ഗർഹൂദ്​ പാലത്തിൽ മൂന്ന്​ വാഹനങ്ങളുടെ കൂട്ടയിടി

ദുബൈ:  വാഹനങ്ങൾ കൂട്ടിയിടിച്ച്​ ഗർഹൂദ്​ പാലത്തിൽ അപകടം. വെള്ളിയാഴ്​ച ഉച്ചക്കാണ്​ മൂന്ന്​ വാഹനങ്ങൾ അപകടത്തിൽപ്പെട്ടത്​. രണ്ടു പേർക്ക്​ പരിക്കേറ്റു.  രണ്ട്​ കാറുകൾ കൂട്ടിയിടിച്ച്​ പാലത്തി​​െൻറ അരികിൽ ഇടിച്ചുകയറുകയായിരുന്നു. മൂന്നാമതെത്തിയ വാഹനവും ഇവയി​ൽ ഇടിച്ചു. ഒരാളുടെ പരിക്ക്​ സാരമുള്ളതാണ്​.  ഒരു കാർ പൂർണമായും തകർന്നു. ദുബൈ പൊലീസ്​ പ​ട്രോൾ സംഘവും ആംബുലൻസും സംഭവസ്​ഥലത്തെത്തി രക്ഷാ പ്രവർത്തനം നടത്തി. വാഹനമോടിക്കുന്നവർ നിയമം പാലിച്ച്​ അമിതവേഗവും മറികടക്കലുമില്ലാതെ ശ്രദ്ധാപൂർവം നീങ്ങിയാൽ അപകടങ്ങൾ തടയാനാകുമെന്ന്​ പൊലീസ്​ പറഞ്ഞു.