അഡ്​നോക്​ ക്രൂഡോയിൽ മംഗളൂരു സംഭരണകേന്ദ്രത്തിൽ എത്തിച്ചു

അബൂദബി: അബൂദബി നാഷനൽ ഒായിൽ കമ്പനിയിൽ (അഡ്​നോക്​) നിന്ന്​ കൊണ്ടുപോയ ക്രൂഡോയിൽ മംഗളൂരുവിലെത്തിച്ച്​ സംഭരണകേന്ദ്രത്തിലേക്ക്​ മാറ്റി. അഡ്​നോക്കും ഇന്ത്യൻ സർക്കാർ കമ്പനിയായ ഇന്ത്യൻ സ്​ട്രാറ്റജിക്​ പെട്രോളിയം റിസർവസ്​ ലിമിറ്റഡും (െഎ.എസ്​.പി.ആർ.എൽ) തമ്മിലുള്ള കരാർ പ്രകാരം ആദ്യ ചരക്ക്​ കൊണ്ടുപോയ കപ്പൽ ആറ്​ ദിവസത്തെ യാത്രക്ക്​ ശേഷമാണ്​ മംഗളൂരുവിലെത്തിയത്​. കപ്പലിന്​ അഡ്​നോക്​, െഎ.എസ്​.പി.ആർ.എൽ അധികൃതർ ചേർന്ന്​ സ്വീകരണം നൽകി.

തന്ത്രപ്രധാനമായ ഇൗ പദ്ധതി നടപ്പാക്കാൻ അഡ്​നോകും െഎ.എസ്​.പി.ആർ.എല്ലും അക്ഷീണം പ്രവർത്തിച്ചതായി അഡ്​നോക്​ മാർക്കറ്റിങ്​^സെയിൽസ്​-ട്രേഡിങ്​ ഡയറക്​ടർ അബ്​ദുല്ല സാലിം ആൽ ദാഹിരി പറഞ്ഞു. അഡ്​നോകുമായുള്ള കരാർ ഇരു രാജ്യങ്ങൾക്കുമിടയിലെ സമ്പന്നമായ ചരിത്രത്തിൽ അധിഷ്​ഠിതമായതും പുതിയ നിരവധി അവസരങ്ങൾ തുറക്കുന്നതുമാണെന്ന്​ െഎ.എസ്​.പി.ആർ.എൽ സി.ഇ.ഒയും മാനേജിങ്​ ഡയറക്​ടറുമായ എച്ച്​.പി.എസ്​ അഹൂജ അഭിപ്രായപ്പെട്ടു. 

മേയ്​ 12നാണ്​ 20 ലക്ഷം ബാരൽ ഇന്ധനം നിറച്ച കപ്പൽ അബൂദബിയിൽനിന്ന്​ മംഗളൂരുവിലേക്ക്​ പുറപ്പെട്ടത്​. അഡ്​നോക്കും െഎ.എസ്​.പി.ആർ.എല്ലും തമ്മിലുള്ള കരാറി​​​െൻറ ഭാഗമായുള്ള ആദ്യ ചരക്കാണ്​ ഇത്​. മൊത്തം 58.6 ലക്ഷം ബാരലാണ്​ മംഗളൂരു സംഭരണകേന്ദ്രത്തി​​​െൻറ ശേഷി. ഇന്ത്യൻ കമ്പനികളായ ഒായിൽ ആൻഡ്​ നാച്വറൽ ഗ്യാസ്​ കോർപറേഷൻ (ഒ.എൻ.ജി.സി) വിദേശ്​, ഇന്ത്യൻ ഒായിൽ കമ്പനി, ഭാരത്​ പെട്രോ റിസോഴ്​സസ്​ ലിമിറ്റഡ്​ എന്നിവയുടെ കൺസോർഷ്യത്തിന്​ അബൂദബിയുടെ ലോവർ സകും എണ്ണപര്യവേക്ഷണ പദ്ധതിയിൽ പത്ത്​ ശതമാനം ഒാഹരി അനുവദിച്ചതായി അഡ്​നോക്​ പ്രഖ്യാപിച്ചതിന്​ പിന്നാലെയാണ്​ എണ്ണ സംഭരണ കരാർ നടപ്പാക്കാൻ നടപടി തുടങ്ങിയത്​. 2040 വരെയുള്ള കാലയളവിൽ ഇന്ത്യയുടെ ഉൗർജ ആവശ്യം മറ്റേതൊരു രാജ്യത്തേക്കാളും കൂടുമെന്ന്​ അന്താരാഷ്​ട്ര ഉൗർജ ഏജൻസി (​െഎ.ഇ.എ) പ്രവചിച്ചിട്ടുണ്ട്​. ഇന്ത്യയുടെ ഉൗർജ ആവശ്യത്തി​​​െൻറ 82 ശതമാനവും ഇറക്കുമതി ചെയ്യുകയാണ്​. ഇതിൽ എട്ട്​ ശതമാനമാണ്​ യു.എ.ഇയിൽനിന്ന്​ ഇറക്കുമതി ചെയ്യുന്നത്​.