വാഹന പരിശോധന കേന്ദ്രങ്ങളിൽ മുൻകൂർ ബുക്കിങ് സൗകര്യം

ദു​ബൈ: എ​മി​റേ​റ്റി​ലെ വാ​ഹ​ന പ​രി​ശോ​ധ​ന കേ​ന്ദ്ര​ങ്ങ​ളി​ൽ മു​ൻ​കൂ​റാ​യി ബു​ക്ക്​ ചെ​യ്യാ​നു​ള്ള​ സൗ​ക​ര്യം ഒ​രു​ക്കി ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ). ഖി​സൈ​സ്, അ​ൽ​ബ​ർ​ഷ എ​ന്നി​വി​ട​ങ്ങ​ളി​ലെ ത​സ്​​ജീ​ൽ സെ​ന്‍റ​റു​ക​ളി​ലാ​ണ്​ മു​ൻ​കൂ​ർ ബു​ക്കി​ങ്​ സം​വി​ധാ​ന​മു​ള്ള​ത്.

അ​തോ​റി​റ്റി​യു​ടെ സ്മാ​ര്‍ട്ട് ആ​പ്, വെ​ബ്സൈ​റ്റ് വ​ഴി സേ​വ​ന​ങ്ങ​ള്‍ക്കാ​യി ബു​ക്ക് ചെ​യ്യാം. തി​ര​ക്കേ​റി​യ സ​മ​യ​ങ്ങ​ളി​ൽ വാ​ഹ​ന ടെ​സ്റ്റി​ങ്​ കേ​ന്ദ്ര​ങ്ങ​ൾ​ക്ക്​ മു​മ്പി​ൽ നീ​ണ്ട​നേ​രം വ​രി​നി​ൽ​ക്കു​ന്ന​ത്​ ഒ​ഴി​വാ​ക്കാ​ൻ പു​തി​യ സം​വി​ധാ​നം സ​ഹാ​യ​ക​മാ​വും. മു​ൻ​കൂ​റാ​യി ബു​ക്ക്​ ​ചെ​യ്യാ​തെ ടെ​സ്റ്റി​ങ്​ കേ​ന്ദ്ര​ങ്ങ​ളി​ൽ എ​ത്തു​ന്ന​വ​രി​ൽ​നി​ന്ന്​ 100 ദി​ർ​ഹം ഈ​ടാ​ക്കും. റി​ന്യൂ​വ​ല്‍, ര​ജി​സ്ട്രേ​ഷ​ന്‍, ന​മ്പ​ര്‍ പ്ലേ​റ്റ് പ​രി​ശോ​ധ​ന​ക​ള്‍ക്ക് മു​ന്‍കൂ​ര്‍ ബു​ക്കി​ങ് ബാ​ധ​ക​മാ​ണ്.

വാ​ഹ​ന പ​രി​ശോ​ധ​ന സേ​വ​ന​ങ്ങ​ളു​ടെ ഗു​ണ​നി​ല​വാ​രം വ​ര്‍ധി​പ്പി​ക്കാ​നാ​ണ് പു​തി​യ സം​രം​ഭം രൂ​പ​ക​ൽ​പ​ന ചെ​യ്ത​ത്. നി​ശ്ച​യ​ദാ​ര്‍ഢ്യ​മു​ള്ള​വ​ര്‍, മു​തി​ര്‍ന്ന പൗ​ര​ന്മാ​ര്‍ എ​ന്നി​വ​ര്‍ക്ക് മു​ന്‍കൂ​ര്‍ ബു​ക്കി​ങ് ന​ട​ത്തേ​ണ്ട​തി​ല്ലെ​ന്നും അ​ധി​കൃ​ത​ര്‍ വ്യ​ക്ത​മാ​ക്കി. പ​രീ​ക്ഷ​ണാ​ടി​സ്ഥാ​ന​ത്തി​ൽ ര​ണ്ട്​ കേ​ന്ദ്ര​ങ്ങ​ളി​ൽ ന​ട​പ്പാ​ക്കു​ന്ന പ​ദ്ധ​തി വി​ജ​യ​ക​ര​മാ​യാ​ൽ മ​റ്റ്​ കേ​ന്ദ്ര​ങ്ങ​ളി​ലേ​ക്ക്​ വ്യാ​പി​പ്പി​ക്കും. അ​തോ​ടൊ​പ്പം കൂ​ടു​ത​ൽ കാ​ര്യ​ക്ഷ​മ​മാ​യ സ്മാ​ർ​ട്ട്​ സം​വി​ധാ​ന​ങ്ങ​ളും ന​ട​പ്പാ​ക്കാ​നാ​ണ്​ ആ​ർ.​ടി.​എ തീ​രു​മാ​നം.