ദുബൈ ഒാ​േട്ടാഡ്രോമിൽ അപകടം; ഇറ്റാലിയൻ റേസ്​ ഡ്രൈവർ മരിച്ചു

ദുബൈ: യു.എ.ഇ. സ്​പോർട്​സ്​ ചാമ്പ്യൻഷിപ്പിനിടെയുണ്ടായ അപകടത്തിൽ ഇറ്റാലിയൻ ഡ്രൈവർ മരിച്ചു. ശനിയാഴ്​ച ദുബൈ ഒാ​േട്ടാഡ്രോമിൽ നടന്ന മൽസരത്തിനിടെ ബൈക്കി​​െൻറ ബ്രേക്കിനുണ്ടായ തകരാറിനെ തുടർന്നായിരുന്നു അപകടം. ദുബൈയിൽ നാല്​ വർഷമായി ധനകാര്യ മേഖലയിൽ പ്രവർത്തിക്കുന്ന ഫെഡറിക്കോ ഫ്രാറ്റെലിയാണ് (49)​ മരിച്ചത്​. യു.എ.ഇയിൽ ത​​​െൻറ ആദ്യത്തെ മൽസരത്തിൽ പ​െങ്കടുക്കവെയാണ്​ ദുരന്തം അദ്ദേഹത്തി​​െൻറ ജീവനെടുത്ത്​. ആദ്യ മൽസരത്തിൽ മൂന്നാം സ്​ഥാനത്തെത്താൻ ഫ്രാറ്റെലിക്ക്​ കഴിഞ്ഞിരുന്നു. മൂന്ന്​ വട്ടം ചാമ്പ്യനായ മഹ്​മൂദ്​ തന്നീർ ആയിരുന്നു ജേതാവ്​.

രണ്ടാം മൽസരത്തിൽ പ​െങ്കടുക്കവെയാണ്​ ബൈക്ക്​ തകരാറായതും നിയന്ത്രണം വിട്ട്​ മറിയുന്നതും. അപകടത്തെത്തുടർന്ന്​ മൽസരം നിർത്തിവെച്ചു. ഫ്രാറ്റെലിയെ ഉടൻ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല. സംഭവത്തെക്കുറിച്ച്​ ബർഷ പൊലീസ്​ അ​േന്വഷണം ആരംഭിച്ചു. മൽസരം തുടങ്ങും മുമ്പ്​ സംസാരിക്കാനെത്തിയ മാധ്യമപ്രവർത്തകരോട്​ ഇത്​ യു.എ.ഇയിലെ ത​​െൻറ ആദ്യ മൽസരം ആണെന്നും അത്​ പരമാവധി ആസ്വദിക്കുമെന്നും പറഞ്ഞ ശേഷമാണ്​ ഫ്രാറ്റെലി റേസ്​ ട്രാക്കിലേക്ക്​ പോയത്​.