പെരുന്നാൾ ആഘോഷത്തിനിടെ ഷാർജയിൽ അപകടങ്ങൾ കുറഞ്ഞു

ഷാർജ: പെരുന്നാൾ തിരക്ക് കണക്കിലെടുത്ത് പൊലീസ് ഏർപ്പെടുത്തിയ സുരക്ഷ പരിശോധനയും ഗതാഗത പരിഷ്​കാരങ്ങളും വിജയിച്ചപ്പോൾ പെരുന്നാൾ ആഘോഷത്തിനിടെ ഷാർജയിൽ അപകടങ്ങൾ കുറഞ്ഞു. പെരുന്നാൾ ആഘോഷത്തിനിടെ അപകട മരണങ്ങളൊന്നും ഉണ്ടായിട്ടില്ലെന്ന്​ ഷാർജ പൊലീസ്​ ഓപറേഷൻസ് വകുപ്പ് ഡയറക്​ടർ കേണൽ ജാസിം ബിൻ ഹദ്ദ അൽ സുവൈദി പറഞ്ഞു.

ഗതാഗതക്കുരുക്ക് ഒഴിവാക്കാനും അമിത വേഗത നിയന്ത്രിക്കാനും സാധിച്ചതാണ് അപകടങ്ങൾ ഇല്ലാതാക്കിയതെന്ന് ട്രാഫിക് ആൻഡ് പട്രോളിങ്​ വകുപ്പ് ഡയറക്​ടർ ലെഫ്​. കേണൽ മുഹമ്മദ് അല്ലൈ അൽ നഖ്ബി പറഞ്ഞു.