പാചകവാതകം ചോർന്ന്​  ഷാർജയിൽ കെട്ടിടം തകർന്നു

ഷാർജ: പാചക വാതക സിലണ്ടർ പൊട്ടിത്തെറിച്ച്​ വ്യവസായ മേഖലയിൽ കെട്ടിടം തകർന്നു. അഞ്ച്​ വാഹനങ്ങളും നശിച്ചു. സ്​ഫോടനത്തി​​െൻറ ആഘാതത്തിൽ വീട്ടിൽ നിന്ന്​ പുറത്തേക്ക്​ തെറിച്ചുവീണ്​ പരിക്കേറ്റയാളെ ആശുപത്രിയിൽ പ്രവേശിപ്പിച്ചു. വെള്ളിയാഴ്​ച രാവിലെ വ്യവസായ മേഖല 10ൽ ആണ്​ സംഭവം. രാവിലെ 7.10നാണ്​ അപകടം സംബന്ധിച്ച്​ ഷാർജ പൊലീസ്​ സെൻട്രൽ ഒാപ്പറേഷൻ റൂമിൽ വിവരമെത്തുന്നത്​. ഉടനടി സിവിൽ ഡിഫൻസ്​ സംഘവും പാരമെഡിക്കുകളും അടങ്ങുന്ന സംഘം സ്​ഥലത്തെത്തി. വീട്ടിൽ നിന്ന്​ പുറത്തേക്ക്​ തെറിച്ചു വീണ ഏഷ്യൻ വംശജനെ കുവൈത്ത്​ ആശുപത്രിയിൽ പ്രവേശിപ്പിച്ചു. 
കെട്ടിടത്തിലെ മറ്റു വീടുകളിൽ നിന്നായി 77 താമസക്കാരെയും ഒഴിപ്പിച്ചു. ഇവർക്ക്​ വീടി​​െൻറ കേടുപാടുകൾ തീർക്കും വരെ പൊലീസും റെഡ്​ക്രസൻറും ചേർന്ന്​ താമസ സൗകര്യമൊരുക്കും.

 പാചക വാതകം ചോർന്നതാണ്​ പൊട്ടിത്തെറിക്ക്​ ഇടയാക്കിയതെന്ന്​ ഷാർജ ​െപാലീസ്​ ഫോറൻസിക്​ ലാബിലെ വിദഗ്​ധൻ കേണൽ ആദിൽ അൽ മസീമി പറഞ്ഞു. സുരക്ഷാ ക്രമീകരണങ്ങൾ പാലിക്കാത്തത്​ ഇത്തരം ദുരന്തങ്ങൾ വരുത്തിവെക്കുമെന്ന്​ അ​േദ്ദഹം പറഞ്ഞു. സിലണ്ടറുകൾ സൂര്യപ്രകാശം തട്ടുന്നിടത്തോ ചൂടുള്ളിടത്തോ അടുപ്പിന്​ തൊട്ടുത്തോ സൂക്ഷിക്കരുത്​. വായു കടന്നു പോകാൻ സൗകര്യമുള്ള മുറികളിൽ കുത്തനെ വേണം സിലണ്ടറുകൾ വെക്കാനെന്നും അൽ മസീമി ഒാർമിപ്പിച്ചു.