അക്കാദമിക്​ സിറ്റി റോഡിന്​ ഇനി അടർക്കളത്തിലെ ധീര​െൻറ പേര്​

ദുബൈ: യമനിലെ സമാധാന സേനാ ദൗത്യത്തിനിടെ പരിക്കേറ്റ്​ രാജ്യത്ത്​ തിരിച്ചെത്തിയ ശൈഖ്​ സായിദ്​ ബിൻ ഹംദാൻ ആൽ നഹ്​യാ​​​െൻറ ആദരാർഥം ദുബൈയിലെ  റോഡിനു പേരു മാറ്റുന്നു. അക്കാദമിക്​ സിറ്റി റോഡ്​ ഇനിമേൽ സായിദ്​ ബിൻ ഹംദാൻ റോഡ്​ എന്ന പേരിൽ അറിയപ്പെടുന്ന വിവരം യു.എ.ഇ വൈസ്​പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമാണ്​ അറിയിച്ചത്​. 

ദിനേന ആയിരക്കണക്കിന്​ വിദ്യാർഥികളും യുവജനങ്ങളും സഞ്ചരിക്കുന്ന ഇൗ റോഡ്​ രാജ്യത്തിന്​ അഭിമാനമായ യുവാവി​​​െൻറ പേരിൽ അറിയപ്പെടുമെന്നും ഇമറാത്തി യുവതയുടെ ദൃഢനിശ്​ചയത്തി​​​െൻറയും ശക്​തിയുടെയും ത്യാഗത്തി​​​െൻറയും പ്രതിനിധാനമാണിതെന്നും ശൈഖ്​ മുഹമ്മദ്​ പറഞ്ഞു.  മുഹമ്മദ്​ ബിൻ സായിദ്​ റോഡിനും എമിറേറ്റ്​സ്​ റോഡിനും സമാന്തരമായാണ്​ സായിദ്​ ബിൻ ഹംദാൻ റോഡ്​. 50 കിലോമീറ്റർ നീളമുള്ള എട്ടുവരി ഹൈവേയുടെ പകുതി ഭാഗം ഗതാഗതത്തിന്​ തുറന്നു കൊടുത്തിട്ടുണ്ട്​. മാർച്ചിൽ റോഡ്​ പൂർണമായും സഞ്ചാരത്തിനായി സജജമാവും.