ബ്രേക്ക്​ നഷ്​ടപ്പെട്ട വാഹനത്തെ അപകടത്തില്‍ നിന്നും രക്ഷിച്ച്​ ദുബൈ പൊലീസ്​ 

ദുബൈ: ബ്രേക്ക്​ നഷ്​ടപ്പെട്ട്​ സംഭവിക്കുമായിരുന്ന ഗുരുതര അപകടം ദുബൈ പൊലീസി​​െൻറയും ഇമറാത്തി പൗര​​െൻറയും മികച്ച ഇടപെടൽ കൊണ്ട്​ ഒഴിവായി. പ്രത്യേക പരിരക്ഷ ആവശ്യമുള്ള വാഹനയാത്രികൻ പ്രശ്​നങ്ങളില്ലാതെ രക്ഷപ്പെട്ടു. കഴിഞ്ഞ ദിവസം വാഹനമോടിക്കുന്നതിനിടെ ബ്രേക്ക്​ നഷ്​ടപ്പെട്ടതോടെ ഡ്രൈവർ കടുത്ത പരി​ഭ്രാന്തിയിലായി. എന്നാലും സമയം കളയാതെ ദുബൈ പൊലീസി​​െൻറ 999 നമ്പറിൽ ബന്ധപ്പെട്ടു. വാഹനം ഏതു സമയവും നിയന്ത്രണം വിട്ട്​ ഇടിച്ചേക്കും എന്ന അവസ്​ഥയിലായിരുന്നു.

ഡ്രൈവറെ സമാശ്വസിപ്പിക്കാൻ ശ്രമിച്ച ദുബൈ പൊലീസ്​ ഒാപ്പറേഷൻസ്​ റൂം അധികൃതർ സമീപത്തെ പൊലീസ്​ പട്രോൾ സംഘങ്ങൾക്കെല്ലാം ഇക്കാര്യമറിയിച്ച്​ സന്ദേശം നൽകിയിരുന്നു. എന്നിരിക്കിലും ഏതു സമയവും വാഹനം ഇടിച്ചേക്കും എന്ന അവസ്​ഥയായിരുന്നു. ഒാപ്പറേഷൻ റൂം ഡെപ്യൂട്ടി ഡയറക്​ടർ ​ബ്രിഗേഡിയർ ഒമർ അബ്​ദുല്ലാ അൽ ശംസി ഉടനടി ബ്രേക്ക്​ നഷ്​ടപ്പെട്ട വാഹനത്തിലെ ഡ്രൈവറെ ഫോൺ ചെയ്​ത്​ മുന്നിലുള്ള വാഹനത്തി​​െൻറ നമ്പർ നൽകാൻ ആവ​ശ്യപ്പെട്ടു. ആ വാഹനമോടിച്ച ഇമറാത്തി പൗരനെ വിളിച്ച്​ കാര്യങ്ങൾ ധരിപ്പിച്ച അദ്ദേഹം വാഹനത്തി​​െൻറ വേഗത കുറക്കാൻ നിർദേശിച്ചു.പിന്നിൽ ബ്രേക്ക്​ നഷ്​ടപ്പെട്ട്​ വരുന്ന വാഹനം ഇടിക്കു​േമ്പാൾ ആഘാതം കുറക്കാനാണ്​ ഇത്തരമൊരു നിർദേശം നൽകിയത്​. 

ഇരു വാഹനങ്ങളിലെയും ​ൈ​ഡ്രവർമാരും പൊലീസ്​ അധികൃതരും ​ഫോണിൽ സംസാരിച്ച്​ മുന്നിലുള്ള വാഹനത്തിൽ വാഹനം മുട്ടിച്ച്​ നിർത്തുകയായിരുന്നു. 
വാഹനം നിർത്തിയപ്പോഴേക്കും പൊലീസ്​ സംഘം സ്​ഥലത്തെത്തി തുടർ സൗകര്യങ്ങളൊരുക്കി നൽകുകയായിരുന്നു.