വാഹനാപകടത്തിൽ പരിക്കേറ്റ രണ്ട് വയസ്സുകാരി മരിച്ചു

റാസല്‍ഖൈമ: രണ്ടാഴ്ച്ച മുമ്പ് റാസല്‍ഖൈമ അല്‍ ശമലിലുണ്ടായ വാഹനാപകടത്തില്‍ ഗുരുതര പരിക്കുകളോടെ സഖര്‍ ആശുപത്ര ിയില്‍ പ്രവേശിപ്പിക്കപ്പെട്ട രണ്ട് വയസ്സുകാരി ഫാത്തിമ സുല്‍ഫ മരണപ്പെട്ടു. റാസല്‍ഖൈമ മതകാര്യ വകുപ്പിന് കീഴില്‍ ഇമാമായി സേവനമനുഷ്ഠിക്കുന്ന ലക്ഷദ്വീപ് സ്വദേശി ഹാഫിദ് അസ്ഗര്‍ യാസീൻെറ മകളാണ്.

ഈ മാസം 14ന് നാട്ടില്‍ നിന്നെത്തിയവരെ മാതാപിതാക്കൾക്കൊപ്പം സന്ദര്‍ശിച്ച് മടങ്ങവെ കാര്‍ അല്‍ ശമലില്‍ വെച്ച് അപകടത്തില്‍പ്പെടുകയായിരുന്നു. അസ്ഗറിനും പരിക്കേറ്റിരുന്നു. മാജിദ ബീവിയാണ് മാതാവ്. ഖബറടക്കം റാസല്‍ഖൈമയിലെ ഖബര്‍സ്ഥാനില്‍ നടത്തി.