ടയർ പൊട്ടി വാഹനാപകടം:  കഴിഞ്ഞ വർഷം മരിച്ചത്​ 14 പേർ

അബൂദബി: തകരാറുള്ള ടയറുകൾ കാരണമായി ഉണ്ടായ വാഹനാപകടങ്ങളിൽ കഴിഞ്ഞ വർഷം അബൂദബി എമിറേറ്റിൽ 14 പേർ മരിക്കുകയും ഏഴുപേർക്ക്​ ഗുരുതരമായി പരിക്കേൽക്കുകയും ചെയ്​തതായി അധികൃതർ അറിയിച്ചു. ചൂട്​ വർധിച്ച്​ വരുന്നതിനാൽ ഡ്രൈവർമാർ വാഹനങ്ങളുടെ ടയറുകൾ പരിശോധിച്ച്​ സുരക്ഷ ഉറപ്പാക്കണമെന്നും അബൂദബി പൊലീസും റോഡ്​ സുരക്ഷാ വിദഗ്​ധരും മുന്നറിയിപ്പ്​ നൽകി. 
കാലാവധി കഴിഞ്ഞതും തകരാറുള്ളതുമായ ടയറുകൾ ഉപയോഗിക്കുന്നത്​ ഗതാഗത നിയമലംഘനമാണെന്നും അത്തരക്കാരുടെ വാഹനം ഒരാഴ്​ചത്തേക്ക്​ പിടിച്ചെടുക്കുകയും 200 ദിർഹം പിഴ ഇൗടാക്കുകയും ചെയ്യുമെന്ന്​ അബൂദബി പൊലീസ്​ ഗതാഗത-പട്രോൾ ഡയറക്​ടറേറ്റ്​ ഡയറക്​ടർ ബ്രിഗേഡിയർ ഖലീഫ ആൽ ഖലീലി മുന്നറിയിപ്പ്​ നൽകി. അപകടങ്ങൾ ഒഴിവാക്കുക എന്ന ലക്ഷ്യത്തോടെ പൊലീസ്​ പരിശോധന വർധിപ്പിക്കുകയും വാഹന ഉടമകളെ ബോധവത്​കരിക്കാനുള്ള ​നടപടികൾ എടുത്തുവരികയും ചെയ്യുന്നുണ്ട്​. ടയർ പരിശോധിക്കാൻ പലപ്പോഴും മിക്ക ആളുകളും മറന്നുപോകുന്നതായി വിദഗ്​ധർ ചൂണ്ടിക്കാട്ടുന്നു. തകരാറുള്ള ടയറുകൾ കാരണം എത്ര പരിചിതരായ ഡ്രൈവർമാർക്കും അപകടം സംഭവിക്കും. ഇത്തരം അപകടങ്ങൾ മറ്റു വാഹനങ്ങൾക്കും വലിയ ഭീഷണിയാണ്​. ടയർ പൊട്ടു​േമ്പാഴുണ്ടാകുന്ന നടുക്കം കാരണം സ്​റ്റിയറിങ്​ വീൽ നിയന്ത്രിക്കാൻ ​ൈഡ്രവർമാർക്ക്​ സാധിക്കാതാവും. മുൻഭാഗത്തെ ടയർ പൊട്ടു​േമ്പാഴാണ്​ ഇൗ ആഘാതം കൂടുതലുണ്ടാവുക.  യു.എ.ഇയിൽ വാഹനാപകട മരണങ്ങളിൽ അഞ്ച്​ ശതമാനം ടയർ പൊട്ടൽ കാരണമാണെന്നും വിദഗ്​ധർ പറയുന്നു.

‘ചക്രശ്വാസം’ നിലക്കാതിരിക്കാൻ
നിലവാരമുള്ളതും സർട്ടിഫൈഡ്​ ആയതുമായ ടയർ ബ്രാൻഡുകൾ മാത്രം ഉപയോഗിക്കുക. 
കാറി​​െൻറ മാന്വലിൽ പറയുന്ന പ്രകാരമുള്ള വലിപ്പവും ഗുണവിശേഷങ്ങളുമുള്ള ടയറുകളാണ്​ ഘടിപ്പിച്ചിരിക്കുന്നത്​ എന്ന്​ ഉറപ്പാക്കുക.
യു.എ.ഇ നിയമപ്രകാരം കാർ ടയറി​​െൻറ നിർമാണ തീയതി മുതൽ രണ്ട്​ വർഷത്തിനകം ടയർ വിറ്റിരിക്കണമെന്നും അഞ്ച്​ വർഷത്തിനകം മാറ്റണമെന്നുമുണ്ട്​. അതിനാൽ ടയർ വാങ്ങു​േമ്പാൾ കാലാവധി നോക്കി വാങ്ങുക. ടയറി​​െൻറ വശങ്ങളിലാണ്​ നിർമാണ തീയതി രേഖപ്പെടുത്തിയിരിക്കുന്നത്​. 0417 എന്ന്​ രേഖപ്പെടുത്തിയിരിക്കുന്നുവെങ്കിൽ 2017 വർഷത്തിൽ നാലാമത്​ ആഴ്​ചയാണ്​ ടയർ നിർമിച്ചിരിക്കുന്നത്​ എന്നാണ്​ അർഥം.
ടയർ ഘടിപ്പിക്കാൻ വിദഗ്​ധ മെക്കാനിക്കിനെ നിയോഗിക്കുക
കാർ നിർമാതാക്കൾ ശിപാർശ ചെയ്യുന്ന അളവിൽ മാത്രം ടയറിൽ കാറ്റ്​ നിറക്കുക. 
മാസത്തിൽ ഒരു തവണയെങ്കിലും ടയറിലെ സമ്മർദം പരിശോധിക്കുക
ടയറുകളി​ൽ വിള്ളലോ പോറലുകളോ മറ്റു തകരാറുകളോ ഇല്ലെന്ന്​ പതിവായി ഉറപ്പാക്കുക.
 കാർ നിർമാതാക്കൾ നിർദേശിക്കുന്ന കാലാവധിയിൽ ടയറുകൾ മാറ്റുക.