പരിക്കേറ്റവരെ  രക്ഷിക്കാൻ ദൈദ് റോഡിൽ ഹെലികോപ്റ്റർ ഇറങ്ങി 

ഷാർജ: ഷാർജ– ദൈദ് റോഡിൽ ബസ്​ മലക്കം മറിഞ്ഞതിനെ തുടർന്ന് ഗുരുതര പരിക്കേറ്റവരെ രക്ഷിക്കാൻ ആഭ്യന്തര മന്ത്രാലയത്തി​െൻറ  എയർ ആംബുലൻസെത്തി. എട്ട് ഏഷ്യൻ തൊഴിലാളികൾക്കാണ് അപകടത്തിൽ പരിക്കേറ്റത്. വ്യാഴാഴ്ച പകലായിരുന്നു അപകടം. പരിക്കി​െൻറ ഗൗരവം കണക്കിലെടുത്ത്, തിരക്ക് പിടിച്ച ദൈദ് റോഡിലൂടെ പോകുന്ന വാഹനങ്ങൾ വഴി തിരിച്ച് വിട്ട് ഹെലികോപ്റ്ററെത്തുകയായിരുന്നു. തിരക്ക് പിടിച്ച റോഡിലൂടെ സാധാരണ ആംബുലൻസിൽ കൊണ്ട് പോയാൽ പരിക്കേറ്റവരുടെ നില വഷളാകുമെന്നത് കണക്കിലെടുത്താണ് ഹെലികോപ്റ്റർ ഉപയോഗിച്ചത്. 
ആശുപത്രിയിൽ പ്രവേശിപ്പിച്ച ഇവരെ കുറിച്ചുള്ള കൂടുതൽ വിശദാംശങ്ങൾ ലഭ്യമായിട്ടില്ല.