അഡ്​നോക്​ ഇന്ധന സ്​റ്റേഷനുകളിൽ സെൽഫ്​ സർവീസ്​ ആരംഭിച്ചു

അബൂദബി: വാഹനങ്ങളിൽ ഇന്ധനം നിറച്ചുകിട്ടുന്നതിന്​ ഫീസ്​ കൊടുക്കുക അല്ലെങ്കിൽ സ്വയം നിറക്കുക എന്ന പുതിയ സംവിധാനം അഡ്​നോക്​ സ്​റ്റേഷനുകളിൽ ആരംഭിച്ചു. വ്യാഴാഴ്​ചയാണ്​ തെരഞ്ഞെടുക്കപ്പെട്ട സ്​റ്റേഷനുകളിൽ പ്രീമിയം സർവീസ്​, സെൽഫ്​ സർവീസ്​ എന്നീ സേവനങ്ങൾ ഉൾക്കൊള്ളുന്ന ‘അഡ്​നോക്​ ഫ്ലക്​സ്​’ സംവിധാനം പരീക്ഷണാടിസ്​ഥാനത്തിൽ ആരംഭിച്ചത്​. പ​രീക്ഷണ ഘട്ടത്തിൽ പ്രീമിയം സേവനവും സൗജന്യമായാണ്​ ലഭ്യമാക്കുന്നത്​. പിന്നീട്​ പ്രീമിയം സേവനത്തിന്​ ഫീസ്​ നൽകേണ്ടി വരും. വയോധികർക്കും നിശ്ചയദാർഢ്യ വ്യക്​തികൾക്കും പരീക്ഷണ ഘട്ടം കഴിഞ്ഞാലും പ്രീമിയം സേവനം സൗജന്യമായി നൽകും. 

പുതിയ സംവിധാനം നടപ്പാക്കിയ സ്​റ്റേഷനുകളിൽ പ്രീമിയം സർവീസിനും സെൽഫ്​ സർവീസിനുമായി ​െവ​വ്വേറെ ഇടങ്ങൾ നിശ്ചയിച്ചിട്ടുണ്ട്​. സ്വയം ഇന്ധനം നിറക്കലാണോ പ്രീമിയം സേവന​മാണോ ഒാരോരുത്തർക്കും യോജിച്ചതെന്ന്​ മനസ്സിലാക്കാൻ ഉപഭോക്​താക്കളെ ക്ഷണിക്കുന്നതായി അഡ്​നോക്​ പുറത്തിറക്കിയ പ്രസ്​താവനയിൽ പറഞ്ഞു.

ഏപ്രിൽ മൂന്നിനാണ്​ ‘അഡ്​നോക്​ ഫ്ലക്​സ്​’ സംവിധാനം പ്രഖ്യാപിച്ചത്​. ഏപ്രിൽ മധ്യത്തോടെ അബൂദബിയിലെ സ്​റ്റേഷനുകളിൽ സംവിധാനം നടപ്പാക്കുമെന്നാണ്​ അറിയിച്ചിരുന്നത്​. ഇൗ വർഷം അവസാനിക്കുന്നതിന്​ മുമ്പ്​ രാജ്യത്തെ എല്ലാ അഡ്​നോക്​ സ്​റ്റേഷനുകളിലും സംവിധാനം തുടങ്ങുമെന്നും അധികൃതർ വ്യക്​തമാക്കിയിരുന്നു. ഇന്ധനവും പാചകവാതക സിലിണ്ടറുകളും താമസസ്​ഥലത്ത്​ എത്തിച്ചു നൽകുന്ന ‘മൈ സ്​റ്റേഷൻ’ സേവനവും ഇതോടൊന്നിച്ച്​ പ്രഖ്യാപിച്ചിരുന്നു. 

‘അഡ്​നോക്​ ഫ്ലക്​സ്​’ സംവിധാനം നടപ്പാക്കുന്നതി​​​െൻറ ഭാഗമായി സ്വകാര്യ വാഹനങ്ങൾക്ക്​ ലക്ഷം സ്​മാർട്ട്​ ടാഗുകൾ കൂടി വിതരണം ചെയ്യുമെന്ന്​ അഡ്​നോക്​ ഡിസ്​ട്രിബ്യൂഷൻ അറിയിച്ചു. ഒാൺലൈൻ വഴി ടോപ്​ അപ്​ ചെയ്യുന്ന സ്​മാർട്ട്​ ടാഗുകൾ ഉപയോഗിച്ച്​ ഇന്ധനം നിറക്കാൻ കഴിയും. www.adnocdistribution.ae/smart വെബ്​റ്റസൈറ്റിൽ രജിസ്​റ്റർ ചെയ്​താണ്​ സ്​മാർട്ട്​ ടാഗ്​ സ്വന്തമാക്കാനാവുക. 50 ദിർഹം മുതൽ ഇൗ ടാഗിൽ ടോപ്​ അപ്​ ചെയ്യാം.