ഇന്ത്യയില്‍ ഇടതു പ്രസ്ഥാനത്തി​െൻറ പ്രസക്തി വര്‍ധിച്ചു –അഡ്വ. മുഹമ്മദ് റിയാസ്

റാസല്‍ഖൈമ: ഇന്ത്യയില്‍ ആരോഗ്യകരമായ സാമൂഹ്യ-രാഷ്ട്രീയ അന്തരീക്ഷം സൃഷ്​ടിക്കുന്നതിന് ഇടതുമുന്നേറ്റം അനിവാര്യമാണെന്ന് ഡി.വൈ.എഫ്.ഐ അഖിലേന്ത്യാ പ്രസിഡൻറ്​ അഡ്വ. മുഹമ്മദ് റിയാസ് പറഞ്ഞു. റാസല്‍ഖൈമയില്‍ ചേതനയുടെ ആഭിമുഖ്യത്തില്‍ നടന്ന ഈദ് -ഓണോല്‍സവത്തി​​​െൻറ സമാപന യോഗത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. ഏറെക്കാലം നാട് ഭരിച്ച കോണ്‍ഗ്രസി​​​െൻറ ഭരണനയം തന്നെയാണ് സംഘ്പരിവാര്‍ ശക്തിയും പിന്തുടരുന്നത്. വികലമായ സാമ്പത്തിക-വികസന നയങ്ങളില്‍ ഊന്നിയ ഭരണത്തിന് കീഴില്‍ ജനങ്ങള്‍ പൊറുതിമുട്ടുകയാണ്. 

ഇതിനെതിരെ പുതിയ സമരമുഖങ്ങള്‍ തുറക്കണം. ഇതിലൂടെ രാജ്യത്ത് വിഭാഗീയത സൃഷ്​ടിക്കുന്ന സംഘ്പരിവാറിനും മൃദുഹിന്ദുത്വ സമീപം സ്വീകരിക്കുന്ന കോണ്‍ഗ്രസിനും എതിരെ ഇടതുബദല്‍ ഉയര്‍ന്നുവരും. കോണ്‍ഗ്രസുകാരനായി ശുഭരാത്രി നേരുന്നയാള്‍ ബി.ജെ.പിക്കാരനായി സുപ്രഭാതം പറയുന്ന അവസ്ഥയില്‍ ഇടതു-കോണ്‍ഗ്രസ് ഐക്യം സാധ്യമല്ല. ഗെയില്‍ വിരുദ്ധ സമരത്തിന് പിന്നില്‍ മുസ്ലിം തീവ്രവാദികളാണെന്നും മുഹമ്മദ് റിയാസ് ആരോപിച്ചു. റാക് ഇന്ത്യന്‍ പബ്ളിക് ഹൈസ്​കൂളില്‍ നടന്ന ചടങ്ങ് കൈരളി കോ-ഓര്‍ഡിനേറ്റര്‍ മുഹമ്മദ് കുഞ്ഞി കൊടുവളപ്പ് ഉദ്ഘാടനം ചെയ്​തു. ചേതന പ്രസിഡന്‍റ് അക്ബര്‍ ആലിക്കര അധ്യക്ഷത വഹിച്ചു. പു.ക.സ സംസ്ഥാന വൈസ് പ്രസിഡന്‍റ് പി.വി.കെ. പനയാല്‍, യു.എ.ഇ കൈരളി കണ്‍വീനര്‍ കൊച്ചുകൃഷ്​ണന്‍, പ്രശാന്ത്, ബബിത നൂര്‍, ജിതിന്‍ ജൂഡ് എന്നിവര്‍ സംസാരിച്ചു. സുജേഷ് സ്വാഗതവും സന്തോഷ് നന്ദിയും പറഞ്ഞു. പൂക്കള മല്‍സരം, ചെണ്ടമേളം തുടങ്ങിയ വിവിധ കലാ-കായിക പരിപാടികളും നടന്നു.