പ്രവേശിച്ചതിനെ തുടർന്ന്​ ഗനി അയൽ രാജ്യമായ തജിക്കിസ്​താനിലേക്ക്​ രക്ഷപ്പെട്ടിരുന്നു. ഇവിടെ നിന്ന്​ ഇദ്ദേഹം കുടുംബത്തോടൊപ്പം ഒമാനിലെത്തിയതായി പിന്നീട്​ റിപ്പോർട്ട്​ പുറത്തുവന്നിരുന്നു.

ബുധനാഴ്​ച വൈകുന്നേരത്തോടെയാണ്​ യു.എ.ഇയിൽ എത്തിയതായി സ്​ഥിരീകരണം വന്നത്​. 2014 മുതൽ ആറുവർഷത്തിലേറെ അഫ്​ഗാൻ പ്രസിഡൻറായിരുന്നു ഗനി.