ആറ്​ വാഹനങ്ങൾ കൂട്ടിയിടിച്ചു; ഒരാൾ മരിച്ചു

അബൂദബി: ആറ്​ വാഹനങ്ങൾ കൂട്ടിയിടിച്ചുണ്ടായ അപകടത്തിൽ ഒരാൾ മരിച്ചു. അഞ്ചുപേർക്ക്​ പരിക്കേറ്റു. അബൂദബി മുസഫ പാലത്തിന്​ സമീപം ശനിയാഴ്​ച രാത്രിയാണ്​ ഒരു വാഹനത്തിന്​ പിറകെ മറ്റൊന്നായി കൂട്ടിയിടി​ച്ചതെന്ന്​ അബൂദബി പൊലീസ്​ അറിയിച്ചു. പരിക്കേറ്റവരെ ആശുപത്രിയിൽ പ്രവേശിപ്പിച്ചു.
അശ്രദ്ധ, അമിത വേഗത, വാഹനങ്ങൾക്കിടയിൽ ആവശ്യമായ അകലം പാലിക്കാതിരിക്കൽ എന്നിവയാണ്​ അപകടത്തിന്​ ഇടയാക്കിയതെന്ന്​ പ്രാഥമിക അന്വേഷണത്തിൽ വ്യക്​തമായതായി ട്രാഫിക്​-പട്രോൾസ്​ ഡയറക്​ടറേറ്റിലെ അപകട അ​േന്വഷണ വകുപ്പ്​ മേധാവി കേണൽ മുസല്ലം ആൽ ജുനൈബി പറഞ്ഞു. നിശ്ചിത വേഗപരിധിയിൽ വാഹനമോടിക്കുന്നത്​ ഉൾപ്പെടെയുള്ള നിയമങ്ങൾ പാലിക്കാൻ അദ്ദേഹം ഡ്രൈവർമാരോട്​ ആവശ്യപ്പെട്ടു.