മിറാക്ക്​ൾ ഗാർഡനിൽ പ്രവേശനം പുനരാരംഭിച്ചു

ദുബൈ: താൽകാലികമായി അടച്ച മിറാക്ക്​ൾ ഗാർഡനിൽ കുടുംബങ്ങളുടെ സൗജന്യ പ്രവേശനം പുനരാരംഭിച്ചു. ഗാർഡനിലേക്കുള്ള പ്രവേശനം സൗജന്യമാക്കിയതോടെ സന്ദർശകരുടെ വൻ തിരക്ക്​​ അനുഭവപ്പെട്ടിരുന്നു​. തുടർന്ന്​ പെരുന്നാൾ അവധി ദിനങ്ങൾ കൂടി വന്നതോടെ സന്ദർശക തിരക്ക്​ വീണ്ടും കൂടി.

ഇതോടെയാണ്​ സന്ദർശകരുടെ സുരക്ഷ പരിഗണിച്ച്​ ഗാർഡൻ താൽകാലിമായി അടക്കാൻ തീരുമാനിച്ചിരുന്നത്​. യു.എ.ഇ താമസക്കാരായ കുടുംബങ്ങൾക്ക് എമിറേറ്റ്​സ്​ ഐ.ഡി കാണിച്ചുകൊണ്ട്​ ഗാർഡനിൽ മാർച്ച്​ 31 വരെ സൗജന്യമായി പ്രവേശിക്കാമെന്ന്​ അധികൃതർ അറിയിച്ചു. എല്ലാ ദിവസവും സൗജന്യ പ്രവേശനം വൈകുന്നേരം ആറ്​ മണി​ വരെയായിരിക്കും. സൗജന്യ പ്രവേശന ഓഫർ ലഭിക്കേണ്ടവർ ഗേറ്റ്​ മൂന്ന്​ വഴി പ്രവേശിക്കണം.